MASWAYETU BLOG

HAYA HAPA MAGAZETI YA LEO ALHAMISI AGOSTI 26,2021

Unknown 23:51:00 NEWS No comments

Magazetini leo Alhamis August 26 2021....Mauaji Dar

NAIBU WAZIRI WA AFYA DKT. MOLLEL AWATAKA WATANZANIA KUIPA UMUHIMU CHANJO YA UVIKO 19 NI SALAMA

Unknown 23:51:00 NEWS No comments

Naibu Waziri wa Afya, maendeleo ya Jamii, Jinsia, Wazee na watoto Dkt. Godwin Mollel

Na Dotto Kwilasa, Dodoma

Naibu Waziri wa Afya, maendeleo ya Jamii, Jinsia, Wazee na watoto Dkt. Godwin Mollel amewataka wananchi kuipa umuhimu chanjo ya UVIKO-19 na kusema kuwa ni salama kwa afya zao.

Dkt. Mollel amesema hayo leo Jijini Dodoma kwenye Mkutano Mkuu wa wadau wa huduma za elimu ya afya kwa umma uliofanyika jijini Dodoma ambapo amesema wananchi hawapaswi kuogopa maneno yanayoendelea mitandaoni kuhusu chanjo hiyo kwani Serikali inawajali na kamwe haiwezi kuwaangamiza.

Mbali na hayo amesema Tanzania ni taifa la Mungu hivyo hatma yake iko mikononi kwa Mungu na kuwataka watanzania kuelekeza imani yao kwa Mwenyezi Mungu kumaliza wimbi la tatu la Ugonjwa huo.

Dk. Mollel ametumia nafasi hiyo kuwataka wadau hao wa huduma za elimu ya afya nchini,kuchapa kazi na kuwasihi waandishi kuzingatia maudhui yanayofaa kurusha kwenye vyombo vya habari.

"Msiogope yanayoendelea mitandaoni na kwenye vyombo vya habari ni kawaida tu, mambo yatakaa vizuri,,, Mkachape kazi hayo mengine mtuachie sisi Maronaldo wenu wao watakuja na wataondoka wakiwa wamefunga goli 0,,hali ya chanjo inaenda vizuri", amesema.

Katika kutoa elimu kwa umma aliwataka wadau hao kuwashirikisha watu maarufu, wasanii na viongozi wa dini ili kufikisha elimu kwa umma kuhusu umuhimu a chanjo ya Uviko 19 hasa katika sehemu za vijijini.

Aidha aliwataka wadau kutokujielekeza katika kufanya semina na makongamano na badala yake bajeti iliyowekwa itumike kuwawezesha wadau kuwafikia wananchi ili kutoa elimu ya afya kwa umma na chanjo ya Uviko 19.

Akitoa salamu kwa niaba ya Waziri wa Mawasiliano, Sayansi na teknolojioa msemaji wa wizara hiyo Prisca Ulomi amesema wizara hiyo itashirikiana vizuri na wadau na makampuni ya simu kutoa elimu ya afya kwa umma kwa njia ya Tehama.

WAZIRI MKUU : SERIKALI IMETUMIA SH. BILIONI 172.644 KULIPA MADENI YA WATUMISHI WA UMMA

Unknown 23:51:00 NEWS No comments

Waziri Mkuu wa Jamhuri ya Muungano wa Tanzania Kassim Majaliwa

Na Dotto Kwilasa,Dodoma

SERIKALI imesema,katika kipindi cha Mei 2021 hadi sasa imetumia jumla ya Sh. bilioni 172.614 kulipa madeni mbalimbali ya watumishi wa umma na inaendelea kulifanyia kazi suala hilo ili lisiendelee kuwa kero kwa wastaafu katika kumudu maisha baada ya kustaafu.

Waziri Mkuu wa Jamhuri ya Muungano wa Tanzania Kassim Majaliwa amesema hayo leo (Jumatano, Agosti 25, 2021) Jijini hapa Wakati akifungua Mkutano Mkuu wa nane wa Chama Cha Wafanyakazi wa Serikali za Mitaa(TALGWU).

Pia, Waziri Mkuu ameuagiza uongozi wa Chama cha Wafanyakazi wa Serikali za Mitaa Tanzania (TALGWU) uhakikishe unatumia fedha na rasilimali za chama hicho kwa kuwahudumia wanachama wao wote bila ubadhirifu.

Waziri Mkuu ametumia fursa hiyo kutoa wito kwa wanaTALGWU na kuwasihi waendelee kushirikiana, kushikamana na kuwajibika kwa kuzingatia uadilifu kwani kutekeleza majukumu yao kwa ufanisi ni silaha kuu katika kufikia malengo ili kupunguza mzigo kwa Serikali.

Kadhalika, Waziri Mkuu ametoa rai kwa viongozi watakao fanikiwa kuibuka kidedea katika uchaguzi watakaoufanya leo wahakikishe wanaenda kutekeleza majukumu yao ya kikatiba kwa weledi mkubwa na kwa kuweka maslahi ya wanachama wao mbele.

Amesema hadi sasa zipo halmashauri 18 ambazo hazijaunda mabaraza ya wafanyakazi, hivyo amemuelekeza Waziri wa Nchi, Ofisi ya Waziri Mkuu, Sera, Bunge, Uratibu, Kazi, Vijana, Ajira na Wenye Ulemavu Jenista Mhagama kuwaagiza Makatibu Wakuu wa Wizara husika wahakikishe mabaraza hayo yanaundwa ifikapo ama kabla ya tarehe 30 Septemba 2021.

Akizungumzia kuhusu ugonjwa wa UVIKO 19, Waziri Mkuu amewataka wananchi wafuate maelekezo yanayotolewa na wataalamu wa afya katika kujinga na ugonjwa huo na pale wanapoona dalili ambazo hawazielewi wawahi katika vituo vya kutolea huduma za afya kwa uchunguzi na matibabu.

“Kama mnavyofahamu, kuwa dunia nzima ipo kwenye wimbi la tatu la UVIKO 19. Janga hili lipo nchini na limesababisha baadhi ya ndugu zetu kupoteza maisha na wengine kuendelea kuugua. Kwa msingi huo ni muhimu kwetu kuendelea kuchukua tahadhari kwa kujikinga na maambukizi ya UVIKO 19.”

Amesema kuwa chanjo ya UVIKO 19 inapatikana na inasambazwa nchini kote ikiwemo hapa Dodoma ambapo huduma hiyo inatolewa katika vituo 89 ndani ya mkoa. “Sambamba na vituo hivi, pia ipo huduma ya mkoba (mobile) ambapo watumishi wa afya wanakwenda katika maeneo yenye watu wengi ikiwemo makampuni ya ujenzi na kutoa huduma”

“Niwatoe hofu wananchi wote kuwa chanjo hii ni salama, haina madhara yoyote na ni hiyari na hakuna atakayechanjwa pasipo ridhaa yake. Hivyo, niwaombe wananchi kujiepusha na watu wanaopotosha ukweli kuhusu suala la chanjo.”

Naye Waziri wa Nchi, Ofisi ya Waziri Mkuu, Sera, Bunge, Uratibu, Kazi, Vijana, Ajira na Wenye Ulemavu Jenista Mhagama amesema kuwa TALGWU ni chama imara miongoni mwa vyama vya wafanyakazi nchini na kwamba uongozi wa chama hicho ni imara na unazingatia katiba, kanuni na miongozo katika kuwatumikia wanachama wake.

Ametumia nafasi hiyo pia kuvikumbusha vyama vya wafanyakazi ambavyo bado havijakamilisha taratibu za uchaguzi kwa mwaka huu kufanya hivyo maramoja ili kuendana na muda uliopangwa kabla ya mwezi wa 11 haujaisha.

Kwa upande wake Katibu Mkuu wa TALGWU, Rashidi Mtima amempongeza Mheshimiwa Rais Samia Suluhu Hassan kwa kuendelea kuchukua hatua madhubuti zenye lengo la kuondoa kero na kuimarisha maslahi ya wafanyakazi nchini.

ALIYELETA TAHARUKI DAR ATHIBITIWA

Unknown 23:51:00 NEWS No comments

Mwanaume aliyeleta taharuki Jijini Dar es Salaam leo

Jeshi la Polisi mkoani Dar es Salaam, limefanikiwa kumdhibiti kwa risasi mtu mmoja aliyekuwa na silaha mbili za kivita karibu na eneo zilipo Ofisi za Ubalozi wa Ufaransa wilayani Kinondoni ambapo alikuwa akifyatua risasi na kutishia usalama wa eneo hilo.

Taharuki hiyo imezuka mchana wa leo Agosti 25, 2021, ambapo Mkuu wa Jeshi la Polisi Tanzania IGP Simon Sirro, amesema kwamba katika tukio hilo mtu huyo aliwaua Askari wawili na kisha na baadaye yeye aliuawa katika majibizano ya risasi.

CHANZO - EATV

Makojo Secondary School

Unknown 23:50:00 NEWS No comments

About Makojo Secondary School Makojo Secondary School is a secondary school in Tanzania with The National Examinations Council of Tanzania (NECTA) registration number S1907 – Known as Shule ya Sekondari Makojo Secondary School Makojo Secondary School is located at Mara. Makojo Secondary School is boys and girls school and it is doing well in Biology, […]

This post Makojo Secondary School has been posted by Udahiliportal Editor 02

Get more post by visiting Udahiliportal.com

know more details about Udahiliportal.com by visiting Udahiliportal.com - Find Jobs & Ajira mpya leo, ajira portal Tanzania, ajira yako, brighter Monday, mabumbe, mwananchi ajira, secretariet ya ajira, tamisemi ajira za afya, wizara ya afya, ajira Tanzania - selection za vyuo , selection, second selection vyuo, second selection, tamisemi selection, selection form one 2020/2021