YANGA YAIDUNGUA SIMBA SC 1-0 RAIS SAMIA AKISHUHUDIA KILA KITU

Derby imemalizika, Yanga wanafanikiwa kuzuia ubingwa wa mapema kwa Simba.

Kikosi cha Yanga, leo kimeibuka na ushindi wa bao 1-0 dhidi ya Simba inayonolewa na Kocha Mkuu, Didier Gomes.

Mchezo wa leo ambapo Simba SC ilikuwa inahitaji pointi tatu ili kutangazwa kuwa mabingwa wa Ligi Kuu Bara mambo yalikuwa magumu kwa timu hiyo iliyoshuhudia pointi tatu zikienda Yanga.

Ni Zawadi Mauya ambaye alikuwa shujaa wa mchezo kwa kupachika bao moja mbele ya Rais wa Tanzania, Samia Suluhu na kuwafanya Simba wasiamini wanachokiona.

Ushindi huo unaifanya Yanga kufikisha jumla ya pointi 70 ikiwa nafasi ya pili huku Simba ikibakiwa na pointi 73 baada ya kucheza jumla ya mechi 30.

Rais was Jamhuri ya Muungano wa Tanzania Samia Suluhu Hassan akiwa katika Uwanja wa Mkapa kushuhudia mchezo wa Simba dhidi ya Yanga.

Rais Samia amewasili majira ya Saa 10:57 jioni ikiwa ni dakika moja kabla timu hazijaingia Uwanjani kwa mchezo.

Hii inakuwa ni mara ya kwanza kwa Rais Samia kuhudhuria mechi ya Ligi Kuu Bara tangu awe Rais wa Awamu ya sita.

Mara baada ya kuwasili Rais Samia alikwenda moja kwa moja juu kuketi huku maelfu ya mashabiki wa timu zote wakimshangilia kwa kelele sambamba na kumpigia makofi.

Rais Samia amepokelewa na Rais wa Shirikisho la Soka Tanzania (TFF) Wallece Karia akiwa amekaa naye pamoja katika eneo la wageni maalum.

Kuwasili kwa Rais Samia kulifuta ratiba ya awali ambayo ilikuwa inamfanya Waziri wa Maji Juma Aweso kuwa mgeni rasmi kama ilivyotangazwa mapema na timu mwenyeji wa mchezo wa leo Simba.

Read More →

ATUPWA JELA KWA KUMTUSI NA KUTISHIA KUMTANDIKA MAMA YAKE MZAZI

Jamaa ambaye alimtusi mama yake mzazi amekutwa na hatia na kisha kutozwa faini ya KSh 10,000 sawa na shilingi laki mbili za Kitanzania.

Iwapo mshtakiwa, David Maloba Omar atashindwa kulipa hela hizo basi atalazimika kutumikia kifungo cha miezi mitatu gerezani kwa kuvuruga utulivu.

Kwa mujibu wa Nairobi News, mahakama iliarifiwaa kuwa Oduor alizua vurugu nyumbani kwake Gaudensia Oduor mtaani Lang'ata mwezi Juni 18.

Mshukiwa alisemekana kumtusi, kumhangaisha na kutishia kumtandika mamaake nyumbani kwake mtaani Langa'ta

Mshtakiwa huyo alisomewa adhabu yake na hakimu Charles Mwaniki katika mahakama ya Kibera baada ya kukiri mashtaka. Mahakama aidha iiliarifiwa kuwa Oduor alitishia kumtandika mamake.

Mamaake alilazimika kujifungia ndani ya nyumba akihofia maisha yake. Alirejea kosa hilo siku iliyofuata na kisha akaelekea jikoni kupika baada ya mamake kujifungia ndani ya chumba chake cha kulala. Alilazimika kumshtaki kwa polisi.

Uchunguzi wa polisi ulionyesha kuwa mwaka jana mama huyo alilalamika kuhusu tabia ya mwanawe. Kupitia wakili wake, aliiambia mahakama kuwa amesuluhisha suala hilo na kusameheana na mamake, alielezea majuto yake na kuomba msamaha.

Chanzo - Tuko news

Read More →

MZIGO UMEONGEZWA UJAZO...LADHA YA 'HANSON'S CHOICE' NI ILE ILE

 

Read More →

KAMPUNI YA JAMBO YATANGAZA KUANZA KUNUNUA MATUNDA YA MANANASI

TANGAZO 

 Habari njema kwa watu wote

Kampuni ya Jambo Food Product ya mjini Shinyanga inatangaza kuwa kwa sasa imeanza kununua MANANASI.

Ewe mteja fika katika kiwanda cha Jambo mjini Shinyanga ili upate mkataba na mwongozo kamili wa kupeleka mananasi.

Pia utaratibu wa kununua matunda mengine mtatarifiwa pindi watakapoanza kununua. 

Kumbuka usilete matunda kabla hujafika ofisini na kupewa mkataba.

Kwa mawasiliano zaidi piga simu namba 0622666692 au 0622666693

Chagua kufanya kazi nasi, Jambo Food Product : JAMUKAYA!!

Read More →

Mpyaa : PAKUA APP YA MALUNDE 1 BLOG ILIYOBORESHWA ZAIDI 2021...HABARI BURE MOJA KWA MOJA KWENYE SIMU YAKO

Read More →

Procurement Officer (Immediately) at Caliber First Group Limited

                                                            JOB TITLE: JOB ADVERT- Procurement Officer (Immediately) JOB LOCATION: Dar Es Salaam Tanzania Company Name: Caliber First Group Limited (CFGL) Caliber First Group Limited (CFGL) […]

This post Procurement Officer (Immediately) at Caliber First Group Limited has been posted by Udahiliportaldaily

Get more post by visiting Udahiliportal.com

know more details about Udahiliportal.com by visiting Udahiliportal.com - Find Jobs & Ajira mpya leo, ajira portal Tanzania, ajira yako, brighter Monday, mabumbe, mwananchi ajira, secretariet ya ajira, tamisemi ajira za afya, wizara ya afya, ajira Tanzania - selection za vyuo , selection, second selection vyuo, second selection, tamisemi selection, selection form one 2020/2021

This this content has been copied from udahiliportal.com , please kindly visit Udahiliportalto access full original content content or click here for more details

 

Read More →

Deputy Chief of Party (DCOP) at Jane Goodall Institute

DEPUTY CHIEF OF PARTY About Us: The Jane Goodall Institute (JGI) is an international non-governmental organization which was founded in 1977 that continues Dr. Goodall’s pioneering work on chimpanzee ecology and behavior. Its mission is to promote wildlife conservation, in particular chimpanzee sustainability, through community-based conservation, research, and public awareness. The breadth of JGI’s mission […]

This post Deputy Chief of Party (DCOP) at Jane Goodall Institute has been posted by Udahiliportaldaily

Get more post by visiting Udahiliportal.com

know more details about Udahiliportal.com by visiting Udahiliportal.com - Find Jobs & Ajira mpya leo, ajira portal Tanzania, ajira yako, brighter Monday, mabumbe, mwananchi ajira, secretariet ya ajira, tamisemi ajira za afya, wizara ya afya, ajira Tanzania - selection za vyuo , selection, second selection vyuo, second selection, tamisemi selection, selection form one 2020/2021

This this content has been copied from udahiliportal.com , please kindly visit Udahiliportalto access full original content content or click here for more details

 

Read More →

System Administrator at Kazini Kwetu

System Administrator   Dar es Salaam, Tanzania, United Republic of Career Page System Administrator We are looking for System Administrator with “hands on” experience in ISP. The successful candidate should be able to begin to work immediately Responsibilities:   Setup, configuration, general maintenance and troubleshooting of all Windows and Linux systems. Administration of server, network […]

This post System Administrator at Kazini Kwetu has been posted by Udahiliportaldaily

Get more post by visiting Udahiliportal.com

know more details about Udahiliportal.com by visiting Udahiliportal.com - Find Jobs & Ajira mpya leo, ajira portal Tanzania, ajira yako, brighter Monday, mabumbe, mwananchi ajira, secretariet ya ajira, tamisemi ajira za afya, wizara ya afya, ajira Tanzania - selection za vyuo , selection, second selection vyuo, second selection, tamisemi selection, selection form one 2020/2021

This this content has been copied from udahiliportal.com , please kindly visit Udahiliportalto access full original content content or click here for more details

 

Read More →

HSE Officer at Kazini Kwetu

HSE OFFICER Place: LINDI Deadline: 21/07/2021 KaziniKwetu Ltd on behalf of client is looking for HSE Ifficer to be based in Mufindi. The HSE Officer will be responsible for coordinating the Quality, Environmental, Health, Safety, legal compliance programes and related issues within the department. She/he is also responsible for ensuring that the business complies with […]

This post HSE Officer at Kazini Kwetu has been posted by Udahiliportaldaily

Get more post by visiting Udahiliportal.com

know more details about Udahiliportal.com by visiting Udahiliportal.com - Find Jobs & Ajira mpya leo, ajira portal Tanzania, ajira yako, brighter Monday, mabumbe, mwananchi ajira, secretariet ya ajira, tamisemi ajira za afya, wizara ya afya, ajira Tanzania - selection za vyuo , selection, second selection vyuo, second selection, tamisemi selection, selection form one 2020/2021

This this content has been copied from udahiliportal.com , please kindly visit Udahiliportalto access full original content content or click here for more details

 

Read More →

Workshop Manager at Kazini Kwetu

Workshop Manager – Heavy Duty Trucks and Machines Maintenance Songea, Tanzania, United Republic of Career Page Workshop Manager – Heavy Duty Trucks and Machines Maintenance Qualifications:    Mechanical Engineering Degree Experience in mechanical works on heavy duty machines including heavy trucks and similar. Computer literate. Good communications skills in English.   Responsibilities:   Manage, organise and […]

This post Workshop Manager at Kazini Kwetu has been posted by Udahiliportaldaily

Get more post by visiting Udahiliportal.com

know more details about Udahiliportal.com by visiting Udahiliportal.com - Find Jobs & Ajira mpya leo, ajira portal Tanzania, ajira yako, brighter Monday, mabumbe, mwananchi ajira, secretariet ya ajira, tamisemi ajira za afya, wizara ya afya, ajira Tanzania - selection za vyuo , selection, second selection vyuo, second selection, tamisemi selection, selection form one 2020/2021

This this content has been copied from udahiliportal.com , please kindly visit Udahiliportalto access full original content content or click here for more details

 

Read More →

Land Surveyor at Kazini Kwetu

Land Surveyor   Dar es Salaam, Tanzania, United Republic of Our client; a reputed construction company based in Dar es Salaam is looking for a Land Surveyor who is available to start immediately. Responsibilities    Verify the accuracy of survey data, including measurements and calculations conducted at survey sites. Direct or conduct surveys in order […]

This post Land Surveyor at Kazini Kwetu has been posted by Udahiliportaldaily

Get more post by visiting Udahiliportal.com

know more details about Udahiliportal.com by visiting Udahiliportal.com - Find Jobs & Ajira mpya leo, ajira portal Tanzania, ajira yako, brighter Monday, mabumbe, mwananchi ajira, secretariet ya ajira, tamisemi ajira za afya, wizara ya afya, ajira Tanzania - selection za vyuo , selection, second selection vyuo, second selection, tamisemi selection, selection form one 2020/2021

This this content has been copied from udahiliportal.com , please kindly visit Udahiliportalto access full original content content or click here for more details

 

Read More →

Th. 570 Bilioni Kunufaisha Wanafunzi 160,000 Mikopo Elimu Ya Juu

Na Mwandishi Wetu
SERIKALI kupitia Bodi ya Mikopo ya Wanafunzi wa Elimu ya Juu (HESLB) imepanga kutumia bajeti ya kiasi cha TZS 570 Bilioni katika mwaka 2021/2022 inayotarajia kuwanufaisha zaidi ya wanafunzi 160,000.

Akizungumza jana (Ijumaa, Julai 2, 2021) jijini Dar es salaam katika hafla ya uzinduzi wa msimu mpya wa uombaji mikopo kwa mwaka wa masomo 2021/2022, Waziri wa Elimu Sayansi na Teknolojia, Prof. Joyce Ndalichako amesema kiwango cha fedha kilichotengwa kwa 2021/2022 kimevunja rekodi katika miaka 16 ya uhai wa HESLB.

Kwa mujibu wa Prof. Ndalichako, kati ya wanafunzi hao 160,000, wanafunzi wa mwaka wa kwanza wanatarajiwa kuwa 62,000 wakati wanaoendelea na masomo watakua 98,000.

“Niwaibie siri tu. Hadi mwezi uliopita, bajeti ya mikopo kwa mwaka 2021/2022 ilikua TZS 500 bilioni. Lakini katika siku zake 100 za uongozi kama Rais wetu, Mhe. Mama Samia Suluhu Hassan ameongeza TZS. 70 bilioni na kufikia hizi TZS. 570 bilioni kwa mwaka 2021/2022 sawa sawa na ongezeko la TZS. 106 bilioni (22.8%)” alisema Prof. Ndalichako.

Aliongeza kuwa ongezeko hilo linathibitisha nia ya Serikali ya Awamu ya Sita chini ya Mama Samia Suluhu Hassan ni kuendelea kuwawezesha vijana wengi kupata fedha na kusoma ili watumikie nchi yao na kuwataka waombaji wahitaji watulie, na kusoma maelekezo na kuomba kwa usahihi ili watimize ndoto zao.

Katika mwaka wa masomo wa 2020/2021, Serikali imetenga na kutoa TZS 464 bilioni zinazowanufaisha jumla ya wanafunzi 149,398. Kati yao, wanafunzi 55,287 ni wa mwaka wa kwanza na wengine 94,111 ni wale wanaoendelea na masomo.

Aidha katika hatua nyingine, Prof. Ndalichako aliitaka HESLB kuendelea kutoa elimu ya kutosha kwa waombaji ili waweze kuelewa sifa na utaratibu wa kuomba mkopo kwa usahihi na kuendelea kushirikiana na wadau mbalimbali katika kuwasaidia vijana wengi wanaoomba mikopo.

Akizungumza katika hafla hiyo iliyofanyika katika ofisi za HESLB, Mkurugenzi Mtendaji wa HESLB, Abdul-Razaq Badru amesema wamepokea maelekezo na kuanzia Julai 12 mwaka huu, maafisa wa HESLB wataanza kuendesha programu za elimu ya uombaji mikopo kwa usahihi chini ya kampeni ya #WeweNdoFuture.

“Tunakamilisha utaratibu na uongozi wa Jeshi la Kujenga Taifa (JKT) ili tuwafikie vijana wote waliopo katika kambi 19 za JKT kuanzia Julai 12 … tutaendesha pia programu hizi kupitia televisheni, redio, mitandao ya kijamii na mikutano na wadau,” amesema Badru.

Kuhusu utaratibu na muda wa kuomba, Badru amesema Mwongozo wa Uombaji mkopo unaoeleza sifa na utaratibu wa kuomba mkopo unapatikana katika www.heslb.go.tz kuanzia leo (Ijumaa, Julai 2, 2021).

“Mwongozo upo katika tovuti kuanzia leo, Julai 2 na tunawashauri waombaji wausome kabla ya kuomba. Aidha, mfumo wa kupokea maombi kuwa wazi kwa siku 53 kuanzia, Julai 9 hadi Agosti 31, 2021,” amesema Badru.

Mkutano huo wa uzinduzi pia uliohudhuriwa na Naibu Katibu Mkuu wa Wizara ya Elimu, Sayansi na Teknolojia, Prof. James Mdoe na wawakilishi kutoka Shirika la Posta Tanzania (TPC) na Wakala wa Usajili, Ufilisi na Udhamini (RITA) ambao pia huwahudumia waombaji mikopo.

HESLB ilianzishwa kwa mujibu wa Sheria, ikiwa na majukumu makuu ya kutoa mikopo kwa wanafunzi wahitaji na kukusanya mikopo iliyoiva iliyotolewa na Serikali kwa wanafunzi wa elimu ya juu tangu mwaka 1994/1995.

Read More →

Dkt. Mollel Atoa Onyo Kwa Watumishi Wanaotoka Kazini Muda Wa Kazi Na Kwenda Kufanya Kazi Binafsi

 Na WAMJW, DODOMA
Naibu Waziri wa Afya Dkt. Godwin Mollel ametoa onyo kwa watumishi wa sekta ya afya wanaotoka kazini muda wa kazi na kwenda kufanya kazi binafsi.

Dkt. Mollel amesema hayo jana mara baada ya kufanya kikao kazi na mameneja wa Mikoa toka Mfuko wa Taifa wa Bima ya Afya nchini NHIF leo Jijini Dodoma.

“Waziri wa Afya aliunda timu na ikaonyesha jinsi ambavyo kuna ubadhirifu mkubwa kwenye eneo la dawa, kuna madaktari hawakai wakati wa kazi, dawa zinaibiwa na kukosesha huduma kwa wananchi na kuikosesha Serikali mapato” amesema Dkt. Mollel.

Dkt. Mollel ameonyesha kushangazwa na viongozi ndani ya maeneo husika kushindwa kuchukua hatua za kinidhamu dhidi ya watumishi wenye tabia hizo huku akisisitiza watumishi wenye tabia hizo kujirekebisha kabla ya yeye kuanza kuchukua hatua za kisheria.

“Kila mtu acheze kwenye namba yake sasa, usipocheza kwenye namba yako imekula kwako, usifikiri usipocheza kwenye namba yako itamhusu yule aliyefanya kosa, itakuhusu na wewe ambaye ulitakiwa uone” Amesema kwa lugha ya mafumbo akimaanisha kila mtumishi atimize wajibu wake kwenye nafasi yake pamoja na viongozi kuchukua hatua mapema.

Aidha Dkt. Mollel amesema kuwa amepanga kukutana wa wasajili wa vituo binafsi kuzungumza nao jinsi ya kuweka mipango endelevu ya kutumia wataalam waliopo katika sekta ya afya.

Dkt. Mollel ametoa onyo pia kwa wamiliki wa vituo binafsi vya kutolea huduma za afya nchini kuhakikisha wanafuata taratibu zote walizopewa kwenye usajili wa vituo hivyo na kuacha kutumia watumishi wa umma kinyume na taratibu za muda wa kazi.

Read More →

Balozi Sokoine: Wafanyabiashara Tumieni Balozi Za Tanzania

Na Mwandishi wetu, Dar
Wafanyabiashara nchini wanaofanya biashara nje ya nchi wameshauriwa kuwasiliana na balozi za Tanzania ili kupata taarifa sahihi kuhusu fursa za biashara na uwekezaji katika nchi wanazopenda kufanya nazo biashara.

Wito huo umetolewa na Katibu Mkuu Wizara ya Mambo ya Nje na Ushirikiano wa Afrika Mashariki Balozi Joseph Sokoine wakati alipotembelea Maonesho ya 45 ya Kimataifa ya Biashara (Sabasaba) yanayoendelea Jijini Dar es Salaam.

Balozi Sokoine amesema kuwa endapo wafanyabiashara watatumia Balozi za Tanzania Nje ya Nchi itakuwa rahisi kwao kuwapatia taarifa sahihi zaidi kuliko kutumia vyanzo vingine.

“Endapo wafanyabiashara wetu wanaofanya biashara nje watatumia fursa ya kuwasiliana na Wizara ya Mambo ya Nje kupitia Balozi zake Nje ya Nchi watapatiwa taarifa sahihi ambazo zitawasaidia kuokoa muda na kupata bidhaa kwa wakati,” Amesema Balozi Sokoine.

Pamoja na mambo mengine, Balozi Sokoine amewasihi watanzana kwa ujumla kupita katika banda la Wizara ya Mambo ya Nje ili kuweza kupata uelewa wa taarifa/ufafanuzi wa masuala mbalimbali ya kidiplomasia.

Read More →

Mhandisi Masauni Aiagiza PPRA Kudhibiti Rushwa Kwenye Ununuzi Wa Umma

 Na Saidina Msangi, Dodoma
NAIBU Waziri wa Fedha na Mipango Mhandisi Hamad Yusuff Masauni ameiagiza Mamlaka ya Udhibiti wa Ununuzi wa Umma (PPRA), kuongeza kasi ya ukaguzi wa masuala ya ununuzi katika taasisi za Umma ili kubaini mapungufu na kuchukua hatua kabla ya kuisababishia Serikali hasara.

Mheshimiwa Masauni ametoa maagizo hayo jijini Dodoma alipokutana na kufanya mazungumzo na Menejimenti pamoja na Wafanyakazi wa Mamlaka hiyo akiwa katika ziara yake ya kutembelea Taasisi zote zilizochini ya Wizara ya Fedha na Mipango.

Alisema kuwa Serikali inatumia kiasi kikubwa cha fedha kwenye ununuzi akitolea mfano Bajeti iliyopita ya Mwaka wa Fedha 2020/2021 ambapo Shilingi trilioni 25 sawa na asilimia 75 ya Bajeti yote zilitengwa kwa ajili ya kufanya ununuzi.

“Ili kudhibiti matumizi yasiyofaa ya fedha za Umma, ni lazima Idara ya ufuatiliaji na Ukidhi ipatiwe wafanyakazi wa kutosha na wenye weledi ili ukaguzi ufanyike kwa ufanisi na kupunguza hasara kwa Taifa” alisema Mhe. Masauni.

Maelekezo ya Mheshimiwa Naibu Waziri wa Fedha na Mipango Mhe. Hamad Yusuff Masauni yanakuja baada ya kuelezwa kuwa kutokana na changamoto ya uhaba wa watumishi katika Idara ya Ufuatiliaji na Ukidhi, PPRA inakagua wastani wa taasisi 120 katika taasisi 540 kwa mwaka.

Aidha, Dkt. Masauni aliipongeza Taasisi hiyo kwa kusimamia Mfumo wa Ununuzi kwa njia ya Mtandao ujulikanao kama TaNEPS lakini akaagiza wataalam wa ndani wauboreshe ili kuhakikisha kuwa haitoi mwanya wa kutoa zabuni kwa watu wasio na vigezo na wanaotumia rushwa.

“Ni muhimu kuhakikisha kuwa mnapunguza uwezekano wa watumishi kukutana na wazabuni ana kwa ana ili kuepusha mazingira yanayoweza kuchochea rushwa na kuisababishia Serikali hasara” alisisitiza Mhe. Masauni.

Kwa upande wake Kaimu Mtendaji Mkuu wa Mamlaka ya Udhibiti wa Ununuzi Serikalini (PPRA) Mhandisi Mary Swai, alisema kuwa Mamlaka yake inakabiliwa na upungufu wa watumishi ambapo kwa sasa ina watumishi 76 sawa na asilimia 48.

Alimshukuru Mhandisi Masauni kwa kuwatembelea kujua majukumu yao ya kila siku na kuahidi kuwa maagizo yote aliyowapatia yatafanyiwa kazi kikamilifu na kwamba wataendelea kufanya kazi kwa weledi na ufanisi mkubwa katika kuhakikisha kuwa sekta ya ununuzi wa umma inaleta tija na maslahi kwa Taifa.

Read More →

Kigamboni Yakabidhiwa Mradi Wa Viwanja 20,000

 Na Munir Shemweta, WANMM
Wizara ya Ardhi Nyumba na Maendeleo ya Makazi kupitia ofisi ya Kamishna wa Ardhi mkoa wa Dar es Salaam imekabidhi mradi wa viwanja 20,000 kwa halmashauri ya Manispaa ya Kigamboni iliyopo mkoani Dar es Salaam ili iweze kusimamia na  kuendeleza eneo la mradi.

Hatua hiyo inafuatia maagizo ya Waziri wa Ardhi Nyumba na Maendeleo ya Makazi William Lukuvi kutaka manispaa ya Kigamboni kukabidhiwa mradi huo ili kutunza eneo la mradi kwa mujibu wa mipangomiji ya wilaya ya kigamboni.

Akizungumza wakati wa kukabidhi mradi huo wa viwanja 20,000 tarehe 2 Julai 2021 Dar es Salaam kwa Mstahiki Meya ya Manispaa hiyo Ernest Mafimbo, Kamishna wa Ardhi Msaidizi mkoa wa Dar es Salaam Idrisa Kayera alisema, lengo la kukabidhi mradi ni kutaka manispaa ya kigamboni itunze eneo la mradi kwa mujibu wa mipangomiji sambamba na kuzuia uvamizi wa eneo hilo.

Kwa mujibu wa Kayera, awali eneo la viwanja 20,000 katika manispaa hiyo kulikuwa na changamoto mbalimbali kama vile uvamizi wa maeneo ya wazi na kubainisha kuwa, kutokana na mamlaka ya upangaji kuwa chini ya halmashauri wizara imeona ipo haja ya kukabidhi mradi huo kwa halamshauri.

"Wizara imeona ikabidhi mradi huu kwa kuwa halmashauri ina nafasi nzuri ya kusimamia mipangomiji pamoja na kuendeleza miundo mbinu ambapo awali jukumu hilo lilikuwa likifaywa na wizara na tuzingatie mamlaka ya upangaji iko chini ya halmashauri" alisema Kayera.

Maeneo ambayo mradi wa viwanja 20,000 upo katika halmashauri ya Manispaa ya Kigamboni unaohusisha viwanja 15,000 vilivypo Gezaulole, Vijibweni, Muongozo, Kibada na Kisola.

Kwa upande wake meya wa manispaa ya Kigamboni Ernest Mafimbo mbali na kuishukuru wizara kwa kuwapatia mradi huo, alitaka kuwepo kwa hati ya makubaliano  ya mradi kati ya  Wizara na Manispaa ya Kigamboni ili kuwa na ufanisi wakati wa usimamizi na kuendeleza mradi huo kwa maslahi ya wananchi wa kigamboni.

"Sisi tumefurahi kukabidhiwa huu mradi maana utatusaidia sana kama manispaa hata kupata mapato na tutautumia kwa maslahi ya manispaa ya kigamboni" alisema Mafimbo.

Mwenyekiti wa Kamati ya Mipangomiji kwenye halmashauri ya Manispaa ya Kigamboni Sanya Bunaya ambaye ni Diwani wa Kimbiji alisema, pamoja na manispaa kuupokea mradi huo lakini kuna wasiwasi wa kuibuka changamoto kutokana na kubadilika kwa msimamizi wa mradi na kushauri kuainishwa wazi kwa maeneo ya fidia na migogoro mingine ili manispaa ijue.

Hata hivyo, Kamishna Kayera alimtoa wasiwasi kuhusiana na suala la fidia katika maeneo ya mradi kwa kuekeza kuwa suala hilo kama wizara walishalifanyia kazi kwa kuwa wizara ya Ardhi ilipata mkopo kwa ajili ya wamiliki wote waliokuwa wakidai fidia na kusisitiza kuwa halmashauri ya kigamboni inachotakiwa sasa  kuhakikisha maeneo ya mradi huo hayavamiwi  na yanalindwa.

 

Read More →

Makamu Wa Rais Afanya Mazungumzo Na Waziri Wa Biashara Wa Ufaransa

Makamu wa Rais wa Jamhuri ya Muungano wa Tanzania Dkt. Philip Isdor Mpango amekutana na kufanya  mazungumzo na waziri anaeshughulikia masuala ya Biashara ya Kimataifa na Uchumi  Mhe. Franck Riester Paris Nchini Ufaransa Julai 2, 2021.

Katika mazungumzo yao, pande zote mbili zimekubaliana kuendeleza ushirikiano mzuri ambao umedumu kwa muda mrefu hususan katika utekelezaji wa miradi mbalimbali ya maendeleo pamoja na kuendelea kuimarisha uhusiano wa biashara kati ya pande mbili. Kupitia Waziri huyo Serikali ya Ufaransa imeahidi kuongeza kiwango cha fedha kwa ajili ya ufadhili wa miradi ya maendeleo katika sekta ya miundombinu, kilimo, afya na maji.

Mazungumzo hayo yamehudhuriwa na Balozi wa Tanzania nchini Ufaransa Samwel Shelukindo, Katibu Mkuu wizara ya Afya – Idara kuu ya maendeleo ya Jamii Dkt. John Jingu pamoja na Naibu Waziri wa Mambo ya Nje na Ushirikiano wa Afrika Mashariki Balozi Mbarouk N Mbarouk.

Read More →