SERIKALI KUZINDUA SERA MPYA YA VIWANDA NA JASIRIAMALI NDOGO NA ZA KATI JIJINI DODOMA - MHE. KAPINGA

📌 Waziri Mkuu Mhe. Dkt. Mwigulu Lameck Nchemba, anatarajiwa kuwa Mgeni Rasmi katika uzinduzi wa sera hizo;

📌 Waziri Kapinga afanya mkutano na waandishi wa habari kueleza hatua ya maandalizi iliyofikiwa;

📌Asema Serikali  inalenga kuongeza mchango wa sekta ya viwanda hadi kufikia asilimia 15  kwenye pato la Taifa;

📌 Asema Sera ya maendeleo endelevu ya viwanda na Sera ya maendeleo ya jasirimali dogo na kati kuinua biashara bunifu la makundi yote.

DAR ES SALAAM

Serikali kupitia Wizara ya Viwanda na Biashara inatarajia kuzindua sera mbili mpya zinazolenga kuimarisha maendeleo ya sekta ya viwanda na jasiriamali ndogo na za kati nchini ikiwa ni sehemu ya mikakati ya kuongeza uzalishaji, ajira, uongezaji thamani wa malighafi za ndani na ushindani wa bidhaa za Tanzania katika masoko ya ndani na nje ya nchi.

Akizungumza na waandishi wa habari leo, Oktoba 31, 2026, katika Ukumbi wa Shirika la Viwango Tanzania (TBS), jijini Dar es Salaam, Waziri wa Wizara ya Viwanda na Biashara, Mhe. Judith Kapinga (Mb), amesema Sera hizo ni Sera ya Maendeleo Endelevu ya Viwanda ya Mwaka 2025 na Sera ya Maendeleo ya jasiriamali ndogo na za Kati ya Mwaka 2003 (Toleo la Mwaka 2025). 

Amesema Sera hizo zimefanyiwa mapitio ili kuendana na mahitaji ya sasa ya kiuchumi na kuweka mazingira wezeshi ya biashara, uwekezaji na uzalishaji nchini na kuongeza kuwa zitaimarisha pia  mchango wa sekta ya viwanda katika uchumi wa Taifa.

Mhe Kapinga aliongeza kuwa Serikali inalenga kuongeza mchango wa sekta hiyo hadi kufikia asilimia 15 ya Pato la Taifa, sambamba na kuongeza uzalishaji, uongezaji thamani wa malighafi za ndani na ushindani wa bidhaa za Tanzania katika masoko ya ndani na nje ya nchi.

Waziri Kapinga amesema Wizara imejipanga vizuri kutekeleza maelekezo ya Mhe. Rais ya kuhakikisha kila sekta inajipanga na kujiratibu upya ili kuongeza kasi ya ukuaji wa uchumi wa Taifa.

Aidha, Waziri Kapinga amesema Serikali inaendelea kuimarisha na kuitangaza nembo ya Made in Tanzania kwa lengo la kuongeza utambuzi na kuaminika kwa bidhaa zinazozalishwa nchini, kukuza matumizi ya bidhaa za ndani na kupanua fursa za masoko kwa wazalishaji wa Kitanzania. 

Amesema hatua hiyo ni muhimu katika kuhamasisha wananchi kuthamini bidhaa za ndani na kuimarisha ushindani wake katika masoko ya kimataifa.

Kwa upande wa maendeleo ya wajasiriamali wadogo na wa kati, Waziri Kapinga amesema Sera husika inalenga kuboresha miundombinu wezeshi, kuongeza upatikanaji wa mitaji, kukuza matumizi ya teknolojia na ubunifu pamoja na kurahisisha upatikanaji wa masoko kwa bidhaa na huduma zinazozalishwa na wajasiriamali hao ma hatua hiyo inalenga kuwawezesha wajasiriamali kukuza biashara zao, kuongeza tija na kuchangia katika ukuaji wa uchumi wa Taifa.

Kwa upande wa Sera ya Maendeleo Endelevu ya Viwanda, amesema inalenga kuongeza thamani ya mazao na rasilimali zinazozalishwa nchini kupitia uimarishaji wa mnyororo wa thamani, kuendeleza viwanda vya kimkakati, kuongeza uzalishaji wa bidhaa zenye ubora na kuimarisha uwezo wa viwanda vya ndani kushindana katika masoko. 

Aidha, sera hiyo inalenga kuchochea uwekezaji katika sekta ya viwanda na kuongeza fursa za ajira kwa wananchi.

Kuelekea uzinduzi huo, Wizara ya Viwanda na Biashara imeandaa maonesho na kliniki za biashara Novemba 2 na kongamano la wadau wa sekta ya Viwanda na Biashara wanatarajia kukutana Novemba 3, 2026, kwa lengo la kuwapa wadau wa sekta ya viwanda na biashara fursa ya kujifunza kuhusu sera hizo, kujadili masuala ya utekelezaji na kuelewa mchango wao katika kuimarisha maendeleo ya viwanda na ujasiriamali nchini.

Uzinduzi rasmi wa Sera hizo utafanyika Novemba 4, 2026, jijini Dodoma, ambapo Waziri Mkuu wa Jamhuri ya Muungano wa Tanzania, Mhe. Dkt. Mwigulu Lameck Nchemba, anatarajiwa kuwa Mgeni Rasmi.

Read More →

DC BAGAMOYO AWATAKA WADAU KUONGEZA USHIRIKIANO KUFANIKISHA TAMASHA LA SANAA NA UTAMADUNI

NA EMMANUEL MBATILO, BAGAMOYO

MKUU wa Wilaya ya Bagamoyo amewataka wadau mbalimbali kuongeza ushirikiano katika kufanikisha Tamasha la Kimataifa la Sanaa na Utamaduni Bagamoyo ili liendelee kudumu na kukuza sekta ya sanaa nchini.

Akizungumza katika kilele cha Tamasha la 44 la Kimataifa la Sanaa na Utamaduni lililofanyika katika viwanja vya Taasisi ya Sanaa na Utamaduni Bagamoyo (TaSUBa), Mkuu huyo wa Wilaya amesema ushirikiano wa wadau ni muhimu katika kukabiliana na changamoto za maandalizi na uendeshaji wa matamasha makubwa.

Amesema TaSUBa imefanya kazi kubwa ya kuhakikisha tamasha hilo linaendelea kufanyika kwa miaka 44 mfululizo, hatua inayopaswa kupongezwa kutokana na mchango wake katika kuhifadhi, kukuza na kuendeleza sanaa na utamaduni wa Tanzania.

Ametoa pongezi kwa Kaimu Mkuu wa Taasisi hiyo, uongozi, wafanyakazi, wanachuo na kamati zote za tamasha kwa juhudi wanazozifanya kila mwaka kuhakikisha tukio hilo linaendelea kufanyika.

Aidha, amewataka waandaaji wa tamasha hilo na matamasha mengine nchini kuendelea kufungua milango kwa wadau wengi zaidi ili washirikiane katika kugharamia na kuendesha matukio hayo muhimu kwa Taifa.

Katika hatua nyingine, amewapongeza wasanii wote walioshiriki tamasha hilo, akieleza kuwa baadhi yao walijigharamia wenyewe ili kuhakikisha wanakuwa sehemu ya tukio hilo.

Amesema kujitolea kwa wasanii hao ni ishara ya uthubutu na mshikamano katika kudumisha na kuendeleza sanaa na utamaduni wa Taifa.

Vilevile, aliwahamasisha wananchi wa Bagamoyo na Watanzania kwa ujumla kujitokeza kwa wingi kuhudhuria na kushiriki matamasha yajayo ili kuwapa moyo wasanii na kuthamini kazi zao.

Amewashukuru wadhamini na taasisi mbalimbali zilizojitokeza kusaidia kufanikisha tamasha hilo kwa namna tofauti.

Wadhamini hao ni Azam Media Limited, ITV na Radio One, EGA, Huduma za Misitu Tanzania (TFS), Shirika la Uzalishaji Mali la Jeshi la Polisi Tanzania (TPFCS), SUMA JKT, Shirika la Nyumba la Taifa (NHC), Hospitali ya Wilaya ya Bagamoyo, Halmashauri ya Wilaya ya Bagamoyo, Malkia Events Management and Tents Limited na Coca-Cola.

Wengine ni Bagamoyo Friendship Society, Ofisi ya Hakimiliki Tanzania (COSOTA), BRELA, TwiBhok Bagamoyo, Shule ya Sekondari Baobab, Bonge Hardware, Klimario Hardware, Salehe Mguu Hardware, Stella Maris Hotel, TANLAPIA, Ofisi ya Ardhi Bagamoyo, DAWASA Bagamoyo na Travellers Lodge, pamoja na vikundi mbalimbali vilivyojigharamia kushiriki tamasha hilo.

Read More →

TANROADS MBEYA YATEKELEZA MAAGIZO YA MAKAMU WA RAIS, NJIA 106 ZAFUNGULIWA

Wakala ya Barabara Tanzania (TANROADS) Mkoa wa Mbeya umeanza kutekeleza maelekezo ya Makamu wa Rais wa Jamhuri ya Muungano wa Tanzania, Mhe. Deogratius Ndejembi, kwa kufungua maeneo na njia 106 za pembezoni mwa mradi wa ujenzi wa barabara ya njia nne kutoka Nsalaga hadi Ifisi, hatua inayolenga kupunguza adha kwa wananchi na wafanyabiashara wakati ujenzi ukiendelea.

Hatua hiyo inafuatia ziara ya kikazi ya Makamu wa Rais jijini Mbeya Oktoba 16 na 17, 2026, ambapo alitoa maelekezo kwa TANROADS kuhakikisha njia zinazotumiwa na wananchi zinafunguliwa ili kurahisisha shughuli za usafiri na usafirishaji na kupunguza usumbufu unaotokana na utekelezaji wa mradi huo.

Akizungumzia utekelezaji wa maelekezo hayo, Meneja wa TANROADS Mkoa wa Mbeya, Mhandisi Suleiman Bishanga, amesema hatua mbalimbali zimechukuliwa kuhakikisha wananchi wanaendelea kutumia njia hizo wakati kazi za ujenzi zikiendelea.

Amesema pamoja na kufunguliwa kwa njia hizo, mkandarasi ameagizwa kuongeza kasi ya utekelezaji wa mradi kwa kufanya kazi usiku na mchana ili kuhakikisha ujenzi unakamilika kwa wakati na kwa viwango vinavyotakiwa na tayari kilomita 3 zilizopo Mbeya mjini TANROADS imeshaanza zoezi la kumwaga lami.

Mradi huo unahusisha ujenzi wa barabara ya njia nne yenye urefu wa kilomita 29 kuanzia Nsalaga (Uyole) hadi Ifisi, eneo la Kiwanja cha Ndege cha Songwe, ukiwa na thamani ya Shilingi bilioni 138.

Utekelezaji wa maelekezo hayo unalenga kuhakikisha wananchi, wafanyabiashara na watumiaji wengine wa barabara wanaendelea na shughuli zao za kila siku huku Serikali ikiendelea kuboresha miundombinu ya usafiri na usafirishaji.

TANROADS Mkoa wa Mbeya inaendelea kusimamia utekelezaji wa mradi huo kwa kuzingatia ubora wa kazi, usalama wa watumiaji wa barabara na kuhakikisha changamoto zinazojitokeza wakati wa ujenzi zinapatiwa ufumbuzi kwa wakati.

Wananchi waliozungumza wameeleza kufurahishwa na hatua ya TANROADS kufungua njia 106 za pembezoni mwa mradi huo, wakisema hatua hiyo imeanza kupunguza changamoto walizokuwa wakikabiliana nazo wakati wa shughuli za ujenzi.

Gladis Mjabili, mkazi wa Ileje, pamoja na Selina Leonard na Leonard Charles ambaye ni dereva bodaboda, wakazi wa Mbeya, wamesema upatikanaji wa njia hizo ni muhimu katika kurahisisha shughuli za kila siku na kupunguza usumbufu kwa watumiaji wa barabara.

Kwa upande wake, Salim Ngaola, dereva wa lori anayesafirisha mizigo kutoka Dar es Salaam kwenda Congo, amesema hali ya barabara na upatikanaji wa njia za kupita ni mambo muhimu kwa madereva wanaosafirisha mizigo masafa marefu.

Naye Leobinus Leonard, dereva wa bajaji jijini Mbeya, amesema hatua hiyo itarahisisha shughuli za usafiri wa ndani na kuwasaidia madereva kuendelea kutoa huduma kwa wananchi bila usumbufu mkubwa.

Read More →

TANZANIA YAIMARISHA KINGA YA JAMII KUCHOCHEA UKUAJI WA MIUNDOMBINU- DKT. MUNISI

Na OWM (KAM), Addis Ababa

Naibu Waziri, Ofisi ya Waziri Mkuu - Kazi, Ajira na Mahusiano, Dkt. Evaline Munisi, amesema Tanzania imeendelea kuimarisha mazingira ya kisera na kisheria yanayolenga kupanua wigo wa kinga ya jamii kwa ustawi wa wananchi na maendeleo ya uchumi wa taifa.

Dkt. Munisi amesema hayo Oktoba 29, 2026, alipokuwa akizungumza katika Mkutano wa Kwanza wa Bara la Afrika kuhusu Miundombinu ya Hifadhi ya Jamii, uliofanyika katika Kituo cha Mikutano cha Umoja wa Mataifa jijini Addis Ababa, Ethiopia.

Mkutano huo una kauli mbiu isemayo "Kuoanisha mifumo ya hifadhi ya jamii kwa ajili ya maendeleo ya miundombinu na mabadiliko ya kiuchumi barani Afrika."

Akieleza hatua zilizofikiwa na Tanzania, Dkt. Munisi amesema Serikali imeanzisha na kutekeleza Sera ya Taifa ya Kinga ya Jamii ya 2023, Sera ya Taifa ya Wazee ya 2023, pamoja na Sheria ya Bima ya Afya kwa Wote ya 2023, ambazo zimeimarisha upatikanaji wa huduma za ulinzi wa jamii kwa wananchi wengi kwa njia jumuishi na endelevu.

"Ni muhimu kuendelea kujenga mifumo ya hifadhi ya jamii iliyo imara kifedha, inayopanua wigo wa kinga ya jamii na kuchangia maendeleo ya kiuchumi yanayowanufaisha wananchi wengi zaidi barani Afrika," amesema Dkt. Munisi.

Naibu Waziri huyo ameeleza kuwa takwimu za mwaka 2025 zinaonesha mifuko ya hifadhi ya jamii nchini ilikuwa na mali zenye thamani ya takribani Sh trilioni 24.15, sawa na Dola bilioni 9.4, huku asilimia 87 ya mali hizo ikiwa imewekezwa katika miradi mbalimbali ya maendeleo.

Mkutano huo umejadili namna mifuko ya pensheni na taasisi za hifadhi ya jamii barani Afrika zinavyoweza kuoanisha mifumo ya hifadhi ya jamii na uwekezaji ili kuunga mkono agenda ya uendelezaji miundombinu.

Katika ziara hiyo, Naibu Waziri Munisi ameongoza ujumbe wa Tanzania unaojumuisha wawakilishi kutoka Mfuko wa Fidia kwa Wafanyakazi (WCF), Mfuko wa Taifa wa Hifadhi ya Jamii kwa Watumishi wa Umma (PSSSF), Mfuko wa Taifa wa Hifadhi ya Jamii (NSSF) na Benki ya CRDB.

Read More →

RC SENYAMULE : UPIGAJI WA FATAKI NI ISHARA YA HISTORIA KUBWA MTUMBA - DODOMA

Na, Mwandishi Wetu - Dodoma

MKUU wa Mkoa wa Dodoma, Mhe. Rosemary Senyamule, amesema upigaji wa fataki katika eneo la Mashujaa jijini Dodoma ni ishara ya kuashiria siku muhimu ya kihistoria kwa Watanzania kuelekea uzinduzi wa majengo ya Ofisi za Wizara na Taasisi za Serikali na Barabara za lami katika Mji wa Serikali Mtumba leo, Oktoba 30, 2026.

Amesema uzinduzi huo ni hatua muhimu katika historia ya nchi, ikizingatiwa kuwa Dodoma ilitangazwa rasmi kuwa Makao Makuu ya Tanzania miaka 53 iliyopita, huku Serikali ikiendelea kutekeleza azma hiyo kupitia uwekezaji mkubwa katika miundombinu na majengo ya kisasa.

Senyamule amesema hayo wakati akiongoza na kushuhudia hafla ya upigaji wa fataki katika eneo la Mashujaa jijini Dodoma, ikiwa ni sehemu ya maandalizi ya uzinduzi wa majengo ya ofisi za wizara na taasisi za Serikali, pamoja na barabara za lami zilizojengwa katika Mji wa Serikali Mtumba.

Amesema tukio hilo linaashiria hatua kubwa ya maendeleo ambayo Dodoma imefikia kupitia uwekezaji uliofanyika katika eneo hilo, unaodhihirisha dhamira ya Serikali ya kuimarisha hadhi ya mji huo kama Makao Makuu ya nchi.

“Ni historia ya pekee, miaka 53 tangu Dodoma ilipotangazwa rasmi kuwa Makao Makuu ya nchi. Leo tunashuhudia uwekezaji mkubwa uliofanyika katika eneo hili la Mtumba,” amesema mhe Senyamule.

Amepongeza Serikali ya Awamu ya Tano kwa kuanzisha mchakato wa kuhamishia shughuli za Serikali Dodoma, akisema msingi uliowekwa wakati huo umeendelea kuimarishwa na Serikali ya Awamu ya Sita chini ya Rais Dkt. Samia Suluhu Hassan.

Aidha, ameipongeza Serikali ya Awamu ya Sita kwa uwekezaji mkubwa uliofanyika katika ujenzi wa majengo ya wizara na taasisi za Serikali, pamoja na miundombinu ya barabara inayotarajiwa kuzinduliwa rasmi leo.

Senyamule amesema mafanikio hayo yanaonesha mwendelezo wa utekelezaji wa uamuzi wa kuifanya Dodoma kuwa kitovu cha shughuli za Serikali, huku Mji wa Serikali Mtumba ukiwa sehemu muhimu ya kutimiza azma hiyo.

Read More →

MWAMKO WA WANANCHI DODOMA, WAENDESHA BODABODA NA BAJAJI WATEMBELEA MJI WA SERIKALI KABLA YA UZINDUZI

Na Dotto Kwilasa, Dodoma

Wakati macho na masikio ya Watanzania yakielekezwa jijini hapa kusubiri uzinduzi wa Mji wa Serikali Mtumba unaotarajiwa kufanywa kesho, Oktoba 30, 2026, waendesha bodaboda, bajaji na maguta wametembelea baadhi ya majengo ya serikali ili kufahamu huduma zinazotolewa na namna zitakavyowanufaisha wananchi.

Ziara hiyo imefanyika leo, Oktoba 29, 2026, imelenga kutambua majukumu ya baadhi ya wizara na namna wadau wa usafirishaji wanavyoweza kupata huduma katika mji huo ambao umejengwa kwa lengo la kuimarisha ufanisi wa shughuli za serikali.

Katika ziara hiyo, kundi hilo lilieleza dhamira ya kutembelea majengo matano yanayohusiana na shughuli zao za kila siku, likiwamo jengo la Wizara ya Maji, Wizara ya Mambo ya Ndani, Wizara inayoshughulikia masuala ya vijana, Ofisi ya Rais-TAMISEMI na Wizara ya Uchukuzi.

Akieleza sababu za ziara hiyo,Mwenyekiti wa shirikisho la vyama vya boda boda,Guta na bajaji Tanzania Saidi Kagomba amesema wameamua kutembelea mji huo kabla ya uzinduzi wa ili kupata uelewa wa huduma zitakazopatikana na namna zitakavyoweza kuwafikia wananchi wa makundi mbalimbali.

Amesema wameona ni muhimu kufanya ziara hiyo kabla ya Rais kufanya uzinduzi , ili kupata maelezo ya kina kutoka kwa wataalamu kuhusu majengo na shughuli zitakazotekelezwa katika mji huo.

Akizungumza kwenye ofisi za Wizara ya Maji Mtumba,Kagomba amesema jengo la Wizara ya Maji ni muhimu kwa maisha ya kila siku ya wananchi, wakiwamo waendesha bodaboda, bajaji na maguta, ambao wanahitaji maji kwa ajili ya kunywa, kuoga na matumizi mengine ya nyumbani.

Kuhusu Ofisi ya Rais-TAMISEMI, amesema wanatarajia kupata ufafanuzi kuhusu namna ofisi hiyo inavyoweza kusaidia kuboresha vituo vya bodaboda na bajaji, ikiwamo uwezekano wa kuwa na vituo vya kisasa vinavyokidhi mahitaji ya shughuli zao.

Ameongeza kuwa baada ya kutembelea Wizara ya Maji wanatarajia kwenda pia Wizara ya Uchukuzi ambayo ameitaja kuwa ni muhimu kwao kwa kuwa shughuli zao zinahusisha usafirishaji wa abiria na zinahitaji kufuata taratibu za kisheria, ikiwamo upatikanaji wa leseni zinazohitajika.

Aidha, walitaka kufahamu namna ya kupata msaada kutoka Wizara ya Mambo ya Ndani na taasisi nyingine pale wanapokumbana na changamoto zinazohitaji uingiliaji wa serikali.

Akizungumza na kundi hilo, Fred Kaduma kutoka Ofisi ya Waziri Mkuu, Sera, Bunge, Uratibu na Watu Wenye Ulemavu, amesema majengo ya Mji wa Serikali Mtumba yamekusudiwa kuhudumia watumishi wa serikali, viongozi pamoja na wananchi wa makundi mbalimbali.

Amesema ofisi hizo si kwa ajili ya viongozi na watumishi pekee, bali ni sehemu ya huduma za umma ambazo wananchi wanapaswa kuzifahamu na kuzitumia kulingana na mahitaji yao.

Kaduma amesema Ofisi ya Waziri Mkuu ina dhamana ya kuratibu uendelezaji wa Mji wa Serikali, huku akiwakaribisha wananchi kutembelea na kupata maelezo kuhusu shughuli zinazofanyika katika eneo hilo.

Kwa upande wake, Paul Frank Nyongo, ambaye pia ni kutoka Ofisi ya Waziri Mkuu, amewapa waendesha bodaboda, bajaji na maguta maelezo ya awali kuhusu mji huo, akieleza kuwa eneo walilolitembelea ni sehemu ya mradi mkubwa wa Mji wa Serikali Mtumba.

Nyongo amesema ziara hiyo ni fursa kwa wananchi kufahamu historia ya mji huo, namna wazo lake lilivyoanza na hatua zilizofikiwa hadi kufikia maandalizi ya uzinduzi unaotarajiwa kufanywa na Rais Samia Suluhu Hassan kesho.

Ameeleza kuwa kupitia maelezo ya wataalamu, wananchi wanaweza kuelewa zaidi namna mji huo ulivyopangwa na huduma zinazolenga kuboresha utendaji wa serikali.

Ziara hiyo imekuja katika kipindi ambacho maandalizi ya uzinduzi wa Mji wa Serikali Mtumba yanaelekea kukamilika, huku tukio la kesho likitarajiwa kuhusisha uzinduzi wa majengo ya serikali pamoja na barabara zilizojengwa ndani ya eneo hilo.

Ushiriki wa makundi kama waendesha bodaboda na bajaji katika ziara hiyo unaonesha umuhimu wa kutoa taarifa na elimu kwa umma kuhusu miradi ya kitaifa, ili wananchi wafahamu huduma zinazopatikana na namna wanavyoweza kuzifikia.

Mji wa Serikali Mtumba ni mradi muhimu kwa shughuli za Serikali jijini Dodoma, ambako uhamishaji na upangaji wa ofisi za serikali katika eneo moja unalenga kurahisisha uratibu wa shughuli za kiutawala na utoaji wa huduma kwa wananchi.

Read More →

SportPesa Tanzania raises maximum stake to TZS 2 million

SportPesa Tanzania has announced a proposed increase in its maximum betting stake from TZS 500,000 to TZS 2 million under its Steki Imepanda initiative. The new advertised ceiling is four times the previous limit, representing a 300% increase and giving eligible customers a wider range of stake amounts, subject to the applicable betting rules. The change concerns the maximum amount that can be placed on a qualifying bet, rather than the odds or the likelihood of winning.

The new SportPesa stake limits gives customers more flexibility in how much they can place on a single bet. Through its Steki Imepanda initiative, SportPesa is introducing higher betting limits for players who prefer larger stakes, allowing them to place amounts that previously exceeded the TZS 500,000 maximum. This adjustment removes the previous restriction for customers looking to place individual stakes that are more than TZS 500,000. 

Four times stake limits

The maximum stake has increased from half a million shillings to TZS 2 million, a fourfold rise, or a 300% increase over the previous limit. Now the amount a customer could previously stake at most now represents just a quarter of the new maximum. The 4x refers to the new maximum compared with the old one and it does not mean odds are boosted or a player’s winnings are multiplied. 

Stakes of TZS 750,000, TZS 1 million, and TZS 1.5 million are now within the SportPesa stake limits though each exceeded the former TZS 500,000 maximum. Customers can now enter stakes above the old limit, up to TZS 2 million. This provides greater flexibility for customers who previously had to keep their individual stakes within the lower maximum.

“Steki Imepanda reflects our commitment to providing customers with clear and flexible betting options. The new advertised maximum stake of TZS 2 million gives eligible customers a wider range of choices, while the amount they decide to stake remains entirely their own. We encourage customers to understand the applicable limits, review their betslips carefully and maintain responsible betting habits ”  said SportPesa Tanzania Head of Marketing Tracy Humplick

More choices on the betting platform

SportPesa Tanzania’s announcement raises the maximum stake available to customers while leaving the amount they choose up to them. The new limit sets the highest amount a customer can stake, it does not require everyone to bet TZS 2 million. Players can choose a lower amount, subject to the limits that apply to their selected bet.

That flexibility is the practical benefit of the change; customers can stake more without treating the new maximum as a fixed amount. The update applies to stake size, which remains separate from a player’s prediction and the odds offered. A larger stake does not make a prediction more likely to be correct, though a winning bet may result in a higher payout.

Football markets provide a range of betting pages

SportPesa’s football betting pages feature local and international competitions, including Tanzania’s Premier League, English Premier League, Spain’s La Liga, and the UEFA Champions League. Customers can browse fixtures by competition or kick-off time and compare the odds available for each market. This breadth of choice places the higher stake limit in the context of a platform serving a range of football interests, not just one match or tournament.

Available markets include match results, double chance, total goals, and whether both teams will score. Each represents a different prediction about a fixture. An example is when a player has a clear expectation of how many goals a match will produce without necessarily knowing which team will win. On the bet slip, bettors select a market and then choose their stake, the listed odds help determine the potential return.

Conclusion

SportPesa Tanzania's Steki Imepanda initiative marks a significant proposed change to its sportsbook offering, raising the advertised maximum stake from TZS 500,000 to TZS 2 million. The fourfold increase expands the range of amounts available on qualifying bets without changing how match outcomes are determined or making a successful prediction more likely.

For customers, the important distinction is between having a higher available limit and choosing how much to stake. The new maximum does not require larger bets, and potential payouts remain subject to the applicable odds and winnings limits. As SportPesa introduces the change, clear communication of eligible markets, updated betting rules and responsible gambling guidance will remain essential.

Read More →

TFC YACHOCHEA KILIMO CHA UMWAGILIAJI KWA UZALISHAJI WA MWAKA MZIMA

Na.Mwandishi Wetu-KATAVI

Kutoka Mkoa wa Katavi, Halmashauri ya Wilaya ya Nsimbo, Kata ya Itenka A, mkulima wa matunda na mbogamboga, Frednandi Kazimili, ameeleza jinsi matumizi sahihi ya mbolea kutoka Kampuni ya Mbolea Tanzania (TFC) yalivyomsaidia kuongeza tija katika uzalishaji, kupanua soko la mazao yake na kukuza kipato.

Akieleza safari yake ya kilimo, Frednandi amesema alipoanza shughuli hizo, soko la mazao yake lilikuwa ndani ya kata anayoishi, hali iliyomchochea kuboresha mbinu za uzalishaji ili kuongeza thamani ya kilimo chake na kufikia masoko mapana zaidi.

Amesema matumizi sahihi ya mbolea za TFC, pamoja na jitihada zake za kuboresha uzalishaji, yamemwezesha kupanua wigo wa soko kutoka kuuza mazao ndani ya kata hadi kuyasambaza katika maeneo mbalimbali ya Mkoa wa Katavi.

Ili kuongeza zaidi uzalishaji na kukidhi mahitaji ya soko, Frednandi amesema ameanzisha kilimo cha umwagiliaji, hatua inayotarajiwa kumwezesha kuendelea kulima katika vipindi mbalimbali vya mwaka bila kutegemea mvua pekee.

Ameeleza kuwa kupitia umwagiliaji, analenga kuwa na uhakika wa upatikanaji wa maji kwa ajili ya mazao yake, kuongeza uzalishaji na kuimarisha biashara yake ya matunda na mbogamboga.

Aidha, amewahimiza wakulima wenzake kuachana na mbinu zisizoendana na kilimo cha kisasa na badala yake kuzingatia ushauri wa wataalamu wa kilimo, kutumia mbolea kwa usahihi na kufuata kanuni bora za uzalishaji ili kuongeza tija.

Amesisitiza kuwa kilimo chenye tija kinaweza kuwa njia muhimu ya kuongeza kipato cha kaya na kukuza uchumi wa wakulima, huku akiwataka kutumia fursa zilizopo katika sekta hiyo kuboresha maisha yao na kuchangia maendeleo ya jamii.

Read More →