Friday, 25 March 2022
Thursday, 24 March 2022
RAIS SAMIA AFUNGUA DARAJA LA TANZANITE...ATAKA WANANCHI KULINDA MIUNDOMBINU
Rais wa Jamhuri ya Muungano wa Tanzania Mheshimiwa Samia Suluhu Hassan akizungumza na viongozi mbalimbali pamoja na wananchi kabla ya kufungua rasmi Daraja la Tanzanite lenye urefu wa Kilometa 1.03 pamoja na Barabara zake unganishi zenye urefu wa Kilometa 5.2 kuanzia eneo la Agha Khan (Barack Obama Road) hadi eneo la Coco Beach, katika hafla iliyofanyika eneo la Agha Khan jijini Dar es Salaam.
Rais wa Jamhuri ya Muungano wa Tanzania Mheshimiwa Samia Suluhu Hassan akiondoa kitambaa pamoja na Balozi wa Korea hapa nchini Kim Sun Pyo kuashiria ufunguzi rasmi wa Daraja la Tanzanite lenye urefu wa Kilometa 1.03 pamoja na Barabara zake unganishi zenye urefu wa Kilometa 5.2 kuanzia eneo la Agha Khan (Barack Obama Road) hadi eneo la Coco Beach Jijini Dar es Salaam. Wengine katika picha ni Waziri wa Ujenzi na Uchukuzi Profesa Makame Mbarawa, Mtendaji Mkuu wa TANROADS, Mhandisi Rogatus Mativila pamoja na viongozi wengine wa Serikali
Rais wa Jamhuri ya Muungano wa Tanzania Mheshimiwa Samia Suluhu Hassan akikata utepe kuashiria ufunguzi Rasmi wa Daraja la Tanzanite lenye urefu wa Kilometa 1.03 pamoja na Barabara zake unganishi zenye urefu wa Kilometa 5.2 kuanzia eneo la Agha Khan (Barack Obama Road) hadi eneo la Coco Beach jijini Dar es Salaam.
Rais wa Jamhuri ya Muungano wa Tanzania Mheshimiwa Samia Suluhu Hassan na Waziri wa Ujenzi na Uchukuzi Profesa Makame Mbarawa wakitembelea na kukagua Daraja la Tanzanite lenye urefu wa Kilometa 1.03 pamoja na Barabara unganishi zenye urefu wa Kilometa 5.2 kuanzia eneo la Agha Khan (Barack Obama Road) hadi eneo la Coco Beach Jijini Dar es Salaam mara baada ya kulizindua rasmi leo tarehe 24 Machi 2022.
Rais wa Jamhuri ya Muungano wa Tanzania Mhe. Samia Suluhu Hassan amesema ujenzi wa daraja jipya la Selander (Tanzanite) ni muendelezo wa jitihada za Serikali kuimarisha miundombinu ili kukabiliana na kero ya msongamano wa magari katika Jiji la Dar es Salaam.
Rais Samia amesema hayo leo wakati wa hafla ya ufunguzi wa daraja hilo la Tanzanite lenye urefu wa kilomita 1.03 na barabara unganishi zenye urefu wa kilomita 5.2 iliyofanyika Jijini Dar es Salaam.
Maandalizi ya ujenzi wa barabara ya mabasi yaendayo haraka yanaendelea kutoka katikati ya Jiji kwenda Gongolamboto, nyengine kwenda Tegeta, pia kutoka Ubungo hadi Bandarini, Kigogo kwenda Tabata Dampo hadi Segerea na kutoka Morocco kwenda Lugalo hadi Kawe.
Rais Samia amesema, dhamira ya Serikali ni kuifanya Dar es Salaam kuwa Jiji la kisasa na la kipekee, kusaidia kupunguza foleni pamoja na kuwa kichocheo cha ukuaji wa shughuli za uchumi na biashara Jijini humo.
Vile vile, Rais Samia ameeleza kuwa ujenzi wa barabara na madaraja unagharimu fedha nyingi, hivyo kuwasihi wananchi kutunza miundombinu.
Rais Samia amesema Serikali inafanya jitihada za kuimarisha miundombinu katika miji mingine nchini, ikiwemo Jiji la Dodoma ambapo inajengwa barabara ya mzunguko ili kupunguza msongamano wa magari katikati ya mji huo.
Gharama za ujenzi wa Daraja hilo la Tanzanite ni Dola za Kimarekani Milioni 123.032 ambazo ni fedha za mkopo nafuu kutoka Serikali ya Jamhuri ya Korea kupitia Shirika la Ushirikiano wa Maendeleo ya Kiuchumi (EDCF) na Dola za Kimarekani Milioni 4.233 ikiwa ni mchango kutoka Serikali ya Tanzania.
Zuhura Yunus
Mkurugenzi wa Mawasiliano ya Rais, Ikulu
WATU 2,557 WAMEGUNDULIKA KUWA NA UGONJWA WA KIFUA KIKUU KAGERA
Meneja wa Mladi wa Kifua Kikuu na Ukimwi kutoka shirika la MDH Dkt. Frenk Marugu
Banda la maonyesho la MDH pamoja na wafanyakazi wa MDH
**
Na Mbuke Shilagi-Kagera.
Takriban watu 2,557 wamegundulika kuwa na ugonjwa wa kifua kikuu (TB) katika Mkoa wa Kagera kwa mwaka 2021.
Takwimu hizo zimetolewa na Meneja wa Mradi wa Kifua Kikuu na Ukimwi kutoka shirika la MDH Kagera Dkt. Frank Marugu wakati akizungumza katika maadhimisho ya siku ya Kifua kikuu Duniani yaliyofanyika kimkoa katika uwanja wa Uhuru katika Manispaa ya Bukoba.
Dkt. Marugu amesema kuwa watu hao waliogundulika kuwa na TB mwaka 2021, watu 484 wamegundulika katika wilaya ya Bukoba, Muleba wagonjwa 440, Kyerwa wagonjwa 394, Biharamulo wagonjwa 363, Karagwe wagonjwa 345, Ngara wagonjwa 316, pamoja na Missenyi wagonjwa 215.
Ameongeza kuwa kwa mwaka 2021 Mkoa wa Kagera umefanikiwa kuwaweka kwenye matibabu wagonjwa hao kwa asilimia 92.
Aidha amesema kuwa mpaka sasa watu 810 wamegundulika kuwa na ugonjwa wa kifua kikuu kwa mwaka 2022, huku akiwataka wanannchi kujitokeza kupima ugonjwa huo kwa wingi pale wanapoona dalili mojawapo ili kupata matibabu haraka kwa sababu TB inatibika.
Ametaja baadhi ya dalili za kifua kikuu kuwa ni kukohoa mfululizo, kutokwa na jasho na kutokwa na makohozi yaliyochanganyikana na damu.
Baadhi ya wananchi waliohudhuria katika maadhimisho ya Kifua kikuu Duniani
Mgeni rasmi Kaimu Katibu Tawala Mkoa Bwa.Issaya Tendega akitembelea mabanda tofauti tofauti katika maadhimisho ya Kifua kikuu Duniani
ACKNOWLEDGING STATE EFFORT IN REBUILDING THE ECONOMY: - REFLECTIONS ON PRESIDENT SAMIA’S ONE YEAR IN OFFICE
By Abdulmajid NsekelaThe last two years have provided a near-perfect test-case for economic resilience for most economies. The COVID-19 pandemic was a least expected occurrence but perhaps; the most disruptive since World War II. Like many nations around the world, the immediate challenge for most African countries was how to manage the spread of the virus to save lives, and ensure their economies continue to function. For many corporations, especially the banking industry, the priority was to safeguard employees and customers and ensure continuity of essential services.
Tanzania emerged from the crisis more resilient, as evidenced by the rebounded economic growth and stable macros. The latter can be attributed to a supportive business environment, facilitated by the sixth phase of the national government, under President Samia Suluhu Hassan. If anything, the last 12 months have been but defining in terms of economic recovery and building new engines of growth. President Samia has outdone herself in ensuring stability and, more so, in restoring confidence in the investor community in the potential and prospects of Tanzania.
Facilitating the growth of the banking sector
The banking sector has witnessed impressive growth, thanks to an array of government initiatives to promote investments in the country. The President’s multilateral engagements with foreign governments and individual investors; have born fruits in increased inflow of FDI, which has improved liquidity in the economy.
Undoubtedly, the banking sector has been one of the biggest beneficiaries of the sustained government efforts, starting with the mitigating measures instituted to safeguard the industry from the adverse impact of the COVID-19 pandemic. The capitalization of the Tanzania Agricultural Development Bank (TADB), alongside other strategic interventions to ensure sufficient capital to fund key sectors of the economy point to a deliberate effort to strengthen the country’s financial institutions. The multilateral engagements have also yielded improved liquidity, which improved from 4.3% in 2020 to 9.3% at the end of 2021. Credit to the private sector also grew substantially from 3.1% in 2020 to 10% in December 2021, signaling sustained recovery, especially in the wake of disruptions witnessed in 2020.
Laudable effort in reviving tourism
The tourism industry was among the worst-hit sectors during the pandemic. The travel restrictions curtailed the movement of foreign tourists from our traditional source markets in Europe, the US the UK. With the recent efforts of the government’s mitigation measures, the sixth regime has done fairly well in resuscitating the sector, especially by addressing health concerns and adopting a coordinated approach in dealing with the pandemic with traditional trading partners and other parties.
More importantly, the President’s gracious effort to market Tanzania as a tourist destination remains one of the boldest moves; which will have a long-term impact on the sector. President Samia's participation in the Royal Tour documentary added impetus to the sectoral efforts to market the various attraction sites, especially in the northern zones of Kilimanjaro and Arusha. With the continued recovery of tourism, it suffices to say that the country is on a slow and steady path towards regaining its share of the market, even as the tourism value chain continues impacts livelihoods.
For the banking industry, recovery of the tourism sector implies that customers; whose ability to repay their loans had been impaired by the pandemic can now pay. The net result is demonstrated in the improved industry NPL average from 9.3% in 2020 to 8.2% as of December 31st, 2021. We anticipate that more customers will fully recover and return to profitability.
Increased infrastructure spending is a boon for the economy
Infrastructure remains a key enabler of economic growth and a factor of consideration by investors looking to invest their capital in any market. Tanzania’s recent success in growing its economy can be attributed to the availability of reliable infrastructure, which has opened up the country both to the internal and external markets.
The Country’s Vision 2025 blueprint recognizes the need for adequate physical infrastructure capable of supporting all sectors of the economy. President Samia’s continued focus on the mega projects, including the SGR, Julius Nyerere Hydropower Project, and the road network, is commendable and; underscores the importance that Her Excellency’s regime places on infrastructure and elevates the country’s attractiveness as an investment destination. Improving the infrastructural capacity of the country remains critical to the growth of the economy as it will provide the necessary incentive for foreign investments, which translates to increased liquidity and more capital in the economy.
More importantly, infrastructural projects such as the above, provide employment and create demand for services, most of which are rendered by small and medium-sized enterprises. Continued investments, therefore, means that the economy will continue to be a vibrant economy and the country will benefit from sustained growth in the associated value chains. The banking sector, under the auspices of the Tanzania Bankers Association (TBA), remains committed to supporting the government’s agenda, fully recognizing the long-term impact that, the expansion of infrastructure will have on the economy.
Transparency will build synergies and foster inclusion
Without a doubt, there’s a paradigm shift in the way public infrastructure projects are being undertaken. In the last year, we have witnessed increased transparency, and wider engagements within the government circles, as well as the private sector. The banking sector, in particular, is increasingly being seen as a key partner in the country’s development agenda, which points to growing stakeholder confidence in its capability to serve the economy. We remain grateful to President Samia recognising the role the banking sector plays in facilitating economic growth.
Creating an enabling environment for business
Since taking office, President Samia has had a very inclusive approach in matters of economy and, more so, in addressing impediments to growth. As an industry, we remain upbeat about the economic prospects, knowing that Her Excellency’s administration is committed to creating an enabling environment for business.
Going by the engagements we have seen in the past year, with regional governments, we do not doubt that the current political administration is indeed progressive. You will agree, that the President’s economic diplomacy approach - in East Africa and beyond - continues to unlock opportunities for intra-regional trade, by addressing both tariff and non-tariff barriers to trade.
A good example is the effort to address impediments of trade with Tanzania’s traditional trading neighbours such as Kenya, Uganda, Burundi, Rwanda, and the DRC. An illustrative success case was the formation of the Joint Commission on Cooperation (JCC), as a bilateral organ to resolve issues affecting all areas of cooperation between Kenya and Tanzania. The commission reported resolving more than 30 issues with their Kenyan counterparts shortly after the appointment and committed to completing the exercise at the close of the year.
The multi-sectoral collaboration will transform the economy
Reflecting on the past year of President Samia’s leadership, I am persuaded to say that the current political administration is showing a strong commitment to building an inclusive economy. There’s a recognizable effort, on the part of the government, in supporting private sector initiatives on financial inclusion, such as the Niko Fiti campaign mooted and championed by the banking sector umbrella body, TBA. Looking at it, as an executive in the sector, I acknowledge the state effort, in as far as supporting the growth of the sector, and more so in streamlining the regulatory environment. The latter will go a long way in improving the investment climate and fostering corporate prosperity.
The Writer is the Group CEO and Managing Director of CRDB Bank Plc, and the current chair of the Tanzania Bankers Association (TBA)
MAITI YAOKOTWA MTO RUHUJI
Jeshi la zimamoto na uokoaji mkoani Njombe kwa kushirikiana na wananchi mkoani humo wamefanikiwa kuokoa mwili wa mwanaume anayekadiriwa kuwa na umri wa miaka 50 kwenye maji ya mto ruhuji ambaye hajafahamika ni mkazi wa eneo gani mwili wake ukiwa umenasa kwenye mawe ya mto huo.
Aidha tukio hilo limetokea kwenye mto eneo la njiapanda ya barabara kuu ya kuingia mjini Njombe na njia ya panda ya barabara ya kutoka Njombe kwenda wilayani Makete.
Akizungumza mara baada ya askari wa Jeshi la Zimamoto na uokoaji mkoani Njombe wakishirikiana na wananchi kufanikiwa kuutoa mwili wa mtu huyo,kaimu mkuu wa kikosi cha jeshi la zimamoto na uokoaji, Inspector Loth Madauda amesema.
“Mazingira ya eneo ni sehemu ya maporomoko ya maji amabpo alinasa chini ya mawe kwa hiyo inaonekana kama ni mtu aliyetoka kwenye mto mwingine kwa hiyo hatujui chanzo chake katokea wapi”alisema Loth.
Vile vile Inspector Loth Madauda ametoa wito kwa wananchi kuwa makini na maji yanayotiririka.
MSHAURI MKUU WA RAIS WA URUSI AJIUZULU
Anatoly Chubais ambaye ni mshauri mkuu wa Rais wa Urusi, Vladimir Putin amejiuzulu wadhifa wake wa uwakilishi wa kimataifa.
Chubais anakuwa ofisa wa kwanza kujiuzulu katika serikali ya Putin tangu atangaze vita dhidi ya Ukraine ambapo hatua hiyo imekuja baada ya kile kinachosadikika kuwa ni kutokukubaliana na mauaji yanayotekelezwa na Rais Putin nchini Ukraine.
Shirika la Habari la TASS la nchini Urusi, limemnukuu Msemaji Mkuu wa Ikulu ya Urusi, Dmitry Peskov akithibitisha kujiuzulu kwa afisa huyo na kueleza kwamba amechukua uamuzi huo kwa hiyari yake mwenyewe:
“Ndiyo, Chubais amejiuzulu kwa hiari yake mwenyewe, kama ameshaondoka Urusi au bado yupo hiyo ni juu yake mwenyewe.”
Taarifa zinasema Chubais alitangaza kujiuzulu kupitia ukurasa wake wa mtandao wa kijamii wa Facebook akiwa pamoja na mke wake nchini Uturuki.
Duru za kiintelijensia zinasema Chubais amekuwa ni mtu wa kupinga maamuzi ya Rais Putin tangu awali kwani baada ya vita kuanza, kupitia ukurasa wake wa Facebook aliweka picha ya mauaji ya kiongozi wa upinzani, Boris Nemtsov katika maadhimisho ya siku ya kifo chake.
Pamoja na kwamba Chubais amejiuzulu lakini hajafafanua ni sababu ipi imemfanya ajiuzulu.
Kiongozi huyu mkongwe alipata umaarufu mkubwa baada ya kupigania mabadiliko na kukua kwa uchumi wa Urusi miaka ya 1990 mara baada ya kuanguka kwa utawala wa kisovieti.
Viongozi wa vyama vya upinzani nchini Urusi wameonesha kutoridhishwa na kitendo cha Chubais kujiuzulu akiwemo msemaji wa mwanasiasa na mpinzani mkubwa wa Putin ambaye kwa sasa yupo jela, Alexei Navalny, Kira Yarmysh.
Yarmysh amenukuliwa akisema kujiuzulu kwa Chubais ni kwa sababu ya kupinga vita wala si kwa sababu ya hofu juu ya usalama wake au hofu juu ya fedha zake.
Kwa upande mwingine, Mshauri wa Rais wa Ukraine, Mykhaylo Podolyak alisema kuwa inashangaza kuona viongozi wawili wakubwa wa usalama wa Urusi hawaonekani na hawajulikani walipo.
Aliwataja Waziri wa Ulinzi, Sergie Shoigu na Mnadhimu wa Jeshi Valery Gerasimov wakiwa pamoja na mkuu wa idara ya siri wa Urusi kwamba hawafahamiki walipo, jambo linalotia shaka juu ya hali ya kidiplomasia ndani ya Urusi.
Wimbi la kujiuzulu linaendelea baada ya hivi karibuni mwandishi wa habari na mhariri wa kituo cha televisheni cha Channel One, Marina Ovsyannikova kujiuzulu.
SIKU 365 ZA RAIS SAMIA ZAWEKA ALAMA YA MAFANIKIO MAKUBWA KATIKA SEKTA YA MASOKO YA MITAJI
Mheshimiwa Samia Suluhu Hassan, Rais wa Jamhuri ya Muungano wa Tanzania ameweka alama kubwa ya mafanikio katika maendeleo ya sekta ya masoko ya mitaji katika kipindi cha siku 365 za uongozi wake.
Akielezea mafanikio makubwa yaliyopatikana, Afisa Mtendaji Mkuu wa Mamlaka ya Masoko ya Mitaji na Dhamana (CMSA), Nicodemus Mkama amesema, mafanikio hayo yametokana na mazingira wezeshi, shirikishi na endelevu ya kisera, kisheria na kiutendaji ya Serikali ya Awamu ya Sita chini ya uongozi bora na madhubuti wa Mhe. Rais Samia Suluhu Hassan, Rais wa Jamhuri ya Muungano wa Tanzania. Bw, Mkama ameongeza kuwa uchumi wa kidiplomasia na ziara za Rais nje ya nchi zimekuwa chachu yenye matokeo chanya katika kuvutia wawekezaji toka nje ya nchi na kuleta mafanikio zaidi katika masoko ya mitaji.
Bw. Mkama amesema, mafanikio yaliyopatikana ni pamoja na:
· Thamani ya uwekezaji katika masoko ya mitaji imeongezeka kwa asilimia 12.02 na kufikia shilingi trilioni 32.67 katika kipindi kilichoishia Februari 2022, ikilinganishwa na shilingi trilioni 29.16 katika kipindi kilichoishia Februari 2021.
· Jumla ya mauzo ya hisa na hatifungani yameongezeka kwa asilimia 19.2 na kufikia shilingi trilioni 3.1 katika kipindi kilichoishia Februari 2022, ikilinganishwa na shilingi trilioni 2.6 katika kipindi kilichoishia Februari 2021.
· Mauzo ya hatifungani za Serikali yameongezeka kwa asilimia 38.1 na kufikia shilingi trilioni 2.9 katika kipindi kilichoishia Februari 2022, ikilinganishwa na shilingi trilioni 2.1 katika kipindi kilichoishia Februari 2021.
· Thamani ya Mifuko ya Uwekezaji wa Pamoja katika kipindi kilichoishia Februari 2022 imeongezeka kwa asilimia 55.8 na kufikia shilingi bilioni 868.51 ikilinganishwa na shilingi bilioni 557.28 katika kipindi kilichoishia Februari 2021.
Nicodemus Mkama, Afisa Mtendaji Mkuu, Mamlaka ya Masoko ya Mitaji na Dhamana (CMSA)
Masoko ya mitaji Tanzania ni miongoni mwa masoko matano bora yaliyopata mafanikio makubwa kiutendaji barani Afrika, ndani ya siku 365 za uongozi wa Rais Samia Suluhu Hassan. CMSA, ambayo ni Mamlaka yenye jukumu la kusimamia na kuendeleza masoko ya mitaji hapa nchini imekuwa mstari wa mbele katika kutekeleza mikakati ambayo imewezesha kufikia mafanikio hayo.
Mamlaka imetekeleza mikakati ambayo imewezesha kufungua nyanja mpya katika masoko ya mitaji. Mikakati hiyo ni pamoja na: kuanzisha bidhaa na huduma mpya, bunifu, zenye mlengo maalum na matokeo chanya kwa jamii; matumizi ya teknolojia ya habari na mawasiliano katika kutoa huduma; kuongeza idadi ya wataalamu wanaokidhi viwango vya kimataifa; na kutoa elemu kwa umma kuhusu fursa zinazopatikana katika masoko ya mitaji.
Katika siku 365 za uongozi wa Mhe. Rais Samia, Mamlaka imetekeleza mikakati ambayo imewezesha kuanzisha bidhaa na huduma mpya bunifu na zenye mlengo maalum wa maadili yaani ethical Sharia Compliant bonds (Sukuk) na zenye mguso na matokeo chanya kwa Jamii yaani social impact bond. Bidhaa hizo ni pamoja na:
· Hatifungani aina ya Sukuk (Sukuk Bond) iliyotolewa na kampuni ya Imaan Finance katika awamu mbili zenye mafanikio, ambapo katika awamu ya kwanza, kiasi cha shilingi bilioni 2.7 kimepatikana, sawa na mafanikio ya asilimia 136 na katika awamu ya pili, kiasi cha shilingi bilioni 2.03 kimepatikana, sawa na mafanikio ya asilimia 135.3. Pesa zilizopatikana zinatumika kuwekeza katika bidhaa ambazo ni Sharia compliant.
· Hatifungani (Jasiri Bond) ya kuwezesha kampuni changa, ndogo na za kati yaani startup, micro, small and médium enterprises, zinazomilikiwa na kuendeshwa na wanawake, vijana na wenye ulemavu, iliyotolewa na Benki ya NMB yenye thamani ya Shilingi bilioni 40. Hatifungani hii ni ya kwanza nchini ambayo ina mguso na matokeo chanya kwa Jamii yaani social impact bond na imekidhi matakwa ya Kanuni za Jumuiya ya Kimataifa ya Masoko ya Mitaji (International Capital Markets Association - ICMA).
· Hatifungani kwa ajili ya kuendeleza Sekta ya Nyumba na Makazi iliyotolewa na Kampuni ya Tanzania Mortgage Refinance ambapo kiasi cha shilingi bilioni 8.9 kimepatikana, sawa na mafanikio ya asilimia 127.
· Hatifungani ya Kampuni ya Afrisian Gining Limited yenye thamani ya shilingi bilioni 58 kwa ajili ya kuendeleza viwanda vya kuchambua pamba na kukamua mafuta ya kupikia.
Wawakilishi wa Watendaji wa Masoko ya Mitaji Nchini wakiwa katika picha ya pamoja na Afisa Mtendaji Mkuu na Wafanyakazi wa CMSA wakati wa hafla ya Uzinduzi wa Wiki ya Uwekezaji Duniani mwezi Oktoba 2021
Aidha, Bw Mkama amesema katika kuboresha utendaji wa soko la hisa, Mamlaka imeidhinisha mabadiliko ya Kanuni za Soko la Hisa la Dar es Salaam yaani Stock Exchange Rules, ili kuwezesha utoaji na uorodheshwaji wa bidhaa mpya, ikiwa ni pamoja na bidhaa zinazolenga kugharamia miradi ya maendeleo inayochangia Utunzaji wa Mazingira, Maendeleo ya jamii na Utawala Bora yaani Environmental, Social and Governance (ESG).
Vile vile katika kipindi cha siku 365 za uongozi wa Mheshimiwa Rais Samia, CMSA imetekeleza mkakati wa kuwezesha utoaji wa Hatifungani za Serikali za Mitaa na Taasisi za Umma yaani Municipal and Subnational Bonds ili kuwezesha Mamlaka za Serikali za Mitaa (Majiji, Manispaa, Miji na Wilaya) na Taasisi za Umma, ikiwa ni pamoja na Mamlaka za Maji na Mazingira kugharamia miradi ya kimkakati yenye uwezo wa kujiendesha kibiashara.
Mamlaka kwa kushirikiana na Mfuko wa Maendeleo ya Mitaji wa Umoja wa Mataifa (UNCDF) imetoa mafunzo kwa wadau mbalimbali kuhusu namna ambazo Mamlaka za Serikali za Mitaa na Taasisi za Umma zinavyoweza kugharamia miradi ya maendeleo inayoweza kujiendesha kibiashara.
Jitihada hizi ni sehemu ya utekelezaji wa Mkakati wa Serikali wa njia mbadala za kugharamia miradi ya maendeleo katika sekta ya umma na binafsi yaani Alternative Project Financing Strategy ambao ulizinduliwa na Mhe. Dkt. Mwigulu Nchemba, Waziri wa Fedha na Mipango wa Jamhuri ya Muungano wa Tanzania. Ili kuwezesha utekelezaji madhubuti wa Mkakati huo, Timu ya Kitaifa ya Uwezeshaji iliundwa na kuzinduliwa na Bw. Emmanuel Tutuba, Katibu Mkuu wa Wizara ya Fedha na Mipango.
Katika kuwezesha matumizi ya teknolojia katika kutoa huduma za masoko ya mitaji, CMSA imeidhinisha matumizi ya teknolojia ya habari na mawasiliano hususan simu za mikononi na intaneti ambapo mfumo wa Sim Invest na Hisa Kiganjani zinatumika katika kuuza na kununua dhamana za masoko ya mitaji. Hatua hii imewezesha kuongeza ushiriki wa wananchi mijini na vijijini katika masoko ya mitaji.
Aidha, CMSA inashirikiana na wadau katika kuandaa miongozo ya kuendesha na kusimamia bidhaa za uwekezaji wa makundi yaani crowdfunding. Bidhaa hizi zitawezesha upatikanaji wa mitaji kwa kampuni changa, ndogo na za kati yaani startup, micro, small and médium enterprises.
Katika jitihada za kuongeza wataalamu wenye weledi na ujuzi kwa ngazi ya kimataifa kwenye masoko ya mitaji, Mamlaka kwa kushirikiana na Taasisi ya Uwekezaji na Dhamana ya nchini Uingereza yaani Chartered Institute for Securities and Investment imetoa mafunzo yanayotambulika kimataifa kwa watendaji wa masoko ya mitaji hapa nchini.
Mafunzo haya yamewezesha kujenga uwezo na ufanisi kwa watendaji wa masoko ya mitaji, ambapo idadi ya washiriki imeongezeka kutoka 494 katika kipindi kilichoishia Februari 2021 na kufikia 667 katika kipindi kilichoishia Februari 2022, ikiwa ni ongezeko la asilimia 22.9. Mafunzo haya yamewapatia wataalamu wa masoko ya mitaji fursa ya kupata leseni za kutoa huduma katika masoko ya Kitaifa, Afrika Mashariki na kimataifa. Aidha, mafunzo haya yamewezesha kuongeza idadi ya watendaji wa masoko ya mitaji wenye leseni ya CMSA kutoka 144 na kufikia 154, ikiwa ni ongezeko la asilimia saba.
Katika kutoa elimu kwa umma kwa lengo la kuongeza uelewa wa wananchi kuhusu fursa zinazopatikana katika masoko ya mitaji, Mamlaka imetoa mada kuhusu fursa zinazopatikana kwenye masoko ya mitaji kwa njia ya machapisho magazetini na mahojiano kwenye vipindi vya redio na runinga; imetengeneza na kusambaza shajara na vipeperushi vyenye elimu ya masoko ya mitaji na dhamana; imechapisha na kusambaza kwa wadau Ripoti ya Mwaka ya Mamlaka ili kutoa elimu na taarifa ya utendaji kazi wa sekta ya masoko ya mitaji.
Aidha, Mamlaka imeshiriki katika maonyesho ya kitaifa na kimataifa yenye lengo la kutoa elimu kuhusu fursa na faida za kutumia masoko ya mitaji, ikiwa ni pamoja na Wiki ya Wawekezaji Duniani (world Investor Week); Wiki ya Huduma za Fedha; na maonyesho ya Kimataifa ya Biashara (Sabasaba); na Kuendesha mashindano kwa wanafunzi wa vyuo vikuu na taasisi za elimu ya juu kuhusu masoko ya mitaji na uwekezaji.
Mashindano hayo yameonyesha mafanikio makubwa kutokana na kuendeshwa kwa kutumia njia ya matumizi ya teknologia ya habari yaani simu za mikononi na intaneti. Mashindano haya yamesaidia kuongeza elimu ya masoko ya mitaji kwa vijana wa vyuo vikuu na taasisi za elimu ya juu, ambapo idadi ya washiriki imeongezeka kutoka wanafunzi 48,662 katika kipindi kilichoishia Februari 2021 na kufikia wanafunzi 70,133 katika kipindi kilichoishia Februari 2022, ikiwa ni ongezeko la asilimia 43.7.
Mashindano haya yamekuwa na matokeo chanya kwa kuongeza idadi ya wawekezaji vijana 10,000 katika masoko ya mitaji; kuanzishwa kwa Jukwaa la Wawekezaji Vijana lenye wanachama zaidi ya 6,000 ambalo linawezesha wawekezaji vijana kupata elimu na uzoefu wa uwekezaji katika masoko ya mitaji. Aidha, mashindano haya yamewezesha kuanzishwa kwa kampuni changa ambayo imefanikiwa kuuza hisa kwa umma na kuorodheshwa katika soko la hisa na kutengeneza ajira zaidi ya 10,000.
Nicodemus Mkama, Afisa Mtendaji Mkuu, CMSA akikabidhi zawadi ya ziara ya mafunzo ya wiki moja Washindi wa juu kumi na mbili wa Shindano la Wanafunzi wa Vyuo Vikuu na Taasisi za Elimu ya Juu Kuhusu Masoko ya Mitaji na Uwekezaji
Kwa mujibu wa taarifa ya African Market Hub ya mwezi Februari 2022, Soko la Mitaji Tanzania limekuwa miongoni mwa masoko matano bora kiutendaji barani Afrika. Aidha, kwa mujibu wa taarifa ya Benki ya Dunia juu ya tathmini ya Utekelezaji wa Itifaki ya Soko la Pamoja katika Jumuiya ya Afrika Mashariki yaani East African Common Market Protocal Scorecard 2020 on movement of capital, goods and services, Tanzania imepanda viwango vya alama za tathmini kwa asilimia 157 kutoka alama 7 hadi alama 18 kati ya 20 na kuwa nchi ya pili katika utekelezaji wa itifaki ya soko la pamoja katika Jumuiya ya Afrika Mashariki. Kwa sasa, Tanzania hakuna vikwazo vya ushiriki wa wawekezaji wa kigeni katika soko ya hisa, hatifungani za kampuni na mifuko ya uwekezaji wa pamoja.
Bw. Mkama alihitimisha kwa kusema kuwa, Sekta ya Masoko ya Mitaji Tanzania ni salama na himilivu na yataendelea kuchagiza na kutoa mchango chanya katika kujenga Uchumi Shindani wa Viwanda kwa Maendeleo ya Watu. Vile vile Bw. Mkama amemtakia Mheshimiwa Rais Samia heri na fanaka katika uongozi wake na kumuombea kwa Mwenyezi Mungu afya njema katika kutekeleza kazi ya kuwaletea maendeleo wananchi.
Alfred Mkombo, Mkurugenzi wa Utafiti, Sera na Mipango wa CMSA wa pili kulia akimkabidhi cheti cha uwekezaji katika hatifungani Bw. Abdulmajid Nsekela, Mkurugenzi Mkuu wa Benki ya CRDB katika hafla ya uzinduzi wa toleo la Hatifungani ya Sukuk iliyotolewa na Kampuni ya Imaan Finance mwezi Agosti 2021
.jpg)
Tuesday, 22 March 2022
WANAFUNZI UDSM,UDOM WANG’ARA KWENYE MASHINDANO YA TEHAMA YA HUAWEI AFRIKA KUSINI MWA JANGWA LA SAHARA
Wanafunzi wa Kitanzania wa TEHAMA kutoka Chuo Kikuu cha Dar es Salaam na Chuo Kikuu cha Dodoma waliibuka miongoni mwa wanafunzi bora zaidi katika shindano la TEHAMA Huawei 2021-2022 Kusini mwa Jangwa la Sahara.
Likiwa na kaulimbiu ya “Connection, Glory, Future”, shindano hilo lilihitimshwa tarehe 19 Februari, huku zaidi ya nchi 15 na timu 38 zikifanya mitihani ya maandishi na maabara. Shindano hili lilivutia zaidi ya washiriki 15,000 kutoka Afrika Kusini mwa Jangwa la Sahara.
Shindano la TEHAMA Huawei 2021-2022 Kusini mwa Jangwa la Sahara lilizinduliwa katika kanda ya Afrika miaka sita tu iliyopita, limekua na kuwa shindano kubwa zaidi la ujuzi wa TEHAMA barani Afrika na duniani kwa ujumla.
Tanzania iliwakilishwa na Chuo Kikuu cha Dar es Salaam na Chuo Kikuu cha Dodoma na kila timu ilikuwa na wanafunzi . Timu za Tanzania zilijishindia zawadi ya kwanza (Cloud Track), zawadi ya pili, na zawadi ya Tatu (Network Track).
Wanafunzi hao ni Mafiu Khatibu, Daniel Mathew na Ndabuye Sengayo (UDOM), James Mushi, Erick Shemdoe, na Zuwena Hamoud (UDSM) na Joan Makyao, Kivuyo Kelvin, na Peter Edward (UDSM). Timu zote tatu zimeingia Fainali za Dunia zitakazofanyika nchini China mwezi Mei ikitanguliwa na hafla ya Kukabidhi Tuzo itakayofanyika nchini Afrika Kusini Aprili mwaka huu.
Akizungumzia mafanikio hayo Katibu Mkuu Wizara ya Elimu na Mafunzo ya Ufundi Stadi Zanzibar Bwana Ali Khamis Ali alisema; “Kama nchi tunajivunia vijana hawa wenye vipaji kwa ushindi mkubwa walioupata katika Fainali za Kanda za Shindano la TEHAMA la Huawei, ushindi wao unathibitisha ubora wa kitaaluma wa Vyuo vyetu vya Elimu ya Juu, tunatumai na kuamini watang’ara na kuwa mabalozi wazuri wa Tanzania. katika duru ya kimataifa.
Naipongeza Huawei kwa mipango hii na tunatarajia kuona juhudi hizi zaidi na zaidi kwa mfumo wa ikolojia wa vipaji wa TEHAMA ulio imara na endelevu nchini."
Naibu Mkurugenzi Mtendaji wa Huawei Tanzania, Tom Tao, aliwapongeza wanafunzi hao kwa ushindi wao mkubwa akisema; “Huawei Technologies itaendelea kushirikiana na serikali na Taasisi za Kitaaluma katika kutoa mafunzo ya TEHAMA kwa wanafunzi wa Kitanzania vijana na kuhakikisha kuwa maarifa na ujuzi wanaopata vijana hao ni muhimu katika kuchochea ukuaji wa Tanzania kijamii na kiuchumi”
Zuwena Hamoud Salum, mmoja wa wanafunzi wawili wa kike wa kwanza kushinda Shindano la TEHAMA la Huawei aliwahimiza wanafunzi wa kike kushiriki katika Shindano hilo huku akitoa shukrani zake kwa nafasi ambayo Huawei wamewapatia.
“Nawaomba na kuwahimiza wanafunzi wenzangu wa kike kuchangamkia fursa hizi zinazotolewa na Huawei kupitia shindano la TEHAMA la Huawei. Jukwaa hilo litawawezesha kuonyesha utaalam wao wa TEHAMA na kuudhihirishia ulimwengu kuwa wanawake wanaweza na wako tayari kutoa mchango zaidi katika Sekta ya TEHAMA nchini na kimataifa kwa ujumla.
Kwa hivyo tuchukue nafasi kwa mikono yetu wenyewe na kuzichangamkia, tuwe na ujasiri na kujiamini, tunaweza kufanya kilicho bora zaidi." Alisema.
Shindano la TEHAMA Huawei 2021 lilijumuisha zaidi ya nchi 80 ulimwenguni, likiwa na washiriki 150,000 kutoka zaidi ya vyuo vikuu na vyuo vikuu 2,000. Shindano hilo lilizinduliwa katika kanda ya Afrika miaka sita tu iliyopita.
