Watakaochakachua Mitihani Kidato cha Nne Kukiona

WAZIRI wa Elimu, Sayansi, Teknolojia na Ufundi, Profesa Joyce Ndalichako amesema haafiki uchakachuaji kwenye mitihani na kusema wakuu wa shule watakaobainika kufanya udanganyifu huo hawatapona.

Profesa Ndalichako alisema hayo kwenye kikao kati ya Ofisi ya Rais, Tamisemi, Maofisa Elimu wa Mikoa, Wakuu wa shule kongwe na wakuu wa shule zilizoungua moto.

Alisema ikiwa imebaki miezi mitatu kwa wanafunzi wa kidato cha nne kufanya mitihani aliwataka wakuu wa shule kujipanga kupata ufaulu mzuri.

“Bado siafiki suala la uchakachuaji kwenye mitihani wanafunzi waachwe wafanye mitihani wenyewe na si kupitia kamati za ufundi, sasa Wizara inaangalia ubora wa elimu na wakuu wa shule watakaokiuka agizo hilo watachukuliwa hatua,” alisema.

Alisema pia matokeo ya mitihani ya shule za sekondari ya mwaka jana yalimhuzunisha sana lakini anaamini wakuu wa shule watajipanga kuhakikisha wanafunzi wanafanya vizuri zaidi.

“Nilipokuwa Baraza la Mitihani nilisema nisiulizwe kutokana na matokeo kuwa mabaya lakini sasa niko Wizara ya Elimu siwezi kukwepa hilo tena,” alisema.

Waziri Ndalichako alisema watabadilisha mfumo wa namna maofisa elimu watakavyofanya kazi zao ili kuongeza kiwango cha ufaulu katika shule za serikali na kuwataka wakuu wa shule na maofisa elimu kila mmoja ajipange.

Aidha alisema mkuu wa shule ni mdhibiti wa taaluma katika eneo lake na hatakiwi kumuogopa mtu anayemuongoza. Waziri huyo pia alisema katika mtihani wa kidato cha sita uliopita shule 100 za kwanza shule za serikali zilikuwa tatu na kuwa nafasi ya 53 ndio ilishikwa na Ilboru ya Arusha.

“Mpaka namba 100 shule za serikali ni tatu tu, sio kitu cha kawaida hapa ndio mahali pa kuzungumza kama serikali tunashindwa kuonesha mfano tuachie sekta binafsi,” alisema

Read More →

Waziri Mkuu Majaliwa Amtembelea Jaji Warioba, Pia Awajulia Hali Spika Wa Bunge, Mh. Job Ndugai Na Mzee Malecela

Waziri Mkuu Kassim Majaliwa akisalimiana na Waziri Mkuu Mstaafu, Jaji Joseph Sinde Warioba wakati alipomtembelea nyumbani kwake, Oysterbay jijini Dar es salaam Agosti 19, 2016. (Picha na Ofisi ya Waziri Mkuu).

Waziri Mkuu, Kassim Majaliwa na mkewe Mary (wapili kulia) wakizungumza na Spika wa Bunge, Job Ndugai (kulia) na kewe Fatma Mganga Ndugai wakati wakati walipokwenda nyumbani kwa Spika Salasala jijini Dar es salaam Agosti 19, 2016 kumjulia hali.

Waziri Mkuu, Kassim Majaliwa na mkewe Mary (wapili kulia) wakiagana na Spika wa Bunge Job Ndugai (kulia) na mkewe Fatma Mganga Ndugai (wapili kushoto) wakati walipokwenda nyumbani kwa Spika, Salasala jijini Dar es salaam Agosti 19, 2016 kumjulia hali.

Waziri Mkuu, Kassim Majaliwa akisalimiana na Waziri Mkuu Mstaafu, John Malecela wakati alipomjulia hali jijini Dar es salaam Agosti 19, 2016.

Waziri Mkuu, Kassim Majaliwa akizungumza na Waziri Mkuu Mstaafu, John Malecela wakati alipomjulia halijijini Dar es salaam Agosti 19, 2016.

Read More →

Wizara ya Elimu Yatafuna Mabilioni Kuandaa Hafla HEWA na Malipo HEWA ya Jengo Dodoma

Madudu mengine yameibuliwa katika Wizara ya Elimu, Sayansi na Teknlojia baada ya Kamati ya Bunge ya Hesabu za Serilali (PAC) kupitia taarifa za Manunuzi na za kihasibu za wizara hiyo wakati sakata la wanafunzi hewa likiendelea kufukuta.

Kamati hiyo imebaini kuwa shilingi bilioni 1.2 zilitumika kwa ajili ya kuandaa hafla ya harambee ya Wizara hiyo nchini Marekani, tukio ambalo hata hivyo halikufanyika.

Kwa mujibu wa maelezo ya wizara hiyo, harambee hiyo ilitarajiwa kukusanya zaidi ya dola milioni 3 za Marekani ambazo ni sawa na shilingi bilioni 6 za Kitanzania.

Wajumbe wa PAC walihoji matumizi ya fedha hizo. Hivyo, Gerald Mwaja ambaye anahusika na mipango alilazimika kutoa majibu ambayo hata hivyo yalionekana kutowaridhisha wajumbe wa Kamati hiyo.

Alisema kuwa fedha hizo zilitumika kwa ajili ya mradi huo ambao ulikuwa na malengo matatu, kati ya malengo hayo lengo moja la kufanya harambee hiyo lilishindwa lakini malengo mengine mawili yalifanikiwa.

“Mradi wenyewe ulikuwa na malengo matatu; kuongeza matumizi ya teknolojia ya Mawasiliano, kuja na mbinu za kufundishia na pia kukusanya fedha kwa awamu,” alisema.

Alisema malengo mawili yaliyotimia ni kuongeza matumizi ya teknolojia ya mawasiliano pamoja na mbinu ya kufundishia.

Katika hatua nyingine, PAC imebaini kuwa Wizara hiyo ilitenga kiasi cha shilingi bilioni 2.1 na kuingia mkataba na Kampuni ya Ujenzi ya Magereza mwaka 2014 kwa ajili ya kujenga jengo la ghorofa tatu la ofisi za wizara hiyo Mkoani Dodoma lakini jengo hilo halijajengwa hadi sasa.

Mbunge wa Vwawa (CCM), Josephat Asunga alisema kuwa wamebaini kuwa sheria ya manunuzi ya umma haikufuatwa na kwamba mkandarasi alilipwa kiasi shilingi milioni 780.6 kwa ajili ya ujenzi wa jengo hilo hata kabla ya mkataba kusainiwa.

Aliongeza kuwa hakukuwa na maelezo yoyote yanayoonesha kulikuwa na mshindani katika zabuni hiyo huku fedha nazo zikilipwa kwenye akaunti ya mtu aliyetajwa kwa jina la Mang’ula badala ya akaunti ya kampuni ya Magereza.

Pia, Asunga alieleza kuwa kabla ya ujenzi kuanza mwaka 2015, Wizara hiyo ilibadili mpango wa kujenga jengo hilo kwa ghorofa tatu na kuwa jengo la ghorofa nne litakalogharimu shilingi bilioni 4.4.

“Baada ya Rais Magufuli kuagiza kuwa wote tunahamia Dodoma, wamebadilika wanasema hawajapata eneo la ujenzi wakati walishasema awali wamepata eneo,” alisema Asunga.

Aliyekuwa waziri wa Waziri wa Elimu wakati huo, alieleza kuwa hakufahamishwa lolote kuhusu ujenzi wa jengo hilo na kwamba hata muhtasari wa mpango huo hakupewa kwa ajili ya kushauri.

“Mimi kama Waziri sikujua kinachoendelea katika ujenzi wa jengo, na hata briefing (muhtasari) ilikosekana ili niweze kushauri,” alisema.

Akijibu maswali hayo, Afisa Manunuzi wa Wizara hiyo, Audifasy Myonga alikiri kuwa utaratibu wa manunuzi haukufuatwa na kwamba kulipaswa kuwa na mshauri mwelekezi ili kutimiza matakwa ya Sheria.

Kaimu Mwenyekiti wa Kamati ya PAC, Hillary Aeshi aliagiza kupitiwa upya kwa mchakato wa zabuni ya Jengo la ofisi ya wizara hiyo mjini Dodoma na kuwasilisha taarifa ya utekelezaji kwenye ofisi ya Katibu wa Bunge kabla ya Septemba Mosi mwaka huu.

Read More →

Picha: Jeshi la Polisi Likifanya Mazoezi ya Utayari wa Kukabiliana na Uhalifu na Wahalifu Nchini

Askari wa kikosi cha kutuliza ghasia wa wakiwa moja ya maozezi yao ya kupasha viungo kabla ya kuanza mazoezi ya kutuliza ghasia.

Askari Polisi wa kikosi maalum cha polisi (CRT) wa mkoa wa Iringa wakiwa katika mazoezi ya utayari wa kukabiliana na matukio yoyote yatakayojitokeza katika maeneo mbalimbali.

Askari wa vikosi vya kutuliza ghasia wa mikoa mbalimbali wakiwa na magari yao wakati wa mazoezi ya utayari wa kupambana na matukio mbalimbali ya uhalifu na wahalifu katika maeneo mbalimbali.

Askari wa vikosi vya kutuliza ghasia wa wakiwa na magari yao wakati wa mazoezi ya utayari wa kutuliza ghasia na kukabiliana na matukio yoyote ya uhalifu na wahalifu.

Askari wa kikosi cha kutuliza ghasia mkoa wa Lindi wakifanya mazoezi magumu ya kijiweka tayari kukabiliana na matukio yoyote yatakayojitokeza ikiwemo watu wasiotii amri za Jeshi la Polisi ikiwa ni pamoja na kutofuata sheria za nchi.

Askari Polisi wa vikosi vya kutuliza ghasia  wa mikoa ya Lindi, Iringa, kanda maalumu ya Dar es salaam na mikoa mengine wakipokea maelekezo mbalimbali wakati wa mazoezi ya tayari katika kukabiliana na matukio mbalimbali ya uhalifu na wahalifu (Picha zote na makao makuu ya Jeshi la Polisi.)

Read More →

Official VIDEO | JOSE CHAMELEONE x PAPA CIDY - NKWAATA | Watch/Download

 

 

Read More →

NACTE:INSTITUTIONS NOT REGISTERED BY NACTE AND OFFERING UN-APPROVED CERTIFICATE AND DIPLOMA PROGRAMMES

NATIONAL COUNCIL FOR TECHNICAL EDUCATION

(NACTE)

PUBLIC NOTICE

The National Council for Technical Education (NACTE) is a statutory body established under the National Council for Technical Education Act, Cap. 129, to oversee and coordinate the provision of technical education and training in Tanzania. Under the establishing Act, all institutions are required to be registered and accredited by the Council in order to attain the status of a training provider.

The Council is hereby giving fourteen (14) days notice from the date of this Notice, to all technical institutions that are operating without being registered to ensure that they are registered with the Council. This Notice is issued pursuant to Regulation 5 of the Registration of Technical Institutions Regulations, 2001.

Further notice is given that failure to comply with this notice shall automatically lead to imminent closure of the technical institutions as provided for by the law.

The Table below provides the list of technical institutions that have been identified and are operating without being registered.

The general public is requested to inform the Council on any institution operating without being registered or offering un-approved programmes.

Table: Institutions not registered by NACTE and Offering Un-Approved Certificate and Diploma Programmes

S/N	Institution
1.	King Solomoni College - Arusha
2.	Avocet College of  Hotel Management - Arusha
3.	Kewovac Nursing Training Centre - Mbagala, Dar es Salaam
4.	St. Family Health Training Institute - Mbagala, Dar es Salaam
5.	Bethesda Montessori Teachers Training College - Arusha
6.	Green Themi Teacher’s College & Green Themi Institute of Tourism
7.	Mainland Institute of Professionals - Arusha
8.	St. David College of Health - Dar es Salaam
9.	Islamic Culture School - Dar es Salaam
10.	Tanzania Education College - Dar es Salaam
11.	Macmillan Training College - Dar es Salaam
12.	Tanzania International University (TIU) - Dar es Salaam
13.	Dodoma College of Business Management - Dodoma
14.	Faraja Health and Emergencies - Mbeya
15.	St. Joseph College - Mbeya
16.	St. Peter Health Management - Mbeya
17.	Kapombe Nursing School - Mbeya
18.	Uyole Health Institute - Mbeya
19.	Josephine Health Institute - Mbeya
20.	Institute of Public Administration - Chake chake Pemba
21.	Dar es Salaam College of Hotel and Business Studies - Vuga, Unguja, Zanzibar and Chake Chake, Pemba, Zanzibar
22.	Zanzibar Training Institute, the Professional College of Information Technology, Languages and Business Studies - Mwera Meli Sita Unguja  Zanzibar
23.	Azania College of Management - Raha Leo, Zanzibar
24.	Time School of Journalism - Chakechake, Pemba
25.	Residence Professional College - Mombasa, Zanzibar
26.	Mkolani Foundation Organisation - Mwanza
27.	Institute of Adult Education-Mwanza Campus - Luchelele Site
28.	Zoom Polytechnic - Bukoba
29.	Johrow Star Training College - Shinyanga
30.	St. Thomas Training College -
31.	Dar es Salaam School of Journalism and Mass Communication DMSJ - Bukoba
32.	Dar es Salaam School of Journalism and Mass Communication (DMSJ - Mwanza
33.	Dar es Salaam School of Journalism and Mass Communication (DMSJ - Geita
34.	Dar es Salaam School of Journalism and Mass Communication (DMSJ - Simiyu
35.	Harvest Institute of Health Sciences - Mwanza
36.	Singin International - Bukoba
37.	College of Business Management - Mombasa, Zanzibar
38.	Tanzania Star Teachers College - Chakechake, Pemba, Zanzibar
39.	Tanzania Star Teachers College - Unguja, Zanzibar
40.	St. Mary's International School of Business - Sumbawanga

Issued by:

EXECUTIVE SECRETARY

NATIONAL COUNCIL FOR TECHNICAL EDUCATION

DATED: 3^RD AUGUST 2016

Read More →

KAMPUNI YA SERENGETI BREWERIES KUTOA MKOPO KWA WANAFUNZI MASKINI WATAKAOSOMEA KOZI ZIFUATAZO CHUO KIKUU 2016/2017-DEADLINE NI SEP 20 2016

Mkurugenzi wa Mahusiano wa SBL John Wanyancha ( kulia)   akiongea na waandishi wa habari (hawapo pichani) Wakati wa kutangaza mpango kampuni hiyo wa kugharamia elimu ya vyuo vikuu kwa wanafunzi wanaotoka katika familia zisizo na uwezo ili kuwapa walengwa fursa ya kutimiza malengo na ndoto zao za kimaisha.Pembeni yake ni Meneja wa Miradi ya Jamii wa SBL Hawa Ladha katika mkutano uliofanyika mapema leo katika ofisi za SBL,Temeke  jijini Dar es salaam.

Meneja wa Miradi ya Jamii Hawa Ladha akifafanua jambo kwa waandishi wa habari (Hawapo pichani) wakati wa kutangaza mpango wa kampuni hiyo kugharamia elimu ya vyuo vikuu kwa wanafunzi wanaotoka katika familia zisizo na uwezo ili kuwapa walengwa fursa ya kutimiza malengo na ndoto zao za kimaisha,kulia kwake ni Mkurungezi wa Mahusiano wa SBL John Wanyancha katika mkutano na waandishi wa habari uliofanyika mapema leo katika ofisi za SBL zilizopo Temeke Jijini Dar es salaam.

Waandishi wa habari wakifuatilia kwa makini mkutano huo mapema leo asubuhi katika ofisi za SBL zilizopo Temeke jijini Dar es salaam.

Dar es Salaam, Agosti 18, 2016 - Kampuni ya Bia ya Serengeti (SBL) kwa mara nyingine imetangaza mpango wa kugharamia elimu ya vyuo vikuu kwa wanafunzi wanaotoka katika familia zisizo na uwezo ili kuwapa walengwa fursa ya kutimiza malengo na ndoto zao za kimaisha.

Huu ni mwaka wa sita mfululizo ambapo SBL  inatoa msaada kwa wanafunzi wa ndani  wanaochukua  kozi za shahada katika vyuo vikuu vya Tanzania  chini ya programu ya kampuni ijulikanayo kama “Skills for Life”. Jumla ya wanafunzi 31wa Tanzania tayari wameshanufaika na  mpango huu ambao ni sehemu ya Mfuko wa Kampuni ya Bia ya Afrika Mashariki (EABL Foundation).

Kwa mujibu wa Mkurugenzi wa Mahusiano wa SBL John Wanyancha fomu za maombi kwa ajili ya udhamini zinapatikana katika ofisi za kampuni hiyo zilizopo Dar es Salaam, Moshi na Mwanza au kupitia tovuti ya www.eablfoundation.com.

Wanyancha amesema mpango huo uko wazi kwa wanafunzi kutoka nchi nzima ya Tanzania ambao ambao tayari wamepata usajili wa kujiunga na vyuo vikuu nchini katika fani za Biashara, Teknolojia ya Habari na Mawasiliano, Uhandisi  na Sayansi ya Chakula katika ngazi ya shahada kutoka vyuo vikuu hapa nchini.

Mfuko wa EABL ulianza  kutoa udhamini wa masomo kwa wanafunzi kuanzia wanaojiunga na vyuo vikuu mwaka 2005 ambapo hadi sasa zaidi ya wanafunzi 238 wamenufaika kwa mpango huo wakiwemo 31 kutoka Tanzania. Wengi walionufaika tayari walishamaliza masomo yao  na wanafanyakazi katika makampuni mbalimbali  katika ukanda huo. Mpango huu upo katika nchi za Kenya, Tanzania na Uganda ambapo mfuko wa EABL umetumia jumla ya zaidi ya Tshs billion 5 kuugharamia tangu mwaka wa 2005.  

Udhamini huu hugharamia ada ya masomo, vitabu, malazi, fedha za kujikimu na programu za ushauri kwa waombaji watakaofanikiwa.

“Lengo letu kuu kupitia mpango huu ni kuwawezesha waombaji  kutimiza ndoto zao maisha,” alisema Wanyancha na kuongeza kuwa tarehe ya mwisho ya kupokea maombi  ni Septemba 20, 2016.

Mkurugenzi huyo ametoa wito kwa wanafunzi wanaojiunga na vyuo vikuu nchini kuchangamkia fursa hiyo ili kwa kutuma maombi ndani ya kipindi cha mwezi mmoja ujao.

MAHITAJI MUHIMU:  Fomu za maombi zilizojazwa vizuri  zikiwa zimeambatanishwa na  barua ya usajili kutoka kwa taasisi ya  elimu ya juu, udhibitisho wa hitaji la kifedha na nakala za vyeti vya elimu ya sekondari kidato cha nne na cha sita.

Wanafunzi ambao bado hawajapokea barua za kusajiliwa kujiunga na vyuo vikuu na ambao wanakidhi masharti pia wanaweza kutuma maombi.

Read More →

HIZI HAPA JOINING INSTRUCTIONS ZA WANAFUNZI WA SPECIAL DIPLOMA UDOM KWENDA VYUO VYA UALIMU VYA MARANGU,BUTIMBA,KOROGWE,MTWARA,TABORA ,MOROGORO ETC. 2016/2017

 

Maelekezo ya kujiunga na Vyuo Vya Ualimu (Joining Instructions) - 2016
Bonyeza hapa ili uweze kupata malekezo ya kujiunga na Vyuo vya Ualimu 2016

Read More →

HAYA HAPA Tokeo la picha la serikali ya tanzania WANAFUNZI WA CHUO CHA UDOM WALIOPANGWA MAFUNZO YA UALIMU CHETI MTWARA-KAWAIDA 2016/17

 

WANAFUNZI WA CHUO CHA UDOM WALIOPANGWA MAFUNZO YA UALIMU CHETI MTWARA-KAWAIDA 2016/17  WANAFUNZI WA CHUO CHA UDOM WALIOPANGWA MAFUNZO YA UALIMU CHETI MTWARA-KAWAIDA (155.1 kB)

Read More →

Ndalichako aokoa bil. 2.6/- chapchap

Aidha, wakati vyuo hivyo vikirudisha fedha hizo, ukaguzi wa kutafuta wanafunzi hewa uliofanywa ulibaini Sh. bilioni 3.85 zililipwa kwa wanafunzi hewa 2,192 kwa kipindi cha mwaka 2015/16, Prof. Ndalichako aliwaambia waandishi wa habari jijini Dar es Salaam juzi.

Kiasi hicho cha fedha kiligundulika kulipwa wanafunzi hewa katika vyuo 29 kati ya 31 vilivyokaguliwa, alisema.

Akizungumza na Nipashe baada ya mkutano huo, Prof. Ndalichako alisema katika vyuo vilivyorudisha fedha hizo kabla ya ukaguzi, Chuo Kikuu cha Dodoma (Udom), kiliongoza kwa kusalimisha fedha nyingi zaidi - zaidi ya Sh. milioni 400.

Licha ya kurudisha fedha hizo, wakati wa ukaguzi ilibainika chuo hicho kina wanafunzi hewa 364 ambao kwa mwaka wa fedha uliopita, walilipwa Sh. milioni 460.96.

Katika orodha ya vyuo 31 vilivyokaguliwa, ni Chuo cha Mtakatifu Agustino (Saut-Mbeya) na Chuo Kikuu cha Biashara (CBE-Dodoma) tu ambavyo havikuwa na wanafunzi hewa.

Chuo ambacho kimebainika kutafuna kiasi kikubwa cha fedha baada ya ukaguzi, alisema Prof. Ndalichako, ni Chuo Kikuu cha Dar es Salaam (UDSM) chenye wanafunzi 13,972 wanaopata mikopo, lakini kati yao, 350 ni hewa na walilipwa Sh. milioni 703.43.

Akifafanua juu ya fedha zilizorudishwa baada ya kutoka kwa tangazo la uhakiki wa wanafunzi, Waziri Ndalichako alisema sheria inataka fedha zikikaa siku 30 bila kuchukuliwa, zirudishwe Bodi ya Mikopo ya Elimu ya Juu (HESLB).

“Lakini hilo lilikuwa halifanyiki, ila tulivyosema tunakagua, fedha hizo zilirudishwa ndani ya muda mfupi,” alisema.

MAREHEMU, WALIOFUKUZWA

Katika hatua nyingine, Prof. Ndalichako alisema fedha za mafunzo kwa vitendo kwa wanafunzi wa elimu ya juu zimeshatolewa.

Alisema awali aliagiza utoaji fedha hizo usimame baada ya kubaini takribani wanafunzi 600 kati ya waliokuwa wanaombewa fedha hizo walikuwa ama marehemu, waliofukuzwa vyuo na walioacha.

“Mwanzo nilitaka vyuo viniletee orodha ya wanafunzi wao waliopo chuoni na ambao hawapo kwa sababu mbalimbali, zile taarifa nikazipeleka Bodi ya Mikopo,” alisema.

“Baadaye (vyuo) vikaleta orodha ya wanaotakiwa wapewe fedha za mafunzo kwa vitendo, kwa haraka haraka tu mimi nikaona kama (wanafunzi) 600 ambao baadhi yao ni marehemu, wengine wamefukuzwa chuo na wengine wameacha.

“Ndipo nikasema zoezi lile lisimame kwanza na uhakiki ufanywe na vyuo na wakuu wa vyuo wasaini kabisa.

” Waziri huyo alieleza kuwa ‘madudu’ hayo yamebainika kwenye ukaguzi uliofanywa na kitengo cha ukaguzi wa ndani cha HESLB kwa kushirikiana na Taasisi ya Kuzuia na Kupambana na Rushwa (Takukuru).

“Baada ya hatua ya kwanza ya ukaguzi, sasa sehemu ya pili itaendelea ili kumaliza vyuo vyote 81 vilivyopo nchini,” alisema.

Alisema wanaohusika na mtandao huo watakabidhiwa kwa vyombo vya dola kwa hatua zaidi, na kwamba baadhi ya maofisa mikopo wa vyuo mbalimbali na wahasibu wamepewa barua za kujieleza ni kwanini wasichukuliwe hatua.

Alisema hatua zaidi zitaendelea kwa kuwa ‘ulaji’ huo una mtandao mpana, kuanzia wanaotengeneza majina ya wanafunzi waliomaliza vyuo, kujumuisha waliofariki, kuacha ama kufukuzwa na kuyapeleka bodi ya mikopo. Prof. Ndalichako pia alisema wamebaini benki zina urasimu mkubwa katika kutoa fursa kwa wakaguzi wa kazi hiyo.

Read More →