Usalama Taifa kuchuja majina ya walimu wakuu

 

Taarifa ya Mtaka aliyoiandika jana kwenye moja ya mitandao ya kijamii ilisema ameagiza wateule wote wa Idara ya Elimu
mkoani Simiyu wafanyiwe uchambuzi wa historia zao (vetting).

“Watumishi hao watafanyiwa uchambuzi huo ambao umezoeleka kufanyika kwa watumishi wa umma wa ngazi kubwa, ili kuona kama wanakidhi mahitaji ya ukuu wa shule au uratibu wa Simiyu tunayoitaka,” taarifa ya Mtaka ilisema.

“Nimeagiza wateuliwa wote katika madaraka ya kielimu mkoani kwetu wafanyiwe ‘vetting’ juu ya mienendo na tabia zao, (na) vyombo vyetu vya usalama vitakuwa msaada katika hili.”

Lengo la mkakati huo, Mtaka alisema ili kuweka walimu, wanafunzi, shule na pesa za serikali kwenye mikono ya watu salama.

Mkuu wa mkoa huyo alieleza amefikia uamuzi huo baada ya kuona mwalimu mkuu wa miaka ya 1990-2015 si mwalimu mkuu wa leo.

Mwalimu mkuu au Mkuu wa Shule wa leo, alisema Mtaka, anapokea fedha ya serikali moja kwa moja kutoka hazina.

“Kwa maana nyingine, mkuu wa shule wa leo ni afisa mashuri katika eneo lake,” alisema Mtaka na kuongeza: “Hivyo pesa hizi zinazokuja shuleni tungehitaji kuona zinakuta mwalimu mwenye weledi, uwezo, elimu stahiki na nidhamu ya kiutumishi.”

Mkuu wa mkoa huyo alisema anakusudia, kwa pamoja na wasaidizi wake, kufanya maamuzi yenye kulenga mabadiliko chanya ya kielimu ili miaka michache ijayo, Simiyu uwe miongoni mwa mikoa itakayotamba na kuheshimika kielimu.

Mbali na mchujo kwa walimu wakuu na wakuu wa shule, Mtaka ameainisha mikakati mingine mitatu ili kuiwezesha Simiyu kuwa miongoni mwa mikoa itakayotamba na kuheshimika kielimu.

Mikakati hiyo ni pamoja na kubadili fikra za wakuu hao kwamba kila takwimu inayoombwa na Ofisi ya Mkuu wa Mkoa ni kwa ajili ya kupelekewa fedha, hivyo kuwapo kwa udanganyifu katika ripoti zao.

Mataka pia amekusudia kuwafanya wakuu wa elimu mkoani humo kuacha kufanya kazi kwa mazoea licha ya kuwa wakuu hao mkoani Simiyu ni kati ya wenye hali nzuri kimapato kutokana na kuwapo kwa mradi wa kielimu ujulikanao kama EQUIP-T.

“Tatu-nimewaagiza wakurugenzi na ofisi ya katibu Tawala Mkoa kutambua walimu wote ambao wamejiendeleza ngazi ya stashahada, shahada na shahada za uzamili ili waweze pia kupewa nafasi hizi za kiuongozi katika elimu kwenye shule, kata na hata wilayani kwa zile zilizo ndani ya mamlaka yetu kama mkoa.”

SH. BILIONI 137

Serikali imetenga Sh. bilioni 137 kwa ajili ya kugharimia utoaji wa elimu ya bure kuanzia Januari hadi Juni, mwakani, kwa mujibu wa Waziri Mkuu, Kassim Majaliwa, wakati akizungumza na wananchi waliofika kumsikiliza kwenye mkutano wa hadhara uliofanyika kwenye uwanja wa mikutano wa Likangala wilayani Ruangwa, mkoani Lindi Desemba 20 mwaka jana.

Utoaji elimu bure kuanzia darasa la awali mpaka kidato cha nne ni ahadi ya Rais Magufuli wakati wa kampeni za Uchaguzi Mkuu wa Oktoba mwaka jana, ambapo Serikali hutoa Sh. bilioni 19 kila mwezi ambazo hupelekwa na Hazina kwa kila mkuu wa shule kulingana na idadi ya wanafunzi shuleni.

Jitihada za kumpata RC Mtaka kufafanua zaidi mkakati wake huo hazikufanikiwa jana kutokana na simu yake kuita bila kupokelewa

Read More →

Waziri Mkuu: Ukaguzi wa Wanafunzi HEWA Ufanyike Nchi Nzima

WAZIRI MKUU Kassim Majaliwa amewaagiza Wakuu wa Wilaya na Maofisa Elimu nchini wafanye ukaguzi katika shule ili kubaini wanafunzi hewa kwenye mpango wa elimu bure.

“Kila mwezi Serikali inapeleka shule zaidi ya shilingi bilioni 18 kugharamia elimu bure na sasa tumeanza kuona udanganyifu katika sekta ya elimu kwa kuwa na wanafunzi hewa. Wakuu wa Wilaya na Maofisa Elimu nendeni mkafanye ukaguzi ili mpate takwimu sahihi,“ amesisitiza.

Waziri Mkuu ametoa agizo hilo jana (Alhamisi, Agosti 18, 2016) alipokutana na watumishi na viongozi wa Manispaa ya Ilala katika Kituo cha Kimataifa cha Mikutano cha Mwalimu Nyerere jijini Dar es Salaam.

 “Wakuu wa Wilaya na Maofisa Elimu mkiona takwimu ziwachanganya, ni lazima mtoke maofisini na kwenda katika shule zilizo kwenye mpango wa elimu bure mkafanye uhakiki wa idadi ya wanafunzi,” alionya.

Wakati huo huo Waziri Mkuu amesema maamuzi yanayotolewa kwenye  vikao vya madiwani lazima yawe na tija na ameitaka halmashauri hiyo kuhakikisha fedha zinazokusanywa zinatumika kuboresha shunghuli za maendeleo badala ya kujilipa posho.

“Lazima mjipange vizuri na kupunguza changamoto zinazoikabili wilaya yenu. Malipo yote ni lazima yawe yale yaliyoainishwa katika waraka na si vinginevyo.Mtu wa Ilala unadai nauli ya sh. 200,000; hivi unakuwa unatoka wapi hata mimi wa Lindi silipwi nauli hiyo,” alihoji.

Waziri Mkuu alisema ni lazima halmashauri zote nchini zizingatie sheria za Mamlaka ya Serikali za Mitaa na watendaji wake wajiulize kama mambo wanayoyafanya yana tija na wanawatendea haki watu wanaowatumikia.

Alisema Serikali inataka kuwa na watumishi wanaotambua nafasi zao na watakaofanya kazi kwa uadilifu, uaminifu pamoja na uwajibikaji mkubwa hivyo kila mtu ahakikishe anafanya kazi vizuri na yenye matokeo chanya.

“Kuna watu wanaona ukuu wa idara ndiyo kila kitu, hata yule anayekimbiza mafaili hathaminiwi, hili si jambo jema! Ninyi wote ni kitu kimoja, ni watumishi wa Serikali, hivyo kila mmoja amthamini mwenzake,” alisema.

Waziri Mkuu alisema: “Mkurugenzi yeyote asikubali kuwa na wakuu wa Idara wasiokuwa na ushirikiano na watumishi wengine kwa sababu hataweza kupata mafanikio ya kiutendaji ndani ya eneo lake,”.

 IMETOLEWA NA:

OFISI YA WAZIRI MKUU,

2 MTAA WA MAGOGONI,

S. L. P. 3021,

11410 DAR ES SALAAM.

ALHAMISI, AGOSTI 18, 2016.

Read More →

Taarifa Kwa Umma Kuhusiana Na Ufafanuzi Wa Habari Iliyoandikwa Na Gazeti La Jamhuri "Prof Muhongo Avurunda"

Tunapenda kutoa maelezo kutokana na taarifa iliyotolewa katika gazeti la Jamhuri la Jumanne tarehe 16 – 22, 2016. Toleo na. 255 iliyokuwa na kichwa cha habari Prof. Muhongo avurunda.

Watanzania na Taifa kwa jumla wanashuhudia jinsi Waziri wa Nishati na Madini, Mhe. Prof. Muhongo na viongozi wengine wote wa Wizara ya Nishati na Madini wanavyofuatilia majukumu yao kwa karibu ikiwemo sekta ya mafuta. 

Mhe. Prof. Muhongo na viongozi wa Wizara wamekuwa wakitoa miongozo na maelekezo juu ya sekta ya mafuta ambapo kumeendelea kuwa na uhakika wa upatikanaji wa mafuta nchini kwa wakati wote. 

Ni imani yetu kuwa Mhe. Prof. Muhongo ataendelea kutekeleza majukumu yake vizuri na hivyo kuendelea kutimiza matumaini ya Mhe. Rais na Taifa kwa jumla katika mambo yote yanayohusu wizara ya nishati na madini ikiwemo sekta ya mafuta.

Tunapenda pia kueleza kuwa maagizo yote aliyotoa kuhusiana na mafuta ya ndege yaliyokuwa yamechanganyika na mafuta ya petroli yalitekelezwa kwa ukamilifu. 

Maagizo hayo yalikuwa ni Kampuni ya Sahara kuondoa mafuta yaliyochanganyika kutoka katika maghala na mabomba na pia kusafisha maghala na mabomba hayo ili kuwezesha kupokea mafuta mengine safi. 

Kampuni ya Sahara ilitekeleza kwa ukamilifu maagizo haya. Usimamizi wa maagizo haya ulikuwa kwa PBPA na EWURA ambapo taasisi hizi zilisimamia utekelezaji wake. Hivyo si kweli kwamba Prof. Muhongo ameshindwa kusimamia maagizo yake.

Zuio la Kampuni ya Sahara kushiriki katika zabuni lilitolewa na PBPA kwa kutumia mamlaka yaliyo katika Kanuni. Zuio hili lilitolewa na PBPA ili kuhakikisha mafuta yaliyochanganyika yanaondolewa katika maghala na kusafishwa kwa maghala hayo na mabomba ikiwa ni pamoja na kukamilishwa kwa uchunguzi ili kutambua kuwa mafuta haya yalichanganyika sehemu gani. 

Ifahamike kuwa mara baada ya meli iliyokuwa imeleta mafuta haya (mafuta ya ndege na mafuta ya petroli) kufika hapa, mafuta hayo yalipimwa na TBS.

TBS walithibitisha kuwa mafuta yote katika meli hii yako katika kiwango cha ubora unaotakiwa. Aidha, TBS walitoa idhini ya kuteremshwa kwa mafuta hayo. Meli ilianza kuteremsha mafuta haya tarehe 4/5/2016 na kumaliza kuteremsha tarehe 8/5/2016. Meli hii iliruhusiwa kuondoka mara baada ya kumaliza kupakua mafuta na taratibu zote kukamilika. 

Taarifa ya kuchanganyika kwa mafuta haya ilitolewa tarehe 12/5/2016 wakati meli tayari ilikuwa imekwishaondoka. Hivyo kulazimu kufanyika uchunguzi wa kujua ni wapi mafuta haya yalichanganyika.

Suala la uchunguzi wa wapi mafuta yalichanganyika lilikataliwa na makampuni ya mafuta kama ilivyokuwa imependekezwa na kampuni ya Sahara. Makampuni ya mafuta yalisimamia katika taarifa ya uchunguzi ya awali iliyofanywa na pande zote husika. 

Taarifa hii ilikuwa na mapendekezo tofauti kati ya makampuni ya mafuta na kampuni ya Sahara. Hivyo, kwa kuzingatia hatua hii kilichokuwa kimebakia ni kufuata mkataba kati ya pande mbili hizi.

Kuondolewa zuio la Kampuni ya Sahara kushiriki katika zabuni kulitolewa pia na PBPA kwa kutumia mamlaka yaliyo katika Kanuni. Hii ilikuwa ni baada ya kuhakikisha kuwa mafuta yaliyochanganyika yameondolewa, usafi wa maghala na mabomba umefanyika na kampuni ya Sahara imelipa thamani ya mafuta yote yaliyoondolewa katika maghala.

Sheria ya Petroli (Petroleum Act, No. 21) ya mwaka 2015 imetoa adhabu kwa yule atayaleta mafuta ambayo hayakidhi viwango vya vya ubora unaotakiwa. Aidha, Kanuni ya uagizaji wa mafuta kwa pamoja (The Petroleum (Bulk Procurement) Regulations) ya mwaka 2015 nayo imetoa adhabu juu ya kosa la kuleta mafuta yasiyokidhi viwango vya ubora. 

Kutokana na mazingira haya ya adhabu katika kosa tajwa, PBPA iliomba kupata mwongozo kutoka katika Mamlaka za kisheria ili kuhakikisha kuwa adhabu inayotolewa iko katika misingi sahihi ya ki-sheria.

Ni vyema ikafahamika kuwa hakuna sehemu ambapo PBPA imedanganya Taifa. Ni kweli kabisa kuwa Sheria, Kanuni na Mikataba inaeleza juu ya mafuta yaliyoletwa na kukutwa hayajafikia viwango vya ubora unaotakiwa. Mafuta haya hayateremshwi na hutakiwa kurudishwa na yule aliyeyaleta, ikiwa ni pamoja na kutekelezwa kwa taratibu zingine kwa mujibu wa Sheria, Kanuni na Mkataba. 

Lakini, Sheria, Kanuni na Mkataba havina sehemu inayoeleza juu ya mafuta yaliyofika, yakapimwa na kuthibitika kuwa yako katika viwango vya ubora unaotakiwa, yakaruhusiwa kuteremshwa, meli ikaoondoka na baadae kutambulika kuwa mafuta yaliyo katika maghala yamechanganyika.

Suala la ubora wa meli hushughulikiwa na TPA. Taarifa za meli inayotakiwa kuleta mafuta hutumwa TPA ambao huthibitisha kama meli hiyo inaruhusiwa au hairuhusiwi kuingia katika bandari zetu zinazotumika kuteremsha mafuta.

Hitimisho, ni vyema ikafahamika kuwa utaratibu wa uagizaji mafuta kwa pamoja hapa nchini umeanza tangu 2011. Utaratibu huu umekuwa na mafanikio makubwa, hasa ikizingatiwa kuwa umejengwa katika misingi ya uwazi na ushirikishwaji. 

Nchi nyingi za Afrika zimekuwa zikifika kujifunza kwetu. Aidha, hata taasisi zingine ndani ya nchi yetu ziko katika kutekeleza manunuzi yao kwa kutumia utaratibu unaotumiwa na PBPA. Hii ni baada ya kujifunza kutoka PBPA. Hii inaonesha ni kwa kiasi gani wadau mbali mbali wanaona mafanikio ya utaratibu huu.

PBPA inapenda kuufahamisha umma kuwa itaendelea kusimamia uagizaji wa mafuta kwa pamoja kwa kufuata Sheria, Kanuni na Taratibu. Shughuli hizi zitafanywa kwa uwazi zaidi na kushirikisha wadau wote wanaohusika. Tutabuni njia mbali mbali ili kuwezesha makampuni ya Watanzania kuweza kushiriki katika biashara ya mafuta. Tunaamini kuwa tutaungwa mkono na watu wote ili kuleta maendeleo ya nchi yetu.

Imetolewa na

Kaimu Mkurugenzi Mtendaji

Wakala wa Uagizaji Mafuta kwa Pamoja (PBPA)

DAR ES SALAAM

Read More →

Sababu za Kutumbuliwa Mkuu wa Mkoa wa Arusha Hizi Hapa

Daudi Felix Ntibenda jana asubuhi alikuwa na majukumu ya kufungua mikutano miwili na kufanya shughuli nyingine kwa nafasi yake ya mkuu wa Mkoa wa Arusha, lakini hakuweza kuyatimiza kikamilifu majukumu hayo kwa kuwa Rais John Magufuli alikuwa na mawazo tofauti na mipango yake.

Ingawa haikufahamika sababu ya kuondolewa kwake, huenda mvutano baina yake na Umoja wa Vijana wa CCM Mkoa ukawa umechangia.

Saa 2:12 asubuhi jana, Ofisi ya Waziri Mkuu ilikuwa imeshatoa taarifa kuwa uteuzi wa Ntibenda umetenguliwa na nafasi yake imechukuliwa na Mrisho Gambo ambaye aliteuliwa hivi karibuni kuwa mkuu wa Wilaya ya Arusha.

Taarifa hiyo ya Ofisi ya Waziri Mkuu haikueleza sababu za kutenguliwa uteuzi wa Ntibenda ambaye amekuwa Arusha tangu mwaka 2014.

Kwa mujibu wa taarifa hiyo, Ntibenda, ambaye alikuwa Mkuu wa Wilaya ya Karatu kabla ya kuteuliwa kushika wadhifa huo mwaka 2014, amehamishiwa ofisi ya Waziri Mkuu ambako atapangiwa kazi nyingine.

Jana, Ntibenda alikuwa akisubiriwa kufungua mkutano wa shirika la kimataifa la afya kwa vijana (AMREF) na tayari tangu asubuhi alikuwa ofisini kwake kujiandaa kwa majukumu hayo ya siku.

Mbali na mkutano huo, Ntibenda alitarajiwa kushiriki kama mwenyeji katika mkutano wa Mfuko wa Maendeleo (Tasaf) ambao ulishirikisha wakuu wote wa mikoa ya Kanda ya Kaskazini pamoja na wakuu wa wilaya.

Kwenye mkutano wa AMREF, Ntibenda alisubiriwa kwa muda mrefu hadi habari za kutenguliwa kwa uteuzi wake ziliposambaa, ndipo akateuliwa mganga mkuu wa mkoa, Frida Mokiti kufungua mkutano huo.

Habari za uhakika kutoka ofisi ya mkuu wa mkoa zinasema kuwa kabla ya kuibuka kwa taarifa za kutenguliwa kwake, Ntibenda alikuwa na mazungumzo na Gambo ofisini kwake.

Haikujulikana mara moja mambo waliyozungumza wawili hao, ingawa tangu Ntibenda ateuliwe kuwa Mkuu wa Mkoa wa Arusha kumekuwa na utulivu wa kisiasa.

Ntibenda alikuwa kwenye mzozo na viongozi wa Umoja wa Vijana wa CCM (UVCCM), ambao walikuwa wakimlalamikia kuingilia majukumu ya jumuiya hiyo.

Mwenyekiti wa UVCCM wa mkoa, Lengai ole Sabaya aliwaambia waandishi wa habari mapema wiki iliyopita wakati akisoma maazimo ya kamati ya utekelezaji, kuwa mkuu huyo anakwamisha utendaji wao.

Katika taarifa hiyo UVCCM ilisema kitendo cha Ntibenda kuingilia kati sakata la mikataba ya wapangaji katika maduka ya jumuiya hiyo ni kuwakwamisha.

Baadaye kundi la viongozi hao wa UVCCM pia lilidaiwa kuandika barua ya kumlalamikia Ntibenda kutokana na kutoridhishwa na utendaji wake.

Hata hivyo, Ntibenda alikanusha tuhuma zote za UVCCM kumtetea mmoja wa wapangaji na kusema anasikitishwa na madai hayo dhidi yake.

Uteuzi wa Gambo

Wakati Ntibenda akienguliwa, baadhi ya viongozi wa UVCCM jana walikuwa wenye furaha baada ya Gambo kupandishwa cheo.

Mbunge wa viti maalumu, Catherine Magige alimpongeza Rais Magufuli kwa uteuzi wa Gambo ambaye alisema ni zao la jumuiya hiyo.

Magige alisema uteuzi huo unaonyesha jinsi gani Rais Magufuli alivyo na imani na vijana na akawataka kuendelea kumuunga mkono.

“Tunaamini Gambo ataleta mabadiliko makubwa ya utendaji katika Mkoa wa Arusha kwa kuwa ni mchapakazi,” alisema.

Wakati Magige akisema hayo, Ole Sabaya alisema Rais Magufuli amesikia kilio chao.

“UVCCM tulikuwa na malalamiko juu ya utendaji wa mkuu wa mkoa, sasa tunashukuru sana Rais Magufuli kusikiliza kilio chetu,” alisema Ole Sabaya.

Kuondolewa Ntibenda

Lakini hali ilikuwa tofauti kwa mbunge wa Arusha, Godbless Lema aliyesema anaona vurugu zikirudi na kwamba uteuzi wa Gambo ni kama mkakati wa kuhakikisha wapinzani wanasambaratishwa mkoani Arusha ambako ni moja ya ngome za Chadema.

Lema, ambaye amekuwa katika mgogoro na Gambo katika siku za karibuni, alisema kada huyo ameteuliwa ili kuidhibiti Chadema, jambo ambalo chama hicho hakitakubali.

“Hivi karibuni nilimwambia mkuu wa mkoa Ntibenda kuna watu wanakutafuta, sasa wamefanikiwa. Lakini mimi naona Arusha ijayo itakuwa na vurugu tofauti na utulivu uliopo sasa,” alisema.

Hata hivyo, alisema Chadema imejipanga kuendelea kufanya siasa za kistaarabu na kamwe haitakubali kuhujumiwa na mtu yeyote yule.

Alipotafutwa jana asubuhi, Gambo alisema hana cha kuzungumza na kwamba hakuwa na taarifa rasmi.

Gambo, ambaye jana alishiriki mkutano wa Tasaf kwa nafasi yake ya mkuu wa Wilaya ya Arusha na baadaye kuondoka, alisema alikuwa hajapata taarifa rasmi.

Hata hivyo, akiwa kwenye mkutano baadhi ya wakuu wa mkoa na wakuu wa wilaya za mikoa ya Kanda ya Kaskazini, walimpongeza kwa uteuzi huo.

Katibu Tawala wa Mkoa wa Arusha, Richard Kwitega alisema alipata taarifa za uteuzi huo jana asubuhi na alipata maelekezo kuwa Gambo anatakiwa Dar es Salaam.

“Nilipata taarifa rasmi ya uteuzi wake na tayari tulikuwa naye hapa ofisini ili kuweka taratibu za kwenda kuapishwa,” alisema.

Alisema Gambo atarejea Jumamosi na atapokewa na wafanyakazi na baadaye kushiriki mapokezi ya Mwenge wa Uhuru wilayani Ngorongoro.

Read More →

AGIZO LA DKT. Kigwangalla Hamisi, NAIBU WAZIRI WA AFYA, MAENDELEO YA JAMII, JINSIA, WAZEE NA WATOTO KWA MA-DED NA MA-DMO WOTE NCHINI.

KUTOKA HAPA MWANDOYA HEALTH CENTER, MEATU-SIMIYU.

Leo nimeamua kuchukua uamuzi wa kutoa agizo kali kabisa toka nimeteuliwa. Najua litazua maswali, lakini Kwa kuwa litaokoa maisha ya wanawake wajawazito wa nchi yetu (CEmOC) na wananchi wengine, nimelitoa. Nitalitetea. Nitalisimamia!

Nimeagiza maDED na maDMO wote nchini kuhakikisha wana theatres ZENYE KUFANYA KAZI IPASAVYO kwenye vituo vyote vya Afya kwenye maeneo yao. Wiki iliyopita nilitembelea Manispaa ya Ilala, kwenye vituo vya afya vitatu nilivyotembelea hakukuwa na theatre yenye kufanya kazi. Kwa mujibu wa sera ya afya ya Tanzania, 'kituo cha afya' kitakuwa na hadhi hiyo kama kina uwezo wa kufanya upasuaji. Vinginevyo hiyo ni zahanati. Mara nyingi watendaji hawa wamekuwa wakijificha kwenye kichaka cha 'hatuna fedha', wengine wakiomba fedha kutoka serikali kuu.

Nilimuuliza Mkurugenzi wa Ilala, unakusanya sh ngapi Kwa mwezi, akasema bilioni 6. Nikamuuliza unadhani ni sh ngapi kuwa na theatre yenye kufanya kazi? Akakosa jibu. Nikampa miezi 6 awe na theatre zenye kufanya upasuaji.

Leo nimefanya ziara yangu mikoa ya Shinyanga na Simiyu, nikitimiza mikoa 24. Huku pia nimekutana na tatizo hilo hilo nilipokuwa Kishapu, Shinyanga na Mwanhuzi, Simiyu. Hawa wa Meatu wenyewe wana kituo cha Afya Mwandoya, takriban Km 60 kutoka Hospitali ya Wilaya ya Meatu, pale Mwanhuzi. Wamekipa uwezo wa kufanya upasuaji. Wamenunua vifaa, wameajiri hadi Daktari (MD) kwa ajira ya muda kwa ajili ya kufanya kazi pale. Kituo kimefanya takriban operation 40, zote salama Kwa asilimia 100. Wamepunguza msongamano Mwanhuzi na wamepeleka huduma nyeti na za kuokoa maisha Karibu zaidi na wananchi, ukizingatia huku hakuna barabara za lami na hakuna ambulances. I was impressed.

Nikasema sababu za kuwa Halmashauri hazina pesa huku zinakusanya mamilioni ambayo wanayatumia bila ku-address matatizo ya msingi ya wananchi hazikubaliki. Leo iwe mwisho. Nimeagiza wakurugenzi wa Halmashauri zote nchini washirikiane na maDMO wajue watakavyofanya wahakikishe wanafungua huduma za upasuaji kwenye vituo vyote vya afya nchini ndani ya miezi sita (6).

Baada ya miezi hiyo sita mimi mwenyewe na timu yangu ya kurugenzi ya ukaguzi na uhakiki ubora wa huduma za afya (inspectorate and quality assurance) tutasambaa nchi nzima kukagua huduma hizi na pale ambapo hatutozikuta tutakishusha hadhi kituo hicho kutoka ngazi ya 'kituo cha afya' na kuwa ngazi ya 'zahanati' sambamba na kuwashauri wenzetu wa Ofisi ya Rais, TAMISEMI kuwa wakuu hao wa idara wameshindwa kutekeleza majukumu yao na hivyo wawashushe vyeo.

Nitasimamia uamuzi huu Kwa nguvu zangu zote. Sababu ni kwamba ninajua faida yake. Ninajua Mungu atafurahi, atanibariki.

Wakati wa Bunge la bajeti wanaharakati wa haki za wanawake na Watoto waliwahamasisha Wabunge watushughulikie Kwa ajili ya suala hili. Wakawa-pump wabunge data kuwa kwa siku magnitude ya vifo vinavyotokana na sababu za uzazi ni sawa na 'coaster' moja ipate ajali na iue watu wote! Wabunge waligeuka mbogo. Japokuwa namba hizi zilikuwa exaggerated (zilizidishwa), walifikisha point kwetu. Kwamba lazima tufanye kitu tofauti kwenye eneo hili. Mimi naanza kuchukua hatua. Vifo vitokanavyo na uzazi havikubaliki!

Dkt. Hamisi Kigwangalla, MB., NW-AMJW.​

 

Read More →

DED Aeleza Kwa nini alitoa machozi mbele ya wabunge

Mkurugenzi Mtendaji wa Halmashauri ya Wilaya ya Gairo, Agnes Mkandya. 

 Mkurugenzi Mtendaji wa Halmashauri ya Wilaya ya Gairo, Agnes Mkandya amesema utafunaji wa fedha za umma uliofanywa na watendaji ndiyo ulimtoa chozi wakati akihojiwa na Kamati ya Bunge ya Hesabu za Serikali za Mitaa (Laac).

“Ni kuwa kitu kilichonifanya (nitoke machozi) ni yale machungu ya ubadhirifu wa wakuu wa idara na baadhi ya watendaji kufanya wizi kwa kutumia carbon slip,” ameandika Mkandya kwenye ujumbe mfupi alioutuma kwa mwandishi wa Mwananchi.

Katika mahojiano mbele ya kamati hiyo yaliyofanyika kwenye ukumbi wa Msekwa mjini Dodoma mwanzoni mwa wiki, Mkandya aliulizwa swali na Mbunge wa Viti Maalumu (CCM), Leah Komanya kuhusu ubadhirifu katika halmashauri yake, na wakati akijieleza alikuwa akibubujikwa na machozi.

Read More →

Mahakama Yamwamuru Reginald Mengi Afike Kujieleza ni Kwa nini Asifungwe Gerezani Kwa Kupuuza Hukumu ya Mahakamagwe

MAHAKAMA Kuu Kitengo cha Biashara imeamuru Mwenyekiti Mtendaji wa Makampuni ya IPP, Reginald Mengi afike mahakamani kujieleza kwa nini asifungwe gerezani kwa kushindwa kutekeleza hukumu inayohusu malipo ya Sh bilioni 1.2.

Mengi anatakiwa kufika mahakamani hapo Agosti 24, mwaka huu kujieleza kutokana na kushindwa kutekeleza hukumu iliyomtaka kuwalipa wafanyabiashara watatu, Muganyizi Lutagwaba, Eric Mshauri na Charles Mgweo,  Sh bilioni 1.2.

Alitakiwa kuwalipa fedha hizo kutokana na mgogoro wa malipo ya uuzwaji wa hisa katika Kampuni ya Douglas Lake Minerals Ltd ambayo kwa sasa inaitwa Handeni Gold Inc.

Kwa mujibu wa hati ya wito wa kufika mahakamani, Mengi anatakiwa kufika mahakamani hapo Agosti 24, mwaka huu ili ajieleze kwa nini asifungwe gerezani kama mfungwa wa madai kama sehemu ya kukazia hukumu hiyo.

Mahakama imetoa hati hiyo kutokana na wafanyabiashara hao kuwasilisha maombi katika hatua ya kukazia hukumu iliyotolewa Januari 28, mwaka huu na Jaji Agathon Nchimbi wa mahakama hiyo.

Katika hati ya kiapo ya wafanyabiashara hao, inadaiwa walifungua kesi dhidi ya Mengi na Kampuni ya K.M. Prospecting Limited, wakidai malipo yaliyokuwa yamebakia ya dola 428,750, 100,000 na 70,000, kwa kila mmoja.

Read More →

Magazeti ya Leo Ijumaa ya Agosti 19, 2016

Read More →

Tundu Lissu Atumia Dakika 120 Kupangua hoja Mahakamani, Alikuwa akimtetea Ester Bulaya dhidi ya wafuasi wa Wasira

Tundu Lissu, ambaye ni wakili wa Mbunge wa Bunda Mjini, Ester Bulaya jana alitumia muda wa saa mbili kupangua maombi ya wananchi wanne wanaopinga matokeo ya Uchaguzi Mkuu yaliyompa ushindi mteja wake. 

Kesi hiyo imeanza kusikilizwa tena baada ya Mahakama ya Rufaa kufuta uamuzi wa Mahakama Kuu uliotupilia mbali hoja za kupinga matokeo hayo, ambazo ziliwasilishwa na wafuasi wanne wa aliyekuwa mgombea wa jimbo hilo, Steven Wasira (CCM). 

Jaji Mohamed Gwae wa Mahakama Kuu, alitupilia mbali kesi hiyo baada ya kukubali pingamizi la Lissu kuwa wafuasi hao hawakuwa na haki ya kisheria kufungua kesi hiyo. 

Wakazi hao wa Bunda wanadai kuwa uchaguzi haukuwa huru na haki kutokana na kugubikwa na vitendo vya rushwa, mgombea wanayemuunga mkono kunyimwa fursa ya kuhakiki matokeo na pia kuongezeka kwa idadi ya vituo vya kupigia kura.

Jana, Lissu, ambaye ni Mwanasheria Mkuu wa Chadema na wakili wa kujitegemea, alitoa majibu ya utetezi mbele ya Jaji Lameck Mlacha kuanzia saa 4.10 asubuhi na kukamilisha saa 6.02 mchana wakati shauri hilo lilipoahirishwa kwa muda hadi saa 8:00 mchana kutoa fursa kwa mawakili wa upande wa wadai, Constantine Mutalemwa kujibu. 

Lissu alidai kuwa waleta maombi wameshindwa kutoa hoja mahususi kuonyesha ukiukwaji wa sheria, kanuni na taratibu za uchaguzi wanazodai ulikuwepo katika mchakato wa Uchaguzi Mkuu wa Oktoba 25, mwaka jana. 

Wakili Lissu pia alidai kuwa walalamikaji ambao ni Magambo Masato, Matwiga Matwiga, Janes Ezekiel na Ascetic Malegele, pia wameshindwa kuonyesha madhara waliyopata kama wapigakura kuishawishi mahakama kutengua matokeo yaliyompa ushindi Bulaya dhidi ya mwanasiasa huyo mkongwe. 

“Waleta maombi wanadai uchaguzi haukuwa huru na haki, idadi ya wapigakura kutofautiana kwa kila kituo na uwepo wa vitendo vya rushwa, lakini hawabainishi wazi nani mhusika wa mambo wanayoyalalamikia na madhara waliyopata kwa nafasi yao ya wapigakura,” alisema wakili Lissu. 

Alisema vitendo vya rushwa katika uchaguzi ni kosa kubwa linaloweza kusababisha kubatilishwa kwa matokeo ya uchaguzi mzima, lakini walalamikaji wana wajibu wa kumtaja mhusika wa vitendo hivyo ili kuipa mahakama fursa ya kutafsiri vyema sheria na kutoa haki. 

“Lakini madai ya juujuu tena ya jumla kuwa aliyetoa rushwa ni wakala wa mteja wangu, hayakubaliki mbele ya macho ya sheria kwa sababu mtu huyo hajulikani na jukumu la kuthibitisha madai ni la mleta maombi na uthibitisho huo haumo kwenye hati yao ya maombi,” alidai Lissu. 

Aliomba maombi hayo yafutwe kwa hoja kwamba wadai hawajataja vifungu vinavyoipa mahakama haki na mamlaka ya kuyasikiliza na kuyaamua.

Read More →

Wanafunzi Hewa 2331 Katika Shule Za Sekondari Mkoani Simiyu Wabainika

Baada ya kufanya uhakiki wa Wanafunzi Uongozi wa Mkoa wa Simiyu umebaini uwepo wa wanafunzi hewa 2331  katika shule za Sekondari za Mkoa huo.

Taarifa hiyo imetolewa na Mkuu wa Mkoa huo, Mhe. Anthony Mtaka wakati alipozungumza na Walimu Wakuu na Waratibu Elimu Kata mara  baada ya kuwakabidhi Vishikwambi (Tablets) vilivyotolewa na Shirika lisilokuwa la Kiserikali la EQUIP Tanzania kwa ajili ya utunzaji wa Takwimu muhimu za Sekta ya Elimu,.

Mtaka amesema kati ya Halmashauri sita za Mkoa huo, Ni Halmashauri ya Wilaya ya Bariadi  tu ambayo haina wanafunzi hewa wakati Halmashauri ya Wilaya ya Busega ikiwa na wanafunzi hewa  110, Itilima  2137, Maswa 14, Meatu 125 na Halmashauri ya Mji wa Bariadi 439.

 

Kufuatia kuwepo kwa wanafunzi hewa Mkuu wa Mkoa huo amesema, Serikali Mkoani humo imepanga kufanya mabadiliko ya Wakuu wa Shule za Sekondari katika Mkoa mzima, wakati taratibu za kinidhamu zikiendelea kwa wakuu wa shule  waliotoa takwimu za uongo za wanafunzi katika shule zao, wakati kwa upande wa shule za Msingi, mabadiliko yatafanyika baada ya kumaliza mtihani wa darasa la saba.

Mtaka amesema kabla ya uteuzi wa wakuu wa shule na walimu wakuu utafanyika upekuzi (vetting) kwa wale watakaopendekezwa ili kujiridhisha kama wahusika wana sifa na uwezo wa kuendesha shule na kusimamia fedha za Serikali zinazopelekwa shuleni kwa ajili ya kugharama elimu ya bila malipo. 

 

“ Serikali inaendelea kupelekea fedha moja kwa moja katika akaunti za shule, kwa hiyo mkuu wa shule au mwalimu mkuu ni afisa masuuli katika shule yake. Ipo haja kwa sisi kujiridhisha kama Serikali kuwa anayeteuliwa kushika nafasi ya kuongoza shule ana uwezo na sifa  ya uadilifu. Sitakuwa tayari kuona katika mkoa huu kuna walimu wakuu wazoefu wa kula fedha za Serikali na wakaendelea kuongoza shule” alisema Mtaka.

Akitoa shukrani kwa Shirika la EQUIP Tanzania, Mkuu wa Mkoa amesema Shirika hilo limekuwa msaada katika kutatua baadhi ya changamoto za Watendaji katika Sekta ya Elimu mkoani Simiyu ikwa ni pamoja na  kuwawezesha Waratibu Elimu Kata kwa kuwapa pikipiki na kuwapa fedha za mafuta shilingi 206,000 kwa kila mwezi pamoja na kutoa mafunzo kwa walimu wakuu na walimu wakuu wasaidizi.

 

Aidha, Mtaka amesema analishukuru shirika hilo kuona umuhimu wa kutoa vishikwambi kwa Walimu wakuu na Waratibu Elimu Kata ambavyo ameelekeza vitumike kutunza takwimu sahihi za kieleimu ikiwemo idadi ya walimu na wanafunzi.

Kwa upande wake Katibu Tawala Mkoa wa Simiyu, Jumanne Sagini amewataka Walimu Wakuu na Waratibu Elimu Kata kuvitunza vishikwambi hivyo na kuvitumia kwa malengo yaliyokusudiwa.

 

Naye Mkuu wa EQUIP Tanzania Mkoa wa Simiyu, Phoebe Okeyo amesema Vishikwambi hivyo  vitawasaidia Viongozi wa Elimu ngazi ya Mkoa, Wilaya na kata kupata taarifa za masuala mbalimbali yanayofanyika shuleni.

“Sasa hivi mtegemee kupata taarifa sahihi katika sekta ya Elimu kwa sababu ya hivi vifaa tulivyovitoa leo, tumeanza kama pilot study kwa Mikoa ya  Simiyu, Shinyanga, Mara, Tabora, Dodoma,Lindi na Kigoma. Tunatarajia kuongeza mikoa ya Katavi na Singida Januari, 2017” alisema Okeyo.

Jumla ya Vishikwambi(tablets) 637 vimetolewa  kwa Walimu wakuu 516  na Waratibu Elimu Kata 121 kutoka Halmashauri zote sita za Mkoa wa Simiyu, ambapo  kila kimoja kina thamani ya shilingi 315,000/=.

Read More →

Official VIDEO | S KIDE - USHEMEJI UPO | Watch/Download

Read More →

New AUDIO | Ommy Dimpoz - Hawapendagi | Download

DOWNLOAD

Read More →

COMMONWEALTH SCHOLARSHIPS TENABLE IN THE UNITED KINGDOM FOR THE YEAR 2017

COMMONWEALTH SCHOLARSHIPS TENABLE IN THE UNITED KINGDOM FOR THE YEAR 2017
The Ministry of Education, Science and Technology as a nominating agent in the country for the Commonwealth scholarships is inviting applications from qualified Tanzanians for Masters and Doctorate degrees tenable in the United Kingdom for the year 2017.

The Scholarships include:

• One year taught masters courses of equivalent degrees.
• Doctorate degrees of up to three years duration.

Qualifications

1. Applicants must be holders of bachelor or/and master’s degrees;
2. Applicants for masters must have bachelor degrees of GPA not less than 3.5; and
3. Applicants for Doctorate degrees must have a B Grade Master’s degrees or a GPA 4.0 or above at Master’s level.

 
Mode of Application:

• All applications should be made directly to the Commonwealth Secretariat and should be online using the following link: bit.ly/cscuk-apply
• It is important that applicants should read and understand all given instructions when filling the application forms, and should attach all necessary attachments such as certified copies of academic certificates, transcripts, birth certificates and submit online through the above mentioned link.

All applicants who wish to be nominated by the Ministry of Education, Science and Technology, should print one hard copy of completely filled application form (in PDF format), attach it with certified photocopies of academic certificates, transcripts and birth certificates and submit them to the address below before 31^st October, 2016.



The Executive Secretary,

Tanzania Commission for Universities,

P.O. Box 6562,

DAR ES SALAAM.

Read More →