Tuesday, 13 September 2016

Magazeti ya Leo Jumanne september tarehe 13.9.2016

Unknown 05:40:00 No comments

MPYA:TAARIFA KWA UMMA KUTOKA NACTE KUHUSU MAJINA YA WANAFUNZI WALIOCHAGULIWA CHETI NA DIPLOMA VYUO VYA AFYA,KILIMO,MIFUGO,UALIMU NK 2016/2017

Unknown 13:10:00 No comments

TAARIFA KWA UMMA KUHUSU UTEUZI WA PILI KATIKA KOZI ZA CHETI NA DIPLOMA KWA MWAKA WA MASOMO 2016/2017

Baraza la Taifa la Elimu ya Ufundi (NACTE) linapenda kuwaarifu wote walioomba kudahiliwa katika kozi mbali mbali za cheti na diploma na Umma kwa ujumla kuwa uhakiki wa uteuzi wa awamu ya pili kwa waombaji wa cheti na diploma umekamilika na kwamba uteuzi huu sasa unaonekana kwenye kurasa binafsi (profile) za waombaji. Hii ina maana kuwa waliochaguliwa sasa wanaweza kuona mahali walipochaguliwa kupitia kurasa zao binafsi.

Hata hivyo, Baraza linaomba radhi kwa kuwa uhakiki wa uteuzi kwa baadhi ya vyuo haujakamilika hivyo Baraza litashindwa kuwaonyesha waombaji wa vyuo hivyo uteuzi wao. Vyuo hivyo ni pamoja na vyuo vya kilimo na uvuvi na baadhi ya vyuo vikuu.
Baraza pia linapenda kuwaarifu waombaji waliofanya maombi kwenye vyuo vya Ualimu vya Serikali kuwa uteuzi kwenye vyuo hivyo bado unasubiri mwongozo wa Serikali na hivyo watafahamishwa mara Baraza litakapopata mwongozo kutoka Wizara yenye dhamana ya Elimu juu ya uchaguzi huo.

Imetolewa na

Ofisi ya Katibu Mtendaji

NACTE

Tarehe: 10 Septemba, 2016

EID MUBARAK

Unknown 12:22:00 No comments

Timu nzima ya MASWAYETU BLOG inawatakiwa

Wadau wake wote popote pale mlipo, sikukuu

njema

ya Idd el Hajj na tuisherehekee kwa amani na

mapenzi tele kama ilivyolekezwa katika vitabu

vitukufu vya Dini.

IDD MUBARAK

MASWAYETU BLOG TEAM!

Bweni la wasichana lateketea Manyoni

Unknown 12:17:00 No comments

Manyoni. Bweni la Wasichana la Shule ya Sekondari Mwanzi wilayani Manyoni, Mkoa wa Singida, limeteketea kwa moto na kusababisha hasara ya zaidi ya Sh50 milioni huku wanafunzi 42 wakinusurika.

Hilo ni bweni la shule pekee wilayani Manyoni yenye kidato cha tano na sita.

Akizungumza muda mfupi baada ya kukagua bweni hilo, Mkuu wa Mkoa wa Singida, Mathew Mtigumwe ameagiza timu maalumu iundwe kubaini chanzo cha moto huo.

“Pamoja na uchunguzi wa awali kuonyesha uwezekano wa moto huo kusababishwa na hitilafu ya umeme, tusibweteke, lazima uchunguzi wa kina ufanyike ili kubaini chanzo cha moto huu,” amesema Mtigungwe.

Pia, amesema kama kuna watu wamehusika, wakamatwe na kufikishwa mbele vyombo vya sheria.

Mkuu wa Wilaya ya Manyoni, Geofrey Mwambe amesema mali mbalimbali za wanafunzi zenye thamani ya zaidi ya Sh25 milioni zimeteketea, huku hasara ya Sh24.3 milioni ikipatikana kutokana na jengo hilo kuharibika.