MPYA:TAARIFA KWA WANAFUNZI SUA KUHUSU PESA YA FIELD AGUST 2016

 

Ofisi ya DVC SUA imtoa taarifa kwa uuma na wanafunzi wote kwamba ,Chuo hadi sasa hakijapokea pesa ya field kutoka BODI YA MIKOPO,hivyo basi chuo kinwaomba wanafunzi waendelee kukaa nyumbani hadi hapo maelekezo mengine yatakapotolewa.

IMETOLEWA NA OFISI YA DVC-SUA
TAREHE 6.8.2016

Read More →

Waziri wa Kilimo Awanyooshea Kidole Maofisa Ugani Wanaoomba Rushwa

WAZIRI wa Kilimo, Mifugo na Uvuvi, Dk Charles Tizeba amewanyooshea kidole maofisa ugani wa mifugo na uvuvi kwa maelezo kuwa wameacha kutimiza majukumu yao na badala yake wanakamata zana haramu za uvuvi, kuuza dawa na kuomba hongo.

Dk Tizeba alisema hayo juzi alipotembelea maonesho ya kitaifa ya mifugo katika viwanja vya maonesho ya wakulima Nanenane yanayoendelea katika Viwanja vya Maonesho ya Kilimo Kanda ya Kati Nzuguni mjini Dodoma.

Alisema maofisa ugani upande wa kilimo, ufugaji na uvuvi hawawajibiki ipasavyo na wamejibadilisha kuwa wafuatiliaji na wakamataji wa zana haramu za uvuvi, kuuza dawa za mifugo na kupokea hongo.

Pia alisema maofisa nyama wamebaki kuchukua baadhi ya nyama kama hongo na kuruhusu nyama kuuzwa bila kukaguliwa kitaalamu.

Alimuagiza Katibu Mkuu wa wizara hiyo, Dk Mary Mashingo kufuatilia utendaji kazi wa Baraza la Usajili wa Maofisa Ugani hao, huku akimtaka pia mwenyekiti wake wa bodi hiyo kumpatia mpango kazi walionao na changamoto zilizopo katika kuwasimamia ili wawajibike vyema zaidi.

Dk Tizeba alisema baraza hilo, mwenyekiti wake wa bodi kuhakikisha kuwa anatengeneza mfumo utakaotoa vibali vya muda utakaowezesha bodi yake kuwapima utendaji wao kwanza kabla ya kuwapatia usajili wa kudumu.

Pia alimuagiza katibu mkuu kutoa maagizo kwa halmashauri zote nchini ili maofisa ugani hao wanapotekeleza wajibu wao chini ya usimamizi wa wakurugenzi wao wawe na mfumo ulio wazi na wenye tija katika kuwahudumia walengwa vizuri zaidi na si kama wanavyofanya sasa kwani hawawajibiki na hawasimamiwi ipasavyo.

Ofisa Mifugo wa Wilaya ya Dodoma Mjini, Gracian Mwesiga alisema inawezekana kuwepo kwa maofisa mifugo wasiotimiza majukumu yao, lakini kwa mwenendo wa sasa wa serikali wanatakiwa kupendekeza na kupitisha sheria itakayompa meno mwenyekiti wa bodi ya usajili wa maofisa ugani ikiwamo kufuatilia utendaji wao baada ya kuwasajili.

“Usimamizi wa maofisa mifugo upo kwenye halmashauri na si katika baraza ambalo kazi yake ni kusajili wataalamu,” alisema Mwesiga.

Read More →

Wazazi Wamuua Mtoto Wao Kwa Kipigoi

MWANAFUNZI aliyekuwa akisoma Darasa la Saba katika Shule ya Msingi Zimba, Bonde la Ziwa Rukwa wilayani Sumbawanga, Susana Kauzeni (15) ameuawa baada ya kupigwa na wazazi wake wakimtuhumu kuwa ni mtoro sugu wa shule.

Ofisa Elimu wa Halmashauri ya Wilaya ya Sumbawanga (Shule za Msingi), Peter Fusi amesema kuwa mwanafunzi huyo alizikwa kijijini humo Julai 23, mwaka huu.

“Baba na mama yake walichangia kumpiga binti yao huyo wakimtuhumu kuwa ni mtoro sugu wa shule pia nyumbani amekuwa haonekani. Baba yake mzazi amekimbia baada ya kufanya uhalifu huo huku mama yake akiwa ameshikiliwa na Jeshi la Polisi,” alieleza Fusi.

Fusi alieleza kuwa kuanzia Agosti 3 na 4, mwaka huu alitembelea baadhi ya shule za msingi zilizopo kwenye Bonde la Ziwa Rukwa ikiwemo Shule ya Msingi Zimba kufuatilia kazi ya utengenezaji wa madawati mapya kwa ajili ya shule za msingi pia kufuatilia takwimu sahihi za wanafunzi ili kubaini wanafunzi hewa.

“Nilipofika kwenye Shule ya msingi Zimba, Mratibu Elimu Kata, Daudi Moga na Mwalimu Mkuu wa Shule hiyo, Fidelis Mwangurumba walithibitisha kutokea kwa mauaji hayo ya mwanafunzi huyo,” alisema.

Kwa mujibu wa Mwalimu Mkuu wa Shule hiyo, Mwangurumba, mwanafunzi huyo alikuwa ni miongoni mwa wanafunzi watoro sugu shuleni hapo.

Kamanda wa Polisi Mkoa wa Rukwa, George Kyando amethibitisha kutokea kwa mauaji hayo.

Read More →

Katibu wa Chadema Kanda ya Ziwa Akamatwa Akituhumiwa Kufanya Uchochezi Kwa Kutumia Mitandao ya Kijamii

Wakati Mwanasheria Mkuu wa Chadema, Tundu Lissu akiwa nje kwa dhamana baada ya kupandishwa kizimbani kwa makosa matatu yakiwamo ya uchochezi, Jeshi la polisi mkoani Geita limevamia Hoteli ya KG iliyopo mjini Geita aliyokuwa amefikia Katibu wa Chadema Kanda ya Ziwa, Meshack Miku na Mwenyekiti wa Bavicha Mkoa wa Geita, Neema Chazaile na kuwashikilia kwa tuhuma za uchochezi wa kutumia mitandao ya kijamii. 

Taarifa zilizopatikana kutoka kwa uongozi wa Chadema Mkoa wa Geita na kuthibitishwa na Kamanda wa Polisi Mkoa, Mponjoli Mwabulambo zimedai kuwa katibu huyo alikamatwa jana saa 12 asubuhi. 

Katibu wa Chadema Mkoa wa Geita, Sudy Mtanyagala alidai kwamba askari wa polisi zaidi ya 10 wakiongozwa na Kamanda wa Upelelezi Mkoa (RCO) waliizunguka hoteli aliyokuwa amelala katibu huyo wakidai wanatafuta majambazi yenye silaha.

 Mtanyagala alidai kuwa polisi hao waliingia chumba baada ya chumba na walipofika katika chumba cha mwisho ambacho ndicho alichokuwa amelala katibu huyo walimkamata na kuchukua simu yake. 

Alisema baada ya kumkamata walisoma nyaraka za chama alizokuwa nazo kisha kumtaka yeye na mwenyekiti wa Bavicha kuongozana na polisi hadi kituoni kwa uchunguzi zaidi.
 

 Alisema katibu huyo wa kanda pamoja na mwenyekiti wa Bavicha mkoa walikuwa wakijiandaa kwa kwenda katika ziara Wilaya ya Nyang’wale ambako wangefanya mikutano ya ndani na viongozi wa chama hicho. 

Katibu wa Chadema Wilaya ya Geita, Hellena Thobias alisema walipata taarifa za kukamatwa kwa viongozi hao asubuhi na kufika polisi. 

Alisema baada ya kufika polisi, maelezo yalibadilika na kuelezwa katibu wao anatuhumiwa kwa uchochezi kwa kutumia mitandao ya kijamii. 

Alisema wamejitahidi kuomba dhamana lakini imeshindikana baada ya kuelezwa kuwa watuhumiwa hao watakuwa chini ya uangalizi wa polisi kwa uchunguzi zaidi. 

“Polisi wametunyima dhamana hadi saa 10 jioni tuko polisi tumeomba dhamana wamekataa sijui ni sheria gani inayomzuia mtu kupata dhamana lakini pia sijui ni sheria gani ya polisi kumnyang’anya mtu simu yake bila ridhaa na kuichunguza. Hatutanyamaza juu ya uonevu huu,” alisema. 

Alisema Serikali imekataza mikutano  ya hadhara na kueleza kusikitishwa kwake na hatua ya jeshi la polisi kufuatilia hadi mikutano ya ndani ya chama hicho ambayo ni haki yao kikatiba. 

Akizungumza kwa simu na mwandishi, Kamanda Mwabulambo alikiri jeshi lake kuwashikilia katibu huyo wa Chadema wa kanda na mwenyekiti wa Bavicha mkoa lakini akasema yupo nje ya ofisi hivyo hawezi kulizungumzia jambo hilo kwa undani.

Read More →

John Shibuda Amkingia Kifua Rais Magufuli

Katibu Mkuu wa Chama cha Ada Tadea, John Shibuda amesema Rais John Magufuli “ni katili kwa wahujumu wa ustawi na maendeleo ya Taifa na rafiki kwa waadilifu”, na kuwataka Watanzania kumuunga mkono kwa ukatili huo ambao amesema unabezwa na baadhi ya watu.

Shibuda, ambaye alikuwa mbunge wa Maswa Magharibi kwa tiketi ya Chadema na CCM kwa vipindi tofauti, alisema hayo jana wakati akizungumza na waandishi wa habari mjini Shinyanga.

Alisema wanaodai Rais Magufuli ni dikteta hawajui viwango vya ubora wao katika kutoa hukumu hiyo na kuwataka kuchagua kupendezesha waadilifu ili kwenda peponi au waovu waliojipanga kwenda jehanamu.

“Ndugu zangu ukweli haulogeki. Mahimizo ya Rais si udikteta, bali ni dhamira ya kuibua msisimko wa uhuru na maendeleo na uhuru ni kazi na asiyefanya kazi asinufaike na jasho la Watanzania,” alisema Shibuda ambaye anasifika kwa uwezo wake wa kutumia vizuri lugha ya Kiswahili.

 Shibuda alisema kama Magufuli ni katili, basi dini zote ni katili kwa kuwa zina amri za Mungu ambazo zinawakataza watu kufanya mambo wanayoyapenda.

Alisema ndiyo maana viongozi wa dini nao wamekuwa wakisisitiza uadilifu, jambo ambalo Rais Magufuli analifanya.

“Napongeza ukatili wa Rais kukemea maovu,” alisema Shibuda.

Alisema Serikali ya Awamu ya Tano imekuja katika dunia ya mabadiliko ya mila, jadi na utamaduni wa utendaji wa umma na kukomesha uzembe katika uwajibikaji, ufisadi na kuleta msisimko unaoshangiliwa na jamii na kuondoa zomeazomea dhidi ya Serikali.

Kiongozi huyo wa upinzani alisema ajenda ya vyama vya upinzani imenyauka na kuvitaka kuacha kutafuta mfereji wa kutorokea.

 Badala yake, alivitaka vyama vya upinzani kujipanga upya ili viwe na mtazamo mpya wa utendaji wa shughuli za kisiasa.

Aliifananisha Serikali ya Awamu ya Tano na mabadiliko ya tabianchi duniani, akisema Taifa limepata Rais mwenye utumishi changamfu na kugusa hisia za jamii.

“Vyama vya upinzani viache siasa za mipasho na vijembe. Siasa hizi hazitatui kero za umaskini, ujinga, uchumi wa kaya na wananchi,” alisema Shibuda.

“Wanasayansi walianza na dawa ya panado zakutuliza maumivu, lakini leo kuna dawa tatu na mseto kwa kuwa walishindana kugundua dawa bora, basi na wapinzani wawe na vikosi kazi vya kubuni tiba mbadala ya kutengua utumishi wa Rais Magufuli,” alisema Shibuda.

Alisema hakuna chama chochote cha kisiasa Tanzania ambacho kipo kwa masilahi ya kukweza chama kingine, bali kila chama kipo kwa ajili ya kugombania kushika hisia za jamii na kuwa na dola na wala chama hakilazimishwi kufungamana na tafsiri ya chama kingine kwani kina sera zake zaidi ya kufungamana siasa na itikadi ya chama chenyewe.

Alisema vyama vinaweza kuwa na ushirikiano wenye dhamira sahihi ya kukuza masilahi ya jamii, ndiyo maana chama chake cha Ada Tadea kinashirikiana na Serikali ya Mapinduzi ya Zanzibar. Shibuda aliwataka wanasiasa kuwa na mawazo makini ya kunufaisha fikra za Watanzania.

Read More →

Polisi Waendelea Kumsaka Dr. Mwaka

Mmiliki wa kituo cha Foreplan Clinic, Juma Mwaka, maarufu Dk Mwaka’ bado hajauepuka mkono wa Serikali na sasa Jeshi la Polisi limesema linataka limtie mikononi mwake ndani ya saa 24. 

Tangu Baraza la Mawaziri la Serikali ya Awamu ya Tano liapishwe mapema mwaka huu, Dk Mwaka, ambaye ni tabibu wa tiba mbadala amekuwa kwenye hali ngumu. 

Sakata lake lilianza baada ya Naibu Waziri wa Afya, Dk Hamisi Kigwangalla kufanya ziara ya kushtukiza kwenye kituo chake kilichoko Buguruni, lakini hakumkuta na kuamua kuagiza awasilishe nyaraka zake wizarani. 

Siku chache baadaye kituo hicho kiliendelea na shughuli zake za tiba, kikijitangaza kwenye vituo vya redio na televisheni na kudhamini mashindano, lakini Serikali ilitangaza kukifunga takriban wiki mbili zilizopita. 

Juzi, Dk Kigwangalla alifanya tena ziara ya kushtukiza na kukuta lundo la dawa za asili, kitu kilichomfanya aamini kuwa kituo hicho kinaendelea na shughuli zake kinyume na agizo la Serikali na hivyo kuagiza tabibu huyo akamatwe. 

Jana, Kamanda wa Polisi wa Ilala, Salum Hamdan alisema jeshi lake linaendelea kumsaka Dk Mwaka kama lilivyoagizwa na Waziri Kigwangalla. 

 “Vijana wangu wapo kazini kuhakikisha wanampata ndani ya saa 24,” alisema Kamanda Hamdan. 

“Nia ni kumfikisha mahakamani, lakini tutafanya hivyo endapo tutakuwa na ushahidi wa kutosha kuhusu madai dhidi yake, kama kudanganya umma kwa kujiita daktari, kuvaa mavazi na kutumia vifaa vinavyopaswa kutumiwa na madaktari na si waganga wa tiba mbadala. 

“Kosa jingine kama yalivyoainishwa ni pamoja na kukiuka agizo la kufungiwa na kuendelea kutoa tiba ndani ya jiji na nje kama vitabu vilivyokutwa ofisini kwake.” 

Baada ya kupata kibali cha Jeshi la Polisi juzi, Dk Kigwangalla aliingia ndani ya jengo kukagua na kukuta wateja wakiendelea kumiminika kufuata huduma, wengi wao wakiwa kina mama. 

Mara baada ya kufanya upekuzi na kukuta ndani ya jengo hilo kuna dawa, Dk Kigwangalla alizungumza na wateja hao. 

“Nimekuja kufuata huduma na hata juzi nilikuwa hapa. Taarifa kuwa kituo hiki kimefungiwa ninazo, lakini naona kila siku kwenye matangazo anayotoa kuwa bado anatoa huduma na kweli nikija hapa napata,” alisema mwanamama aliyejitambulisha kwa jina moja la Agnes na kukataa kutaja jina la pili.

Read More →

Sakata la Oparesheni UKUTA Lailazimu Tume ya Haki na Utawala Bora Kuandaa kikao cha pamoja kati ya Chadema, CCM na Jeshi la Polisi

Tume ya Haki na Utawala Bora imeandaa kikao cha pamoja kati ya Chadema, CCM, Jeshi la Polisi na taasisi nyingine tatu, wakati joto la Operesheni Ukuta likizidi kupanda kwa viongozi wa Serikali na vyama vya siasa kutoa kauli zinazotofautiana. 

Chadema imetangaza kufanya mikutano nchi nzima kuanzia Septemba Mosi katika operesheni iliyobatizwa jina la Umoja wa Kupinga Udikteta Tanzania (Ukuta), ikidai Serikali ya Awamu ya Tano inakandamiza haki na demokrasia nchini. 

Kabla ya kikao hicho, viongozi wa upinzani wamekuwa wakisisitiza umuhimu wa kuwapo maridhiano katika suala hilo pamoja na Ukawa kususia vikao vya Bunge vinavyoongozwa na Naibu Spika, Dk Tulia Ackson, lakini kumekuwa hakuna harakati zozote zaidi ya majibizano. 

Hali hiyo ilizidi baada ya Chadema kutangaza operesheni hiyo ambayo imesababisha viongozi wa Serikali, hasa wakuu wa mikoa kuanza kutoa matamko ya kupiga marufuku mikutano yote ya Ukuta kwenye maeneo yao huku chama hicho kikisisitiza kuwa kitaendesha operesheni yake bila ya kujali amri ya kuizuia kwa kuwa kina haki kikatiba. 

Katika kile kinachoonekana ni jitihada za kutuliza hali hiyo,  Tume ya Haki na Utawala Bora imeandaa mkutano utakaohusisha taasisi sita, likiwamo Jeshi la Polisi lililozuia mikutano, CCM inayoendesha Serikali na Chadema inayopinga maamuzi ya Serikali kwa madai kuwa yanakandamiza demokrasia na kukiuka misingi ya utawala bora. 

Habari tulizozipata  zinaeleza kuwa wanaotakiwa kuhudhuria kikao hicho ni makatibu wakuu wa vyama hivyo, Abdulrahman Kinana (CCM), Vincent Mashinji (Chadema) na Ernest Mangu (Mkuu wa Jeshi la Polisi). 

Wengine ni Jaji Francis Mutungi (Msajili wa Vyama vya Siasa), George Masaju (Mwanasheria Mkuu wa Serikali) na katibu mkuu wa Kituo cha Demokrasia Tanzania (TCD). 

Habari hizo zinasema kuwa mwenyekiti wa Tume, Bahame Nyanduga,  ndiye ambaye amewaita viongozi hao Jumatano ijayo jijini Dar es Salaam. 

Tume ya Haki na Utawala Bora ina jukumu la kuhamasisha hifadhi ya haki za binadamu, kuchunguza jambo lolote, kutoa ushauri kwa Serikali na vyombo vingine vya umma na kuchukua hatua za kukuza, kuendeleza, usuluhishi na suluhu miongoni mwa watu na taasisi. 

Kutokana na hali ya kisiasa ilivyo sasa, mkutano huo hautaweza kumalizika bila ya kuzungumzia majibizano yanayoendelea kuhusu operesheni Ukuta na madai ya ukandamizwaji demokrasia unaodaiwa kufanywa na Serikali. 

Alipoulizwa   kuhusu mkutano huo, Nyanduga alimtaka mwandishi  kuwahoji kwa kina watu waliotoa habari hizo kwa sababu yeye hakutoa taarifa yoyote kwa vyombo vya habari kuhusu ajenda za mkutano huo.

 “Sikutoa mwaliko wala taarifa kwenu (wanahabari),” alisema Nyandyga alipoulizwa  kuhusu ajenda za mkutano huo. 

“Aliyekwambia (suala hilo), akupe taarifa kamili. Nikisema tunajadili nini, haitakuwa na maana ya kuitisha mkutano.” 

Mwezi mmoja uliopita, Rais John Magufuli alitangaza kuzuia mikutano ya kisiasa wakati akipokea ripoti ya Uchaguzi Mkuu uliopita, akisema wanasiasa watafanya siasa mwaka 2020 wakati wa uchaguzi mwingine, akisema wakati huu ni wa kazi na asingependa kuona “mtu yeyote akinizuia kutekeleza ahadi nilizozitoa kwa wananchi wakati wa uchaguzi”. 

Ndani ya kipindi hicho, Chadema imezuiwa kufanya mkutano wa hadhara Kahama mkoani Shinyanga, imezuiwa kufanya hafla ya wahitimu wa vyuo vikuu vya Dodoma na ACT Wazalendo imezuiwa kufanya mkutano wake wa ndani kujadili bajeti ya 2016/17. 

Hatua hizo zilisababisha Chadema kufungua kesi Mahakama Kuu ikitaka itoe tafsiri baada ya polisi kuzuia mkutano Kahama na baadaye kuzuia viongozi wa chama hicho kuingia ofisi za Chadema za wilaya hiyo. 

Wiki iliyopita akiwa njiani kuelekea Kahama, Rais Magufuli alifafanua kauli yake kupiga marufuku mikutano ya kisiasa, akisema waliozuiwa ni wale walioshindwa kwenye Uchaguzi Mkuu na kwamba wale walioshinda wafanye mikutano kwenye maeneo yao na wasialike mwanasiasa kutoka sehemu nyingine. 

Ufafanuzi huo uliotolewa siku chache baada ya Chadema kutangaza operesheni hiyo ya Ukuta, umeibuka mjadala mpya, huku Jeshi la Polisi na wakuu wa mikoa wakitangaza kupiga marufuku mikutano ya Ukuta, huku wakizuia mwaliko wa wanasiasa kwenye mikutano itakayopata kibali. 

Chadema inasema kuwa ina haki ya kufanya mikutano popote pale kwa kuwa hakuna sehemu ambayo Sheria ya Vyama vya Siasa inakataza kufanya siasa baada ya uchaguzi. 

Takriban wiki mbili zilizopita, Mbowe alitangaza mikakati mitatu iliyoazimiwa na Kamati Kuu ya Chadema, ikilenga kupinga kile ambacho chama hicho inakiita kuwa ni ukandamizaji wa haki na demokrasia unaofanywa na Serikali. 

Mbowe alisema moja ya mikakati hiyo ni kufanya maandamano na mikutano nchi nzima kuanzia Septemba Mosi mwaka huu, kama ishara ya kupinga kauli ya Rais na polisi kuhusu mikutano na maandamano. 

Mbali na mkakati huo, Chadema imeanzisha operesheni Ukuta, ikitaja matukio 11 inayodai kuwa ya ukandamizaji wa demokrasia nchini na mengine 24 kuwa yamesababisha kuanzishwa kwa operesheni hiyo.

 Mikakati hiyo ya Chadema ilipingwa na viongozi wa CCM na Jaji Mutungi kwa madai kuwa imejaa uchochezi. 

Wakati CCM ikiwataka Watanzania kutafakari kabla ya kuamua kuungana na viongozi wa Chadema kudai demokrasia na kugeuka kafara kwa vyombo vya ulinzi na usalama, Jaji Mutungi alisema kauli za chama hicho cha upinzani ni kinyume na Sheria ya Vyama vya Siasa. 

Wiki moja iliyopita, Jeshi la Polisi lilitoa kibali kwa Mbunge wa Iringa Mjini (Chadema), Mchungaji Peter Msigwa kufanya mkutano wa hadhara jimboni kwake likizuia wanasiasa kutoka maeneo mengine na pia kuzungumzia chama kingine na kuisema Serikali. 

Mkutano mwingine uliofanyika Ikungi na kuhutubiwa na Mbunge wa Singida Mashariki, Tundu Lissu, uliisha salama lakini muda mfupi baadaye mwanasheria huyo wa Chadema alimakatwa na Polisi na kusafirishwa hadi Dar es Salaam ambako amefunguliwa kesi ya uchochezi.

Read More →

Waziri Atangaza kiama Kwa Trafiki

NAIBU Waziri wa Mambo ya Ndani ya Nchi, Hamad Yussuf Masauni amesema askari wa usalama barabarani watakaobainika kupokea rushwa watashughulikiwa kwa kuwa wataweka mitego kwa ajili ya kuwakamata.

Alisema wananchi wamekuwa wakilalamikia askari hao kuwa wanapenda rushwa na ndio chanzo cha ajali barabarani na kwamba wanachafua taswira ya jeshi hilo.

Akizungumza na askari wa Kikosi cha Usalama Barabarani, Kanda Maalumu ya Dar es Salaam jana jijini humo, Masauni alisema mtego watakaouweka ndilo kaburi lao na kwamba watafungwa kwa sababu ya tamaa ya Sh 10,000, hivyo wajihadhari.

Alisema Taifa linakabiliwa na changamoto ya ajali za barabarani na kwamba wana wajibu wa kuwalinda raia wa nchi hii, badala ya kushiriki kuwaangamiza kwa tamaa ya fedha. Alisisitiza kuwa hawataweza kufikia uchumi wa kati endapo nguvu kazi zitaendelea kupotea kutokana na ajali za barabarani.

“Kuondoa ajali inawezekana na watu watakaoleta sababu za ajabu ajabu hiki sio kipindi chake ni lazima tuzitekeleze kama tulivyopanga kwenye mkakati wetu kwamba ndani ya miezi sita tuwe tumepunguza ajali kwa asilimia 10,” alisema akisisitiza askari kubadilika, kwani ndio wasimamizi wakubwa wa usalama barabarani.

Akizungumzia changamoto zinazowakabili askari hao, alisema kuwa wapo baadhi ya askari ambao wanafanya kazi katika mazingira hatarishi na magumu kama vile kupigwa risasi, kugongwa na magari na kwamba jitihada zao zinatakiwa zitambulike kwa kupandishwa vyeo na mishahara kwa kazi nzuri wanazofanya.

Kamanda wa Polisi Kikosi cha Usalama Barabarani, Mohammed Mpinga alisema mkutano huo ni sehemu ya kutoa elimu kwa askari watakaosimamia mkakati huo kuhakikisha ajali zinapungua.

Naibu Inspekta Jenerali wa Polisi (IGP), Abdulrahman Kaniki alisema ajali za barabarani ni miongoni mwa changamoto zinazolikabili Taifa.

Alisema ni wakati wa askari kuongeza chachu, ari na mbinu katika kutekeleza majukumu yao kwa wananchi na kwamba wapo imara kutekeleza maagizo halali kutoka kwa viongozi wao.

Read More →

Serikali Yatangaza Mwongozo Mpya wa Elimu Kuwa Masomo ya Sayansi ni Lazima Yasomwe Na Wanafunzi Wote

SERIKALI imetangaza mwongozo mpya kuwa kuanzia sasa masomo ya sayansi ni lazima kusomwa na wanafunzi wote wanaosoma elimu ya sekondari kuanzia kidato cha kwanza hadi cha nne. 

Kwa mujibu wa Sera ya Elimu iliyopo, wanafunzi wanaosoma elimu ya sekondari wanaweza kuchagua aina ya masomo watakayo wafikapo kidato cha tatu na kuacha mengine.

Uamuzi huo ulitangazwa jana mjini Tanga  na Waziri wa Elimu, Teknolojia, Sayansi na Mafunzo ya Ufundi, Profesa Joyce Ndalichako wakati akizungumza na mamia ya walimu wa elimu ya msingi kwenye mafunzo ya muda mfupi kuhusu mtaala mpya wa kufundishia wanafunzi wa darasa la tatu na nne.

Alisema hivi sasa nchi imedhamiria kuingia kwenye uchumi wa kati ambao ni wa viwanda, hivyo suala la sayansi haliwezi kuepukwa kwa sababu ni wakati sasa wa kuwa na wataalamu wengi wa fani za sayansi watakaoweza kutosheleza mahitaji ya sekta ya viwanda nchini.

Alisema kutokana na uhaba wa wataalamu wa sayansi nchini kwenye maeneo mengi, wizara imeamua kuanzia sasa wanafunzi wote wa elimu ya sekondari kuanzia kidato cha kwanza hadi cha nne, watalazimika kusoma masomo ya sayansi na kufanya mtihani wa masomo hayo, na kwamba baada ya matokeo kutoka ndipo watafanya uamuzi ama wa kuendelea nayo au la.

Hatua hii kwa mujibu wa Profesa Ndalichako, itamlazimisha mwanafunzi kusoma kwa bidii ili kuhakikisha anafaulu masomo hayo ingawa hivi sasa wanafunzi walio wengi wanadai masomo hayo ni magumu, ndiyo maana wanachagua kusoma masomo ya sanaa.

Alisema ili kuhakikisha azma ya serikali ya wanafunzi wanapata vitendea kazi vya masomo hayo, Sh bilioni 12 zimetengwa kwenye bajeti ya fedha ya mwaka huu kwa ajili ya kununulia vifaa vya maabara kwenye shule zote za sekondari nchini ili kuwepo na zana za kufundishia kwa ajili ya masomo ya sayansi.

"Mafunzo ya vitendo sasa sio mbadala ni lazima, na yatafanywa kama sehemu ya masomo na wanafunzi wote watalazimika kuyafanya kwa vitendo ili wawe na uelewa wa walichosoma kwa manufaa ya taifa,” alisema Profesa Ndalichako.

Alisema Serikali ya Awamu ya tano imedhamiria kuona kiwango cha elimu kinachotolewa nchini kina hadhi sawa na elimu itolewayo na mataifa mengine ili kupata wataalamu wenye sifa zinazokidhi mahitaji ya soko hata kama sio wote wataajiriwa ila hata wale wasiopata ajira wajiajiri kupitia elimu waliyopata.

Aliwataka walimu waliohudhuria mafunzo hayo kuhakikisha wanatumia uwezo wao na elimu waliyopata kufanya kazi kwa mujibu wa maadili ya taaluma ya ualimu ili kuwajengea msingi mzuri wa elimu wanafunzi wa shule za msingi.

Akizungumzia kauli ya Profesa Ndalichako, Mwenyekiti wa Wamiliki wa Shule Binafsi Tanzania (TAMANGOSCO), Mahmoud Mringo alisema ni uamuzi mzuri ila umekuja kwa kuchelewa kwa sababu mahitaji ya wataalamu wa sayansi nchini ni makubwa kuliko idadi ya wanafunzi wanaosoma masomo hayo.

Alisema pamoja na uamuzi huo mzuri uliochukuliwa na serikali, lakini bado kutakuwa na changamoto ya uhaba wa walimu wa masomo hayo, maabara na maktaba na kwamba hali hiyo inaweza kusababisha mahitaji ya walimu hao kutoka nje yakaongezeka.

Katibu wa Tamangosco, Benjamin Mkonya alisema ni hatua nzuri ingawa utekelezaji wake utakuwa na changamoto nyingi kwa sababu hali halisi ya mazingira ilivyo nchini.

Alisema ikiwa serikali inadhamiria kutekeleza azma hiyo ni vyema kipengele cha vigezo vya shule kuwepo ambavyo vimeainishwa ndani ya sheria ya elimu nchini, vikaangaliwa ambavyo ni uwepo wa maabara ya kutosha, maktaba yenye vifaa na walimu wa kutosha.

Alisema iwapo vigezo hivyo vikiangaliwa shule ambazo hazijakidhi vigezo hivyo zikafutwa na vifaa vilivyopo kwenye maabara na maktaba hizo zikaongezwa kwenye shule zenye vifaa hivyo ili kusaidia utekelezaji wa azma hiyo ya kufundisha masomo ya sayansi kwa wanafunzi wote kuanzia kidato cha kwanza hadi cha nne.

Walimu washiriki wameishukuru serikali kwa mafunzo hayo ambayo walisema ni mazuri na yameongeza kiwango chao cha uelewa na kuwaongezea mbinu za ufundishaji sambamba na kukuza morali ya kazi zao.

Pamoja na kushukuru, wameomba wizara hiyo iangalie jinsi ya kuweka posho kwa baadhi ya maeneo ya kazi, hususan kwenye vituo vya kazi vilivyopo pembezoni na kwenye mazingira magumu ili kuwajengea walimu motisha wa kufundisha maeneo hayo.

Walimu waliohudhuria mafunzo hayo ni 480 wanaotoka halmashauri za Bumbuli, Mji wa Handeni na Halmashauri ya Wilaya ya Handeni.

Read More →

MAGAZETI YA LEO JUMAPILI TAREHE 7.8.2016

Read More →

Sama Gizzle Ft. Darassa - Too Much (Cover) | Mp3 Download [New Song]

Read More →

Idara ya Uhamiaji inawashikilia watumishi wawili wa Serikali ambao si rai wa Tanzania.

Mkuu wa Idara ya Uhamiaji Kanda ya Dar es Salaam John Msumule akisisitiza jambo kwa waandishi wa habari (hawapo pichani) wakati alipokuwa akitoa taarifa ya kukamatwa kwa watumishi wawili wa Serikali ambao sio raia wa Tanzania mapema hii leo jijini Dar es Salaam.

Watuhumiwa ambao sio raia wa Tanzania waliokuwa wakifanya kazi serikalini wakiwa chini ya ulinzi wa askari wa Uhamiaji, kushoto ni Bw. Bahilanya Milingita aliyekuwa Shirika la Umeme Tanzania (TANESCO)na kulia ni Dkt. Esther Green Simon Mwenitumba ambaye alikuwa Mganga Mkuu Kituo cha Afya Mburahati.

Bw.Bahilanya Milingita maarufu kwa jina la Roy Bilingita raia wa Congo ambaye anatuhumiwa kuingia nchini mwaka 1986 na kufanya kazi katika Shirika la Umeme Tanzania (TANESCO)  kinyume na sheria za nchi.

Dkt. Esther Green Simon Mwenitumba raia wa Malawi ambaye alikuwa Mganga Mkuu katika kituo cha Afya Mburahati anatuhumiwa kufanya kazi Serikalini wakati si raia wa Tanzania.

Baadhi ya waandishi wa habari wakimsikiliza kwa makini Mkuu wa Idara ya Uhamiaji Kanda ya Dar es Salaam John Msumule wakati alipokuwa akitoa taarifa ya kukamatwa kwa watumishi wawili wa Serikali ambao sio raia wa Tanzania mapema hii leo jijini Dar es Salaam.

 

Picha zote na Eliphace Marwa-Maelezo

Read More →

TRA yavuka lengo la ukusanyaji kodi mwezi Julai

Mamlaka ya Mapato Tanzania (TRA) imevuka lengo la ukusanyaji wa kodi wa jumla ya kiasi cha shilingi trilioni 1 sawa na asilimia 95.6 tofauti na lengo lililokuwa limekusudiwa la kukusanya trilioni 1.1 kwa mwezi Julai 2016.

Kiasi hicho ni sawa na ongezeko la asilimia 15.43 ukilinganisha na makusanyo ya awali ya mwaka 2015 ambapo mamlaka hiyo ilikusanya jumla ya kiasi cha shilingi Bilioni 914.

Takwimu hizo zimetolewa na Mkurugenzi wa Huduma na Elimu kwa Mlipa Kodi wa TRA, Richard Kayombo wakati wa mkutano na waandishi wa habari leo jjijini Dar es Salaam.

“Kwa mwezi Julai mwaka huu makusanyo yameongezeka kwa asilimia 15.43 ukilinganisha na kipindi cha mwezi Julai 2015 ambapo tulikusanya shilingi Bilioni 914” alisema Kayombo.

Aidha aliongeza kuwa mamlaka imeweka mikakati thabiti ya kuhakikisha kuwa inafikia au inavuka lengo la Serikali la kukusanya shilingi trilioni 15.1 kwa mwaka wa fedha 2016/2017 huku mkakati mmoja wapo ukiwa ni kuhakikisha kuwa walipa kodi wapya wanasajiliwa zaidi.

Bw. Kayombo aliongeza kuwa mkakati mwingine ni kuhuisha taarifa za walipa kodi kwa kuhakikisha kwamba namba za utambulisho wa mlipa kodi (TIN) zisizotumika zinafutwa katika mfumo wa TRA.

Pia amefafanua kuwa maandalizi ya kuhuisha taarifa za walipa kodi yapo katika hatua za mwisho ikiwemo upigaji picha,uchukuaji wa alama za vidole pamoja na vielelezo muhimu.

TRA inawakumbusha wananchi kuhakikisha wanakagua tiketi/risiti zao za manunuzi na kuangalia usahihi wa pesa walizolipa na uhalali wa risiti yenyewe.

Read More →

Tundu Lissu afikishwa tena Mahakamani

HATIMAYE Jeshi la  Polisi Jijini Dar es salaam limemfikisha rasmi kizimbani Mwanasheria Mkuu wa Chadema ambaye pia ni Mbunge wa Jimbo Singida Mashariki wilaya ya Ikungi mkoani Singida.

Tundu Lissu ambaye alikamatwa Juzi mara baada ya kumaliza kuhutubia mkutano wa hadhara Ikungi, Singida na kusafirishwa usiku, kulazwa Chamwino Dodoma na kufikishwa Dar jana saa saba mchana alilazwa rumande kabla ya kufikishwa Mahakama ya Hakimu Mkazi Kisutu mchana wa leo.

Akionekana mwenye kujiamini, Lissu amewasili Mahakamani Kisutu akitokea mahabusu ya Kituo kikuu cha Polisi  Kanda Maalum ya Dar es Salaam saa nane na dakika arobaini na nane (14:48) akiwa kwenye gari yenye namba za usajili  T 517 BET Corolla na akisindikizwa na ulinzi mkali wa jeshi la polisi.

Read More →

MPYA:TAARIFA KWA WANAFUNZI WA UDOM KUHUSU PESA NA TAREHE YA KURIPOTI FIELD 2016

 
ALL STUDENTS  COLLEGE OF INFORMATICS AND VIRTUAL EDUCATION THIS IS TO INFORM ALL STUDENTS REQUIRED TO ATTEND INDUSTRIAL PRACTICAL TRAINING WITHIN AND OUTSIDE THE UNIVERSITY THAT, THE TRAINING WILL START EFFECTIVELY ON MONDAY 15TH AUGUST, 2016.

ISSUED BY CIVE MANAGEMENT 4TH AUGUST, 2016

Read More →

MPYA:KUHUSU PESA YA FIELD WANAFUNZI WA UDSM 2016

Read More →

Vyama 9 Vya Siasa Kufutwa Kabisa

Vyama tisa vya siasa kati ya 22 vyenye usajili wa kudumu vipo hatarini kufutwa kutokana na kushindwa kukidhi vigezo na matakwa ya kisheria yaliyoviwezesha kupata usajili wa kudumu. 

Hatua ya kufutwa vyama hivyo, vikiwamo baadhi visivyo na ofisi za kudumu (vyama vya mfukoni) itafikiwa ikiwa vitashindwa kujieleza kutokana na makosa ambayo Ofisi ya Msajili wa Vyama vya Siasa imebaini katika ukaguzi uliofanyika hivi karibuni Bara na Visiwani. 

Jukumu kubwa la Ofisi ya Msajili wa Vyama vya Siasa ni kusimamia, kuboresha, kuendeleza na kudumisha demokrasia ya vyama vingi hapa nchini majukumu ambayo yanatokana na Sheria ya Vyama vya Siasa Na. 5 ya mwaka 1992 na Sheria ya Gharama za Uchaguzi Na. 7 ya mwaka 2010. 

Majukumu mengine ya ofisi ya msajili ni kusajili vyama vya siasa na kuvifuta vyama ambavyo havikidhi matakwa ya sheria hiyo na kusimamia ugawaji wa ruzuku ya Serikali kwa vyama vya siasa kwa mujibu wa sheria.

 Akizungumza ofisini kwake jana, Msajili wa Vyama vya Siasa nchini, Jaji Francis Mutungi alisema uhakiki uliofanywa na ofisi yake katika vyama hivyo upande wa Bara na Visiwani umebaini kasoro nyingi zikiwamo za ukiukaji wa masharti ya usajili.

 “Katika uhakiki uliofanywa na ofisi yangu tumebaini kasoro mbalimbali ambazo kwa mujibu wa sheria ya vyama vya siasa ni miongoni mwa vigezo muhimu vinavyoangaliwa ili chama kiwe na sifa ya kusajiliwa,” alisema. 

“Kasoro tulizozibaini ni nyingi na baadhi ya vyama kutokana na mapungufu waliyo nayo huhitaji kutoa nafasi tena….unaweza kuvifuta hapohapo.” 

Msajili hakutaka kutaja majina ya vyama hivyo ambavyo tayari vimeandikiwa barua lakini alitaja makosa kuwa baadhi havina ofisi za kudumu Tanzania Bara na Visiwani au upande mmoja na vingine havina anuani ya posta. 

“Unakuta chama fulani kina ofisi labda Zanzibar lakini hakina ofisi Bara,” alisema Jaji Mutungi. Alisema vyama vingine havina viongozi wa kitafa kutoka pande mbili za Muungano na pia havina bodi ya wadhamini iliyosajiliwa kwa Wakala wa Usajili Ufilisi na Udhamini (Rita) kama sheria inavyohitaji. 

Katika ukaguzi huo, Msajili alibaini pia kasoro nyingine kuwa ni kukosekana kwa orodha ya wanachama wa chama husika jambo alilosema nalo ni muhimu kila chama kuwa na orodha ya idadi ya wanachama wake. 

Vilevile, baadhi ya vyama hivyo vimeshindwa kuonyesha akaunti ya fedha ya chama hali inayotia shaka namna vinavyojiendesha.

Read More →